العودة   مصر موتورز مجتمع السيارات > السيارات الصينية والهندية > جاك JAC

جاك JAC جاك JAC تأسست عام 99 و متخصصة فى صناعة السيارات التجارية و الميكروباص و قد حققت انتشار دولى فى هذا المجال و قدمت سيارات ركوب مؤخرا بتصميمات إيطالية تنبئ بمستقبل مبهر لتلك السيارة


إضافة رد
 
أدوات الموضوع
  #116  
قديم 14-11-2016, 04:55 PM
Adham turbany Adham turbany غير متواجد حالياً
 
تاريخ التسجيل: Jun 2016
المشاركات: 8
Adham turbany is on a distinguished road
افتراضي رد: قطع غيار JAC B15

عشت لينا ، وأدام الله فضلك د/كمال
رد مع اقتباس
  #117  
قديم 18-08-2017, 08:05 PM
hazoma88 hazoma88 غير متواجد حالياً
 
تاريخ التسجيل: Aug 2016
المشاركات: 11
hazoma88 is on a distinguished road
افتراضي رد: قطع غيار JAC B15

الاخوة الكرام اعتذر لعدم تواجدي باستمرار واعتذر لانقطاعي عن حضراتكم النهاردة جبتلكم مستور لجميع قطع غيار الجاك موديلات قديمة وجديدة ياريت الكل يتواصل معاه لانه هيعمل جروب علي الواتس والفيس لسهولة التواصل تحياتي لحضراتكم الاسم عمرو عبد الوهاب ارقام الهواتف هي 034853066 - محمول 01222471180 - 01000006973
رد مع اقتباس
  #118  
قديم 09-12-2017, 11:39 PM
mohdyosf mohdyosf غير متواجد حالياً
 
تاريخ التسجيل: Apr 2013
المشاركات: 7
mohdyosf will become famous soon enough
افتراضي رد: قطع غيار JAC B15

الأخوة الأفاضل ملاك جاك b15 ، حاولت اراجع كل البوستس اللى موجودة على الجروب وجمعت كل قطعة غيار حد إتكلم عنها وقال انه غيرها وعملت بيهم LIST علشان يمكن حد يستفيد من المعلومات دى ... بس هو فى ملحوظة غريبة انا لاحظتها ان فى تضارب فى المعلومات فى بعض قطع الغيار مش كلهم بمعنى مثلا الكبالن .. واحد يقول انه ركبلها كبالن النترا 2007 و التانى يقول انه ركبلها كبالن لانسر شارك ... مع ان كبالن الالنترا مختلفة عن كبالن اللانسر فمستحيل الاتنين يكونو ركبوها ... هى حاجه غريبة ومش لاقيلها اى تفسير بصراحه لان الكبالن تحديدا انا كنت فكتها ودخت بيها عند كل اصحاب قطع الغيار و ولا الالنترا ولا اللانسر كانت زيها واضطريت اجيبهم من الصين عن طريق واحد صاحبى كان بيجيب حاجات من هناك....!!
على العموم زى ما قلتلكم انا جمعت المعلومات اللى اتكتبت عن قطع الغيار المختلفة فى الجروب ودى كانت النتيجة (ملحوظة انا نقلت بالظبط اللى كل واحد كاتبه بدون تعديلات) :

العفشة
عموما سألت ميكانيكى قال إن عفشه لانسر بومه تمشى معاها تمام
فى التوكيل سألت الميكانيكى قاللى عفشتها هى لانسر بومه
بيض دركسيون وتيش ميزان سيراتو 2007

البطاحات
غيرت البطاحة بواحدة بتاعة لانسر
بطاحة (نوبيرا)
اللى اشترتها بطاحة النترا 2006 وهى نفس المقاس اللى فى الجاك
تم تغيير بطاحه المساعد الامامى ب بطاحه هيونداى ماتركس .... نفس المقاسات بالضبط
البطاحة = ماتركس او هنداى النترا95
انا لما غيرت البطاحة قالوا لي دي بتاعة لانسر الخليجي البطاحة اللي ببلية علشان في منها من غير بلية

المساعدين
جوز المساعدين الاماميين ب لانسر موديل 2009
انا بركب مساعدين سيراتو 2008 هما نفسهم مفيش اي تعديل أو تغيير ولكن في ليهم ودنين زيادة تحت بتشيلهم وبيركبوا

