شويه مشاكل مجننانى معلش

[casper35]

السلام عليكم
نظرا لسفرى الكتير اوى اوى اوى وانى بمشى على سرعات عاليه علشان بكون مستعجل فبتظهر شويه مشاكل بتخلى الواحد يتخنف بصراحه يا جماعه من اللانوس كل شويه اقول ابيعها من كتر ما بتخنق بس برجع واقول احسن من غيرها واوفر فى ظروف البلد دى
1- فيه تسريب هوا من الباب مش عارف دا سببه الكاوتش اللى داير ما يدور حوالين الباب ولا الكاوتش اللى بارا من الباب اللى بيمنع الميه ولو واحد فيهم اغيره منين وازاى وبكام ودى اكبر مشكله فيهم علشان بجد الصداع وبتظهر بعد ال 100
2- العربيه فيها ونه على الغيار والمور ومش ونه عجل علشان رحت لكذا ميكانيكى هل دى ونه طقم دبرياج مثلا ولا كارونه فتيس ولا ايه مع العلم انى لسه مغير طقم دبرياج المانى من 6 شهور والعربيه مش بترعش معايا فى الطالعات
3- لمجرد انى اغسل العربيه او ميه تيجى ناحيه باب السواق كده السنتر بيلعب مع نفسه كده يقفل ويفتح ونهايه الحوار ماكينه باب تتحرق واروح اغيرها

[casper35]

ممكن حد يدلنى على حل اى حاجه فيهم يا جماعه

[amir elgamal]

المشاركة الأصلية كتبت بواسطة casper35 السلام عليكم نظرا لسفرى الكتير اوى اوى اوى وانى بمشى على سرعات عاليه علشان بكون مستعجل فبتظهر شويه مشاكل بتخلى الواحد يتخنف بصراحه يا جماعه من اللانوس كل شويه اقول ابيعها من كتر ما بتخنق بس برجع واقول احسن من غيرها واوفر فى ظروف البلد دى 1- فيه تسريب هوا من الباب مش عارف دا سببه الكاوتش اللى داير ما يدور حوالين الباب ولا الكاوتش اللى بارا من الباب اللى بيمنع الميه ولو واحد فيهم اغيره منين وازاى وبكام ودى اكبر مشكله فيهم علشان بجد الصداع وبتظهر بعد ال 100 2- العربيه فيها ونه على الغيار والمور ومش ونه عجل علشان رحت لكذا ميكانيكى هل دى ونه طقم دبرياج مثلا ولا كارونه فتيس ولا ايه مع العلم انى لسه مغير طقم دبرياج المانى من 6 شهور والعربيه مش بترعش معايا فى الطالعات 3- لمجرد انى اغسل العربيه او ميه تيجى ناحيه باب السواق كده السنتر بيلعب مع نفسه كده يقفل ويفتح ونهايه الحوار ماكينه باب تتحرق واروح اغيرها

السلام عليكم
1- سبب الهواء اكيد جلدة الكاوتش لكن للاسف لا اعرف مكان للتغيير وعلفكره انا كمان عاوز اغيرها بس بصراحة مادورتش على مكان واخرتها هروح التوكيل واغيره بس مابتطلعش هواء جامد يعنى حاجه بسيطه جدا
2- الونة ده لييها اسباب كثيرة ولا استطيع الفتى
3- حكاية السنتر بيلعب مع نفسه ده يبقى جلده الزجاج بتنزل مياه على سلك قربة السنتر وبيلمس شكله مع بعض وعلشان تتاكد بعد ما تغسل السيارة هتشيل وش الباب من الداخل وهو فى الغالب بيبقى كلبسات وهتشوف فى مياة جت على القربة ولا لا بس علفكرة هى هتكون من الباب الى جنبك اقصد باب القيادة.
.
والله اعلى واعلم

[casper35]

شكرا يا استاذ امير
طب هو التوكيل دة فين اللى ممكن يغيرلى الكاوتش دة وبكام؟
انا بصراحه مروحتش توكيل قبل كده يعنى لو روحت لازم الاول يدفعنى تغيير زويت وحاجات من دى ولا اللى انت رايح علشانه وبس

[amir elgamal]

المشاركة الأصلية كتبت بواسطة casper35 شكرا يا استاذ امير طب هو التوكيل دة فين اللى ممكن يغيرلى الكاوتش دة وبكام؟ انا بصراحه مروحتش توكيل قبل كده يعنى لو روحت لازم الاول يدفعنى تغيير زويت وحاجات من دى ولا اللى انت رايح علشانه وبس

السلام عليكم
اولا اسف على تاخر الرد بسبب مشكلة فى الكيبورد عندى وان حالا بكتب بالماوس
انا بروح توكيل السيارة الخاص بى وبشترى منه قطع الغيار فقط واى شئ فى الموتور لانى مابحبش حد يحط يده فيه وانا لسة راجع من عنده امس
لا انصح حضرتك بتغيير شئ فى الوكيل الا للاشياء المهمة جدا التى تتعلق بالمحرك
وهو بيغير الى حضرتك عاوزة عادى بدون الزام بتغيير زيت او فلاتر ....الخ
وحضرتك ممكن تسال على توكيل شيفورلية الاقرب لحضرتك ده فى حالة لولم تجد قطع الغيار برة