من الافضل السحب الامامى ام الدفع الخلفى

[فادى]

بس ليا سؤال منين جبت منطق ان الاوفر ستيرنج اقل احتمالية فى حدوثة من الاندر سيترنج علماً بان فى حالة الاولى (دفع خلفى) وزن العربية بيبقى عامل مساعد اكبر على حدوثة فقوة الطرد بتبقى اكبر منها فى حالة الجر الامامى ؟

الستيرنج ناتج عن دوران العجل حول نفسه, و ده بيقلل من ثباتها مع الطريق,
الوزن موضوع تانى,
وزن العربية التقيل بيخلى قوة الطرد المركزية أعلى فى الملفات, و بالتالى بيزيد من تمايلها, و بيقلل الثبات.
الدفع الخلفى مكوناته أتقل, لكن ده برضو ملوش دعوة بموضوع الأندير سترينج و الأوفر ستيرنج.
ناهيك انو مفيش ظاهرة المحاور غير المتوازية فى الدفع الخلفى التى تسبب بفقدان الثبات.

في مقوله بما معناه ( الحصان يكون امام العربه وليس خلفها )

الجملة دى قالها انزو فيرارى, مكنش يعنى بيها الدفع الامامى, كان يعنى بها أن يوضع المحرك فى الأمام مع دفع خلفى,
الجملة دى قالها انزو فيرارى لما اقترحوا عليه انو يعمل عربيات فيرارى بمحرك خلفى زى سيارات بورش كده,
لكن انزو فيرارى كان رده "الحصان يجر السيارة من الامام",
طبعا الان معظم السيارات الرياضية المحترمة و منها فيرارى وضعية محركها وسطية لا فى الخلف و لا الامام, و هذه الوضعية توفر أفضل توزيع ممكن للوزن, لكن سيارات بورش مازالت تحافظ على وضعية المحرك الخلفى.

[Nour_peugeot]

انا سقت دي و ستق دي بس انا شايف ان عزم الدفع الخلفي افوي من عزم الجر الامامي

في المرتفعات

[hazem_khidr]

و دا كان ردي علي موضوع مماثل في احدي منتديات السيارات
و الغريبه انه قريب جدا من رد فادي
بس انا مش مستغرب لاننا انا و هو من نفس المدرسه
طبعا فادي فاهمني كويسptmnlo123per122

جر خلفي طبعا حتي لو السرعه اقل بحاجه بسيطه بس بتركب عربيه ثابته و ترتاح من مشاكل الكبالن و عربيه قويه و حقول اسباب اختياري للدفع الخلفي ايه
1.نسبه توزيع الوزن للعربيه بالنسبه للدفع الخلفي افضل بكتير و ربما يكون الوزن متساوي بين المحورين الامامي و الخلفي نرا لوجود الات الجر في الخلف في دا بيبقي مفيد في ثبات العربيه اوي
2.عند البدء في التحرك بطريقه سريعه بالسياره .بالنسبه للجر الخلفي السياره بتتحرك بشكل طبيعي و دا علشان ان الحركه بتتوزع علي الاكسات الخلفيه بالتساوي(عمود الكردان بينقل الحركه للكورونه و الكورونه بتوزعهم علي الاكسات بالتساوي نتيجه ان الاكسين نفس الطول تماما) اما بالنسبه للجر الامامي ف بيكون عندنا دراعين غير متماثلين في الطول و ممكن تلاحظ و انت طالع مندفع ان الدركسيون ممكن يتحرك من ايدك(تحس ان كل عجله طالعه لوحدها)
3.عند الضغط علي الفرامل بقوه من الطبيعي ان السياره تهبط من الامام و تعلي من الخلف في الجر الخلفي يلعب هنا التوزيع المثالي للوزن دور كبير في ما يخليش العربيه تهبط من المقدمه بشكل جامد .اما بالنسبه للجر الامامي ف السياره بتهبط بشكل جامد و دا بيخليها ممكن تعوم من ورا.
طبعا الجر الامامي بيمتاز انه اوسع من الداخل(لعدم وجود كورونه و عمود كردان و فتيس)و دا بياثر علي مساحه العربيه طبعا و غير ان استهلاك الوقود بيبقي احسن بالنسبه للجر الامامي

[hazem_khidr]

في مقوله بما معناه ( الحصان يكون امام العربه وليس خلفها )

الجمله دي فعلا انزو فيراري قالها
لما مصممين السيارات عنده كانوا بيحبوا يعملوا سيارات بمواتير وسطيه
و كان هو دايما بيحب الموتور يبقي قدام
كنايه علي ان الموتور هو حصان السياره الفيراري
فاكر كويس يوم ما قدموا ال 550 مارنيلو افتكروا جملته الشهيره دي.
و دي جمله كنت كاتبها في احد مواضيعي عن انزو فيراري

- اخر السيارات التجاريه ذات محرك امامي كانت 365 gtb وكانت اواحر الستينات و كان دائما انزو يقول(الحصان يجر العربه ولا يدفعها)و كان يقصد ان الموتور لابد ان يكون في المقدمه.

[matmm]

[اما بالنسبه للجر الامامي ف بيكون عندنا دراعين غير متماثلين في الطول و ممكن تلاحظ و انت طالع مندفع ان الدركسيون ممكن يتحرك من ايدك(تحس ان كل عجله طالعه لوحدها)
طب انا عايز اعلق على الرد دة انا عندى عربيتى الاودى الموتور بلطول والعربية سحب امامى والدراعات بتاعت الكبالن قد بعض طب لية الموتور بلطول؟