|
#6
20-01-2011, 09:15 AM
|
||||
|
||||
رد: تفاصيل الوصول لمقابله طنطا الثانيه 21\1\2011
بعد اذن ابو الاسعاد باشا
توصولوا جميعا بألف سلامة يا شباب ... كافيه ابو سلامة أصلا على الطريق السريع (مصر اسكندرية الزراعى) فا متقلقوش ان شاء الله مافيش توهان ولا حاجة ملاحظات هامة للى هيروحوا طنطا من القاهرة لأول مرة لتشريفنا بحضور المقابلة أول حاجة يا جماعة توصلوا بألف سلامة ان شاء الله .. طبعا زى ما قال المهندس ابو الاسعاد حضرتك من القاهرة هتاخد الطريق الزراعى و تفضل ماشى فيه طوالى لا يمين ولا شمال لحد ما توصل بالسلامة .... حبيت بس انوه عن شوية ملاحظات بسيطة لما تقرب توصل من طنطا و تحديدا بعد ما تعدى الكوبرى الفضائى بتاع بركة السبع خليك ماشى عادى لحد ما تلاقى ترعة ظهرت على شمالك .. (قرية دفرة) هدى بقى كة و ركز لأن فيه مطب جامد قرب .. تحديدا قبل طنطا ب 4 كيلو .. عند قرية نفيا هتلاقى مطب محترم ....لازم تهدى و تاخده بالراحة ... و من بعد المطب ده فيه كمان مطب بعده ب 3500 متر قبل مدخل طنطا الجنوبى (كوبرى فاروق ) خلى بالك برده منه علشان لبسته وحشة و ممكن لا قدر الله تعمل حاجة فى المساعدين و بعد كدة بقى هتلاقى كوبرى و بعده بشوية اشارة و بعدين شوية مطبات لذيذة و الطريق بايظ من كتر مشى عربيات النقل بس غالبا المنطقة دى بتبقى زحمة فامفيش مطبات فجائية لحد ما تعدى تحت الكوبرى العلوى و بعدها تدور على اول يوتيرن ملاحظات هامة للى هيروحوا طنطا من الاسكندرية لأول مرة لتشريفنا بحضور المقابلة - مرفق صورة بإذن الله طريقم سالك بس فيه ملاحظتيم مهمين جدا جدا أول حاجة دخلة طنطا قبل كفر الزيات على طول اوعى تفوتها لأنها ممكن ماتبقاش باينة قوى لو حضرتك سرحت شوية ... و انت ماشى فى الطريق هتلاقى يافطة قبل كفر الزيات (على طول القاهرة ) و (يمين طنطا) حضرتك هتدخل يمين هتلاقى طريق صغير قاطع طريقك بالعرض هتدخل من الطريق ده شمال و هتمشى ربع دقيقة و تدخل يمين على كوبرى كفر الزيات و تخليك طوالى يا باشا .. هيقابك نفق خده و خليك طوالى برده تانى حاجة بعد ما تخلص كفر الزيات برده خليك ماشى هادى لوجود مطبات رخمة لحد ما تصول بالسلامة لكافيه أبو سلامة طيب نفترض ان حضرتك فوت دخلة طنطا من كفر الزيات و ماخدتش بالك منها و كملت على طول .. ماتقلقش حضرتك هتفضل ماشى عادى جدا على طريق نظيف و حلو و هتدفع كارتة 3 جنيه و فى اخر الطريق ده هتلاقى اتجاهين برده .. اتجاه طنطا و اتجاه القاهرة .. طبعا حضرتك هتنزل فى اتجاه طنطا و هتبقى على بعد حوالى 7 كيلو منها ... تحديدا عند قرية دفرة ... و حضرتك كدة هيبقى كأنك جاى من القاهرة و يا ريت تراجع الملاحظات السابقة للى جايين من القاهرة بخصوص المطبات و توصلو بألف سلامة ان شاء الله
__________________
 ......................... .. يا ترى جاهزين لتجربة السواقة اللى جاية ؟؟؟؟؟!!!!!!! التعديل الأخير تم بواسطة bmkbmk ; 20-01-2011 الساعة 09:23 AM |
