و لتاني مره علي التوازي ( المقابله في بورسعيد )

[ابراهيم داود]

ياباش مهندس/ احمد والله كنت جاى بس انت مااكدتش الدعوه لانى كنت نفسى اشوفك واتعرف عليك انت والاستاز حازم وعموما كل سنه وانتم طيبين ؟
وبنتمنى من الاداره ان شاء الله يكون عندنا علم بوقت اى معرض حتى نستفد جميعا
ولهم جزيل الشكر والتقدير

[حازم شاهين]

مقابلة العيد كانت عيد

على الرغم من إن المقابلة حضرها شخصين فقط لكن إحنا كنا مصممين نتقابل حتى و لو محضرش أى عضو تانى.
تطوير العلاقات الإلكترونية لنشاط إجتماعى فى إطار مفيد و محترم من ضمن أهم المكاسب إللى ممكن الأعضاء يستفيدوا منها .
يا ريت يا جماعة اللقاءات دى تتكر فى بلاد تانية و بأعضاء تانية علشان يبقى فيه أخوة و أصحاب كتير جمعهم مصر موتورز.
أما بخصوص المقابلة نفسها فكانت ظريفة طبعا و أهم ما فيها لقاء برومادا مع عربية صينى (و هو من ألد أعدائها) وجها لوجه و كانت محصلة اللقاء ده إننا إتفقنا إن العربية دى مش عربية شبابى و ما تنفعش اللى غاويين شد و أمركة لكنها عربية أسرية رصينة .
المهم مش قادر أوصفلكوا منظر برومادا لم سمع صوت الكلاكس بصراحة عامل زى صوت المعزة المدبوحة .... طبعا أحاول أفهمه إنى ملحقتش أظبط أى حاجة قبل العيد لكن هو كان تقريبا فى الدواسة من كتر الضحك.

يا رب تتكرر المقابلات أكتر و أكتر و نتعرف على أعضاء أكتر و أكتر و دايم فى الخير و الأفراح يا رب

[Dr. Bolbolan]

المشاركة الأصلية كتبت بواسطة حازم شاهين مقابلة العيد كانت عيد على الرغم من إن المقابلة حضرها شخصين فقط لكن إحنا كنا مصممين نتقابل حتى و لو محضرش أى عضو تانى. تطوير العلاقات الإلكترونية لنشاط إجتماعى فى إطار مفيد و محترم من ضمن أهم المكاسب إللى ممكن الأعضاء يستفيدوا منها . يا ريت يا جماعة اللقاءات دى تتكر فى بلاد تانية و بأعضاء تانية علشان يبقى فيه أخوة و أصحاب كتير جمعهم مصر موتورز. أما بخصوص المقابلة نفسها فكانت ظريفة طبعا و أهم ما فيها لقاء برومادا مع عربية صينى (و هو من ألد أعدائها) وجها لوجه و كانت محصلة اللقاء ده إننا إتفقنا إن العربية دى مش عربية شبابى و ما تنفعش اللى غاويين شد و أمركة لكنها عربية أسرية رصينة . المهم مش قادر أوصفلكوا منظر برومادا لم سمع صوت الكلاكس بصراحة عامل زى صوت المعزة المدبوحة .... طبعا أحاول أفهمه إنى ملحقتش أظبط أى حاجة قبل العيد لكن هو كان تقريبا فى الدواسة من كتر الضحك. يا رب تتكرر المقابلات أكتر و أكتر و نتعرف على أعضاء أكتر و أكتر و دايم فى الخير و الأفراح يا رب

رغم انى مش موجود فى مصر ! بس كنت متوقع ان ماحدش يحضر المقابله غير الثنائى البورسعيدى !

لعدة أسباب : 1- فعلا الكلام عن المقابله كان هلامى ! يعنى لآنها فى بلد بعيده عن معظم الآعضاء فهى

لم تكن محددة المكان ( فين ) ؟ الساعه ( كام ) ؟ مافيش تربيطات ( يعنى ما أخدتش أوكيه من حد ) !

تالت يوم العيد غير مناسب اطلاقآ لآن معظم الناس اللى فى القاهره أو أى مدينه أخرى بتحضر أول يوم

فى نفس البلد ثم تسافر الى الآقاليم حيث الآهل و بيرجعوا تالت أو رابع يوم العيد ! فكيف يحضرون بورسعيد؟

كمان لاحظت أن أكثر من 50 أو 70 % من الآعضاء ليس عندهم سيارات لسبب أو لآخر ( ربنا يعطى الكل)

و السفر بالمواصلات فى الآعياد صعب و مش مضمون ! و بعدين ماحدش قال فى عزومه مثلا على سمك

أو لحمة العيد ( كنوع من الاغراء ) ! و لكن يكفى شعوركم وان شاء الله المرات الجايه تبقى حاجه زى كده

يتم لها التخطيط بصوره منظمه على سبيل الاستفاده من هذا الموقف !

أما بالنسبه لكلاكس الآخ حازم فأعتقد انه قام بتصليحه عند " المعلم بوحه " علشان صوته عامل زى الجدى

المدبوح ! أقصد اللى اتسلخ قبل ما يندبح ! و كل عام وأنتم بخير !

Dr. Bolbolan

[pro mada]

المشاركة الأصلية كتبت بواسطة حازم شاهين مقابلة العيد كانت عيد على الرغم من إن المقابلة حضرها شخصين فقط لكن إحنا كنا مصممين نتقابل حتى و لو محضرش أى عضو تانى. تطوير العلاقات الإلكترونية لنشاط إجتماعى فى إطار مفيد و محترم من ضمن أهم المكاسب إللى ممكن الأعضاء يستفيدوا منها . يا ريت يا جماعة اللقاءات دى تتكر فى بلاد تانية و بأعضاء تانية علشان يبقى فيه أخوة و أصحاب كتير جمعهم مصر موتورز. أما بخصوص المقابلة نفسها فكانت ظريفة طبعا الله يخليك و أهم ما فيها لقاء برومادا مع عربية صينى (و هو من ألد أعدائها) وجها لوجه لا انا بدأت ابقي صديق بس مش اوي يعني و كانت محصلة اللقاء ده إننا إتفقنا إن العربية دى مش عربية شبابى و ما تنفعش اللى غاويين شد و أمركة لكنها عربية أسرية رصينة . ده اكيد و حاجه متفق عليها تماما المهم مش قادر أوصفلكوا منظر برومادا لم سمع صوت الكلاكس بصراحة عامل زى صوت المعزة المدبوحة .... طبعا أحاول أفهمه إنى ملحقتش أظبط أى حاجة قبل العيد لكن هو كان تقريبا فى الدواسة من كتر الضحك. اصل صوته عجيب اوي و مش طالع بره العربيه اصلا فكنا بنضرب كلاكس لنفسنا يا رب تتكرر المقابلات أكتر و أكتر و نتعرف على أعضاء أكتر و أكتر و دايم فى الخير و الأفراح يا رب

الله يخليك يا استاذ حازم و دايما نتقابل علي خير

[pro mada]

المشاركة الأصلية كتبت بواسطة Dr. Bolbolan أما بالنسبه لكلاكس الآخ حازم فأعتقد انه قام بتصليحه عند " المعلم بوحه " علشان صوته عامل زى الجدى المدبوح ! أقصد اللى اتسلخ قبل ما يندبح ! و كل عام وأنتم بخير ! Dr. Bolbolan

كل سنه و حضرتك طيب يا دكتور و ياريت اول ما حضرتك تيجي مصر تبلغنا عشان نقابلك و نتعرف علي حضرتك