مشكلة في تكييف ساندن لسة متركب امبارح

[mohamadsaad5]

السلام عليكم
بعد التحية....
انا لسة مركب تكييف ساندن ياباني امبارح في دوجان 1600 عند واحد اسمة الاسطي احمد في المعادي مع العلم ان انا في الاسكندرية و رايح علي السمعة بس بعد التركيب الموتور بقي بيهرتل كتير و الكهرباء بتاعت العربية ضعفت عن الاول يعني عشان تدور الكهرباء كلها تفصل و ترجع تشتغل تاني و المروحة المروحة بتاعت التكييف صوتها عالي اوي و صوتها زي ما تكون صفارة كدة و المكنة صوتها علي عن الاول مع ان صوتها عالي اساسا فا ياريت اللي عندة حل يقولي

[sayed2077]

اهلا بيك يا استاذ محمد

مع حضرتك سيد اللى قابلته عند الاسطى احمد امبارح بليل
وانا حتى كنت روحت صدفه ولما الاسطى احمد قالى ان حضرتك جاى من مصر موتورز مرضيتش امشى ساعتها غير لما كل حاجه تخلص
والتكيف يركب ويشتغل وكنت واقف على ايد الاسطى احمد ويعتبر كنت شغال كمان معاه فيها علشان العربيه تتعمل على اكمل وجه لغاية لما التكيف اشتغل وحضرتك كنت مبسوط جدا بالتكيف قلت عليه ده (تلاجه)

اما بالنسبه لموضوع ان العربيه بتهرتل
فحضرتك لما روحت مع الاسطى احمد علشان تعملوا قاعدة التكيف وقبل تركيب اى شىء فى السيارة نهائيا وقبل عمل اى شىء نهائيا بالسيارة
فالسيارة كانت بتبطل كل شوية و كانت غير مظبوطه نهائيا فحضرتك احضرتك اثنين ميكانيكية كل ما فعلوه هو تعلية السلانسية من الكربراتير فقط
و تربيط الفايظ بتاع السيرفو مما ادى ان السيارة يبقى السلانسيه عالى جداااا طوال ما السيارة شغالة وهذا ما قام بعلاجه الاسطى احمد بعد ذلك وجعل السلانسيه على 1000 لفة/دقيقة و اثناء عمل التكيف يكون السلانسية 1500 لفة / دقيقة

كما انى كان ليا ملاحظه لحضرتك ان فيه بوجيه حريقة غير مظبوط بمعنى انه ممكن يطلع مثالا مره شرارة ومره لا وبالتالى ستجد دردرة من الموتور اللى كانت موجوده

اما بالنسبه لضعف الكهرباء فاعتقد ده شىء طبيعى جدا لان الدينموا بيحتاج امبير عالى جدااا فى بداية التشغيل وقبل تركيب التكيف كان طبعا مفيش حمل كهربائى لان التكيف طبعا بيسحب كهربا وده اكيد حاجه طبيعية ان السيارة تفصل اثناء التدوير وبعد كدا كل شىء يرجع لطبيعتة تانى بعد الدوران

اما بالنسبه ان مروحه التكيف صوتها عالى فده ناتج ان المروحه ديه بتدور بسرعة دوران عالية جدااااا وهى السبب ان التكيف يطلع البروده القوية اللى حضرتك شوفتها امبارح وفيه مقولة شهيرة انا بقوله عموما كل شىء يهون علشان خاطر التكيف وانا حتى كنت قلتها لحضرتك امبارح

اما فى النهاية
فانا من خلال مشاهدتى لسيارة حضرتك فالى حضرتك بعض النصائح لتحصل على اقصى استفاده من السيارة اثناء تشغيل التكيف

حضرتك هتروح عند ميكانيكى تبع حضرتك يعمل الاتى بدون المساس نهائيا بتكيف السيارة
1:يجب تغير الاربع بوجيهات و الابلاتين والكوندنسر
2:تنضيف وضبط الكربراتير مسمار الهوا والبنزين بحيث انه يقلل السلانسيه قليلا بحيث يكون فى حدود 800 بدون تكيف و 1200 بالتكيف
3:الذهاب الى كهربائى للكشف على خرج الدينموا الخاص بسيارة حضرتك وذلك للاطمئنان عليه لان زى ما حضرتك عارف ان التكيف طبعا بيسحب كهربا فلازم الدينموا يعمل على اكمل وجه

وحضرتك متقلقش كل ديه حاجات بسيطه ومش هتكلف حضرتك كتير يعنى كل ده مش هيكلف حضرتك اكثر من 100 جنية بالنسبه
1:طقم بوجيهات NGK ب 40 جنية
2:ضبط كربراتير وتنضيفه وتركيب بوجيهات فى حدود 30 جنية
3:قياس شحن الدينموا 10 جنية

وان شاء الله كل الحاجات البسيطه اللى حضرتك بتقولها ديه هتختفى نهائيا
والف مبروك على التكيف وربنا يبارك لحضرتك فيه
وانا هبقى انزل ان شاء الله صور التركيب قريب باذن الله زى ما اتفقت مع حضرتك امبارح

وعلى العموم حضرتك اى حاجه حضرتك تطلبها تقدر تتصل بيا
وانا زى ابن حضرتك اكيد بلا شك
رقمى
01007490168

[sayed2077]

ده فيديوا اثناء شرحى لحضرتك كيفية تشغيل التكيف

http://www.youtube.com/watch?v=LphLV...ature=youtu.be

: THUMBS~220:

[حبيب الناس]

زي ما قالك الاستاذ سيد يا محمد انا لما قريت الموضوع وقبل ما اقرء الرد طراء علي بالي كل ما قاله لك الاخ سيد بس احب ازود علي الاستاز سيد خلي الكهربائي يراجعلك علي دائرة الكهرباء للسياره ممكن يكون فيه سلك أو فيوز ضعيف عاوز يتغير
والف مبروك علي التكييف الجديد ومتقلقش الموضوع كله مش هيكلفك من 100 ل 150 والموضوع ده لازم يتعمل بالتكييف او بدون التكييف علشان تحافظ علي سلامه العربيه
ونصيحه بلاش ميكانيكياو كهربائي اي كلام شوف حد كويس علشان ميفتيش كتير

[mohamadsaad5]

و الله يا استاذ سيد انا مش عارف اشكرك ازاي بس مش انا اللي كنت مع حضرتك امبارح
والدي هو اللي كان معاك انا بس دورت علي الاسطي احمد بعد ما سئلت حضرتك عليه
و اتاكدت انو تمام و الحاج اتولي باقي المهمة و هو والله عايز يتصل بيك عشان يشكرك علي المجهود الجبار اللي حضرتك عملته امبارح و انا كمان و االله بشكرك جدا و مبسوط اني اتعرفت علي حد زيك و الله
و السلام ختام و شكرا