|
#7
20-01-2011, 09:21 AM
|
||||
|
||||
|
رد: تفاصيل الوصول لمقابله طنطا الثانيه 21\1\2011
الحمد لله مش انا اللى سايق بدر بسيونى والدى هو اللى سايق انا حنام ماعبال ما يوصل طنطا
__________________
 الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون....  ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
|
|
#8
20-01-2011, 10:52 AM
|
|||
|
|||
|
رد: تفاصيل الوصول لمقابله طنطا الثانيه 21\1\2011
وبعدين نسية اهم علامه يا ابو الاسعاد فين التمثال اللي معمولك علي مدخل طنطا مش مصوره ليه يا راجل يا طيب ده انتا علامه مميزه من علامات طنطا كدا بردك تنسي اهم حاجه
والله انتا برنس من يومك يا ابو الاسعاد ده الاعمي هيعرف يوصل من وصفتك ديه ربنا يجمعكم في الخير دايما وانا شكلي كدا مش هعرف اجي للاسف مضغوط ضغطه حلوه في الشغل |
|
#9
20-01-2011, 11:10 AM
|
||||
|
||||
|
رد: تفاصيل الوصول لمقابله طنطا الثانيه 21\1\2011
الف شكر ياباشا على الوصف الحليلى ده
طنطا منورة باهلها الجدعان وشبابها اللى زى الفل بس تقريرك ناقصه حاجه مهمه جدا الششششششششششبورة ايه اخبارها ؟؟
__________________
Mohamed Bendary اللهم فرغنى لما خلقتنى له ولا تشغلنى بما خلقته لى اللهم ولا تحرمنى وانا أسألك ولا تعذبنى وانا استغفرك مصر هاتفضل غاليه عليا |
|
#10
20-01-2011, 03:11 PM
|
|||
|
|||
رد: تفاصيل الوصول لمقابله طنطا الثانيه 21\1\2011
نعاود لنتواصل
ساعات قليله و نلتقي مع الاحبه علي المحبه ربما دقائق و نتجمع سويا مع حشد كبير تحت رعايه المولي عز و جل ثم مصر موتورز تعالو بينا نشوف مين جاي بعون الله ::: اهل طنطا ::: 1- الاستاذ احمد الشناوي 1981 2- دكتور عمرو phantiza 3- الاستاذ محمد عبد الفتاح الكومي 4- الاستاذ ahmed - casper 5- وطبعا الاستاذ احمد الكومي 6 - وانا مش عارف اجي و الا اي ههههههههههههههههه "بعون الله جاي " :::اهل المحله ::: 7- الاستاذ حازم خضر hazem_khidr ::: اهل الاسكندريه وضواحيها::: 8- الاستاذ احمد بدر 1978 9- الاستاذ بدر بسيوني 10- الاستاذ Mr.Mamo ::: اهل الزقازيق ::: 11- استاذ محمد sad-bird ::: اهل البحيره ::: 12- الاستاذ hyundai 2005 ::: وختاما اهل القاهره و ضواحيها ::: 13- الاستاذ باسم BASSEM BESO 14- الاستاذ Bendary 15- الاستاذ محمد زكي 16-الاستاذ Khaled alsharif 17- الاستاذ احمد فاروق سيد 18- عمنا كلنا و راسنا الكبيره و حبيب الكل استاذنا الغالي وائل باشا AboNoRa ::: بعض الاعضاء والائي تعثر الحصول علي بياناتهم ::: 19- الاستاذ mrmedo 20- الاستاذ عماد emad 7759 21- الاستاذ سيف الدين سعيد 22- الاستاذ Khale مع مراعاه احتمال تواجد ضئيل جدا للاستاذ الغالي احمد ممدوح corsair تمنياتي للجميع رحله سعيده و قضاء يوم سعيد |
 |
|
|
