#1
|
|||
|
|||
بخصوص الجيش ممكن تساعدوني
السلام عليكم
انا الحقيقه سجلت هنا عشان شفت كلام ليكم عن الجيش والتجنيد انا عاوزه اعرف فتره التدريب للعسكري قد ايه فيه ناس بتقول 20 يوم وناس 45 وانا خطيبي راح خلاص من يومين وعاوزه اعرف بيقدرو يتصلو بينا من هناك ولالا لانه سلم الموبيل خلاص وعاوزه اعرف بياخدو كام هناك اكيد بعد فتره التدريب وعاوزه اعرف كمان هي بتبقى سنه بس ولا سنه وشهرين فتره الجيش بجد ضروري الي يعرف يطمني ويرد ع اسئلتي |
#2
|
|||
|
|||
رد: بخصوص الجيش ممكن تساعدوني
مفيش ولا رد؟
|
#3
|
رد: بخصوص الجيش ممكن تساعدوني
فترة التجنيد للمؤهلات العليا بتبقى للجندى المجند سنه وشهرين تقريباً أما لو دخل ضابط إحتياط فممكن تتمد لأكثر من سنتين
أما فترة التدريب الأولى فبتبقى من 21-45 يوم حسب السلاح اللى إتجند فيه وربنا يجيبوا لك بالسلامه معلش هى فترة صعبة لكن بتعدى قوام
__________________
م . نبيل عبد الرحمن مصر موتورز الإسكندرية
|
#4
|
||||
|
||||
رد: بخصوص الجيش ممكن تساعدوني
التجنيد للمؤهلات العليا سنة وشهر ونص لان بيخش فيهم فترة التدريب الي هية 45 يوم وللاسف مش هتقدري تكلمية الا بعد ال 45 يوم او لو حد من زمايلة مهرب موبايل جوة مركز التدريب ممكن بالحب كدة صف الظابط يعديها ويكلمك منة بس طبعا كل فترة بس لو اتقفش ممكن ياخد 6 شهور تجنيد زيادة علي مدتة ولو دخل ظابط احتياط هيقعد 3 سنين و شهرين وهيقعد برضو 45 يوم في كلية الظباط الاحتياط وبعدين ينزل كل اسبوع خميس ويرجع جمعة ومش هتقدري تكلمية هناك خالص غير لما ينزل اجازة وممنوع الموبايلات هناك ومتخافيش علي خطيبك الجيش هيرجعهولك بالف راجل وان شاء الله فترة تجنيدة تعدي علي خير بس اهم حاجة ميعملش مشاكل و متقلقيش هناك الظباط بيعاملو المؤهلات العليا باحترام لان اخويا ملازم اول وهوة الي بيقلي الكلام دة
__________________
اللهم صل وسلم وبارك علي سيدنا محمد (( صلي الله علية وسلم )) |
#5
|
|||
|
|||
رد: بخصوص الجيش ممكن تساعدوني
ربنا يخليكم ميرسي
|
|
|