صيانة الرادياتير
السلام عليكم . فى شوية نصايح حبيت اقولها للزملا ممكن تكون مفيدة . انا لاحظت ان العربية كل يوم او يومين باضطر ازودها ميه حوالى نصف لتر فحبيت اشوف ايه الحكاية فطبعا سألت على واحد بتاع رادياتير فوصفوا لى واحد ورحت له . اولا بص على الخرطوم الفايص اللى رايح على القربة لقاه مش راكب صح وفعلا ده كان بيسرب ميه . عمل ايه بقه راح مسخن الخرطوم لانه طبعا كان ناشف جدا وبعد مالينه شوية راح مركبه حشر وراح حاطط كوليه عشان مايسربش بعد كده الراجل لاحظ ان لون الميه اصفر قوى ( طبعا كانت ميه حنفية ) راح فاكك خرطوم الراجع اللى رايح على الرادياتير من فوق وراح جايب خرطوم ميه من عنده وصله بالحنفية وراح مدخله فى بق الرادياتير ابتدت الميه تخرج من الموتور للارض وفى نفس الوقت بياخد ميه جديدة من الحنفية وده كده بيغسل دورة التبريد كلها والميه اللى خارجة جابت بلاوى طبعا بعد كده بيحط حاجة من فتحة الرادياتير مادة كدة اوحاجة تقريبا عشان تشيل الصدا ويفضل الوضع ده لمدة حوالى 7 دقايق طبعا بعد كده نصحنى احط ميه خضرة فوافقت الميه دى بتحمى من الصدا ودرجة غليانها اعلى شوية فبتساعد على التبريد (بس تجيب نوع كويس انا جبتها ابرو ب 28 ) بعد كده بيقفل ويتاكد ان المروحة اشتغلت واهم حاجة فى الموضوع انك ماتملاش الرادياتير لاخره ناس كتير وانا منهم بيملا الرادياتير لحد مايكب ميه لا لازم تسيب قيمة نص صابع كده فاضى وعلى فكرة فى علامة على الرادياتير من فوق بتاكد ده وهتلاقوا كله تمام ان شا الله , فى حاجة قبل مانسى بعض الحلات بتحتاج ان الرادياتير يتسلك لكن عندى مكنش محتاج وده حسب امانة الصنايعى
|
25-09-2012, 11:44 AM