المقصات
تقريبا النترا 95 لان الجلب(جلب المقص )انا غيرتها النترا 95
جلب المقصات = النترا 95
جلب المقصات موجودة هي بتبقى بالمقاس يعني بتاع العفشة بيحل المقص و الخراط بيطلع الجلبة تجيب مقاسها و الخراط يركبها تاني في المقص عن طريق مكبس

اذرع البارات
دراعين البارات اشتريت اتنين كوري الدراع الواحد بيبقى جزئين أقصد ان الطقم بيبقى أربع أجزاء دراعين يمين و شمال و اتنين من الجزء المتحرك اللي ناحية العجلة الطقم الكوري اللي جبته كان مكتوب عليه لانسر شارك

ذراعين الميزان
غيرت دراعين ميزان و كانوا بتوع كيا بيكانتو

طلمبة البنزين
غيرت القلب ببتاع الطلمبة الصيني بتاعة الالنترا
هو غير الطرمبة بطرمبة لانسر 2009

طلمبة المياه
طلمبة المياه = متسبيشى
طلمبة المياه بتاعتها نفس طلمبة العربية بي واي دي

تيل الفرامل
وتيل فرامل (ماتركس)
التيل الامامى هو تيل الماتريكس
انا لسه مركب التيل الخلفى النهارة بعد ماعرفت ان التوكيل لايوجد به اى شيئ
هوالتيل الخلفى مكتوب على العلبة التى اشتريتها هونداى كوبيه وواحد قالى النترا 98
وهو اصغر فى العرض شويه مثل الامامى (الماتركس)
التيل الأمامى هو بتاع الماتريكس بس الخلفى مش لاقيله أى شبيه , بعض الأخوة قالولى انه بتاع أوكتافيا a4 , والبعض قاللى هيونداى كوبيه , والأثنين مش نافعين وسنون التيل مش زى بعضها
انا غيرت التيل الخلفى فعلا وهو هونداى 2005 - هيونداى النترا 2005 الشكل القديم ... وفى ناس ركبت تيل اوكتافيا A4
تيل الفرامل امامى = ماتركس
تيل خلفى = النترا 95
تيل الفرامل الخلفى ركب عليها بتاع السيراتو 2010
تم تركيب تيل فرامل النترا 2007 اخي الحبيب امامي وخلفي بدون اي تعديل

سير الكاتينة
وانا غيرت سير الكاتينة وهو 109 سنة (متسوبيشى) - المتسوبيشى يوجد نوعان من سير كاتينه اللانسر (107) 1300 سى سى و (109) 1500 سى سى اما الجاك اسنان سير الكاتينه109سنه
سير الكاتينة برضه بي واي دي
غطاء سير الكاتينة هو نفسه بتاع البي واي دي

الرادياتير
وعلى فكرة الرايدياتير النترا 2005
رايدياتير =النترا95
خرطوم المياه الواصل من الرادياتير للماتور لانسر شارك ... بس هتقص منه شويه عشان مقاسه اطول والفتحه إللى داخله على الرادياتير بتكون واسعه وإللى داخله على الماتور بتكون ضيقه
الردياتير النترا 2007 بس مع تعديل بسيط

الدينامو
الدينمو =متسبيشى بوما

أوكرة الباب
قلب اوكرة الباب مش موجودة ولاكن بتاع الابواب عمل تعديل لقلب تويوتا وركبهولى وشغال كويس
أزرار الزجاج كمان . تشبه فى علبتها والفيشه والشريحه مجموعة أزرار المتسوبيشى لانسر وناس قالولى ان اللانسر تمشى وناس قالت لأ



ملحوظة أخيرة : الأستاذ حازم ياريت لو تقدر تدلنا على جروب الفيسبوك بتاع الاستاذ عمرو عبد الوهاب لنه بالاتصال به تبين انه متواجد فى الصين والأرقام الخاصة به متواجدة بمصر مع والدته
وأيضا الدكتور كمال، عل تم التواصل مع الأستاذ سيف بتوكيل القصراوى لمعرفة المحل بمصر الجديدة الذى يبيع قطع الغيار الخاصة بالبى كلاس بأسعار رخيصة مثل الكبالن اللى ب500 جنيه؟
رد مع اقتباس
إضافة رد

الكلمات الدليلية
جاك

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 12:26 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017