تقرير عن مقابلة بورسعيد الصيفية يوليو2010

[محمد زكي]

والله يا جماعه الواحد مش عارف يقول ايه بس بجد انا متاكد ان كل الناس الي كانت عملها حسبها تيجي ومجتش حصل عندهها ظروف زي محصل عندي بالظبط والناس كلها كانت قاعده مضيقه جدا انها مقدرتش تيجي دنا حتي كلمت كورسير فكرو في بورسعيد معاكو لاكن لقيتو هنا وكنت بكلمو وانا زعلان جدا اننا مقدرتش اروح

[أحمد فاروق سيد]

والله أنا عن نفسى مكسوف أكتب علشان أسمى ميظهرش فى الموضوع
أنما يعلم الله أن ظروف خارجة عن إرادتى حالت بينى وبين حضورى
لكى أنعم بهذه الصحبه الخلوقة المحترمة المهذبة
فتقبلوا عذرى وبالتأكيد مَن لم يحضر فهو سئ الحظ

[نبيل عبدالرحمن]

المشاركة الأصلية كتبت بواسطة حازم شاهين نقدر نقول إن اﻹسكندرانية نصفونى المقابلة رغم إنها ما كانتش وفق المتوقع لكن كانت جميلة و الحمد لله هى كانت مقابلة سكندرية على أرض بورسعيد و الحمد لله لله تمت على يومين كما هو مخطط يوم الخميس جالنا أ. بدر بسيونى فى المساء و أنا و أ. أحمد بدر و قضينا سهرة ثلاثية فى جو رائع فى الحقيقة هواء عليل و الرطوبة كانت قليلة ، و لا عزاء للحرانين و اتكلمنا فى مواضيع كتير جميلة و مفيدة و مر علينا الوقت بسرعة رهيبة من غير ما نحس و كلمنا على التليفون أ. خالد الشريف إللى متوعك شوية اليومين دول و هو كان ناوى يكون موجود معانا لولا الدور المفاجئ ربنا يمتعه بالصحة و العافية و ياخد بيده يا رب و فى يوم الجمعة إيتدى يوم م. نبيل عبد الرحمن من ساعات الصباح اﻷولى علشان يوصل بورسعيد فى وقت مناسب و بالفعل وصل الساعة 10 صباحا و نظرا ﻹن محدش تانى جه إقترح أحمد بدر إننا نلغى قرية الفردوس و نقضى المقابلة فى بورسعيد و فعلا جلسنا فى أحد كافيتيريات مجمع المطاعم على الروف و برضة الجو كان جميل و الهواء عليل و الصحبة حلوة و الوقت طار. فى النهاية أحب أشكر كل السكندرية إللى شرفونى فى بورسعيد و أشكر كمان كل الناس إللى كان نفسها تيجى و ظروفها ما سمحتش و إن شاء الله تتعوض فى المقابلات الجاية

بالرغم من قصر المقابلة ومن قلة عدد الأعضاء الذين حضروا ، لكنها كانت مقابلة جميلة زادها الأستاذ حازم شاهين جمالاً بحديثه الشيق وبضحكته الرائعة وبكرمه الزائد وأخلاقه الرفيعة ، كما زادها الأستاذ / أحمد بدر بحكاياته الممتعة وحديثه الذى يجذبك اليه وتتمنى لو يظل يحكى ويتكلم ويقص عليك حكاياته ونوادره مع رجال المرور ، وكنت أتمنى لو تطول هذه المقابلة أكثر من ذلك ، وعلى وعد بلقاء آخر قريب بإذن الله

[احمد بدر1978]

مساء الخير على احلى منتدى والله المنتدى وحشنى بس زعلاااااااااااااااااااااا ااااااااااان من كل اللى قال جى وماجاشى بس افوق من السكة لانى لسة واصل الاسكندرية
وصبركوا عليا نفر نفر
تصبحوا على خير

[hazem_khidr]

هو كروسير راح فين صحيح
قعد يقول رايح و مش عارف ايه
و هو لا حس ولا خبر