أرشيف بجميع موضوعات الأكسنت RB 2011 المدمجة الخاصة بالصور والاسعار

[xwaledx]

المشاركة الأصلية كتبت بواسطة Mr.Mamo تسلم ايدك وكنت احب اضيف اننا حنزل الكاتيجري ده كمان - أكسنت RB GL A HL 1 A.B سعر 106500 جنية. (اتوماتيك - هاى لين - بدون ABS- ايرباك 1 ) حتي يكتمل موضوعك اللي بحييك عليه وانا يشرفني اني اتعرف علي حضرتك طبعا لو ينفع في المقابله الجايه

كتر خيرك يا حبيبى والشرف ليا انا فى التعارف عليك وكلنا بنكمل بعض لخدمة اعضاء منتدانا الجميل
تحياتى

[Amir Hassan]

المشاركة الأصلية كتبت بواسطة mmffor انا كنت بقرأ دلوقتي عن الموضوع ده و اكتشفت ان هيونداي حاليا بتتبنى ما تركه الاخرون هيونداي اعتمدت تكنولوجيا ال vvt-i لزيادة القدرة الحصانية و هذا ما اعتمدته هوندا منذ العام 1987 و حاليا الكبار بيعتمدوا تكنولوجيا vavtronic التي تهدف اساسا الى تقليل الاستهلاك و ليس زيادة القدرة الحصانية !!! يعني من الاخر السيتي كار هدفها استهلاك وقود قليل جدا و انبعاثات عادم مطابقة للمواصفات و قليلة مع عدم الاهتمام بالقدرة الحصانية ( على الرغم ان القدرة الحصانية و استخراج قوة اكبر كان الهدف في اواخر الثمانينات و اوائل التسعينات و نراه في الهوندا v-tec بقوة 140 حصان من محرك 1600 سي سي و مثالها) للعمل ان الفيات لها اصدارات رياضية لهواة السرعة ( بعكس الهدف الاساسي ) بقوة 170 حصان من محرك 1400 سي سي

مشكوووووووووووور على الاضاه
لكن الكلام ده مش موجود فى العربيات اللى فى السوق
مبنتش غير فى كرولا 2008
وسيفيك الموديل الاخير برده مش فاكر 2007 تقريبا
والانترا برده من 2007
يعنى مش موجود من زمان ولا حاجه ممكن يكونو اختعوه لكن مطبقش على ارض الواقع
والهدف من القدرة الحصانيه الزياده مش السرعه فقط
لكن لو القدرة الحصانيه عاليه معنى كده ان العربية عزمها شديد وكمان لما تبقى مركب اصحابك كتير فى العربية متلاقيش العربية بتشخلل معاك فى الطلعه ولما تشغل تكيفها متنزلش سرعتها النص
وعشان اوصل لحصان عالى اما اعلى السى سى او اعلى التقنية
يعنى كان الاول الموتور ال2400 بيطلع 163 حصان
انهارده هيونداى عامله موتور 2000 يعنى اقل استهلاك للبنزين ولو انت عارف الضريبة فى مصر عامله ازاى فى الترخيص هتلاقى ان 2000 ارخص من 2400
الموتور ده بيطلع 170 حصان
وبتطبيق نفس النظرية على 1600
هتلاقى ان هيونداى توصلت لموتور بيطلع صافى قدرته الحصانية 140 حصان
يعنى وفرتلك بنزين عن 2000 سى سى
طب اسال اى حد معاه لانوس 1500
هايقولك ان استهلاكها فى البنزين بالكتير اوى يعمل 200 فى الصفيحه
والفيرنا بتعمل من 200 الى 240 فى الصفيحه على الرغم من انها 1600
طب والانترا بتعمل اكتر من كده بكتير
اقولك من تجربة شخصيه بعيد عن الشغل العربية دى بتعمل من 260 الى 230 على الطريق السريع
يعنى التكنولوجى هنا CVVTفرقت فى الحصان والاستهلاك كمان

[Amir Hassan]

المشاركة الأصلية كتبت بواسطة Limoway عربية خفيفة ظريفة لطيفة

انت زى العسل
ومشكور على مشاركتك معايا

[Amir Hassan]

المشاركة الأصلية كتبت بواسطة holly_man19 اه انا عارف انها الالنتر الي اقصده ايه الفرق بين الالنترا والاكسنت سوري معلش كتبتها فيرنا بدل ما اكتب الالنترا

فى فرق فى حجم العربية
وبرده فى الموتور
والشكل مختلف
هو فعلا هتلاقى ان الRB فيها من الافانتى اللى اصلا فيهم الاتنين من خطوط السونات
هو خط هيونداى هاتمشى عليها مع فرق الحجم والاوبشنز والفئة مش اكتر
وتحت امرك لو فى اى استفسار تانى

[Amir Hassan]

المشاركة الأصلية كتبت بواسطة corsair انا مش فاهم حاجه الموضوع غير منظم خالص

ماشى ياعم كورسير شكرا
طب ممكن تنظمه انت ونستفيد من خبرتك وانت اقدم منى هنا
بعدين على فكرة ان مدين ليك باعتذار على اختلاف فى حاجه قبل كده واكتشفت مؤخرا انك انت اللى صح
انا اسف