|
#26
20-04-2009, 01:23 AM
|
|||
|
|||
رد: حكايتى مع السيارات-حكايه 10 سنوات
يا دكتور بجد انت مش معقول ...... انت لازم نفتحلك منتدى لوحدك خالص و تكتب و احنا نقرا و نسيبنا بقى من العربيات و ال cc و الشد و الأوبشنس و الكلام ده كله ...... ده انت بجد منتدى لوحدك ههههههههه
بجد انا نفسى اتشرف بمقابله شخصيه للعبقرى الدكتور تامر ...... ياريت بجد و الله انا حبيتك كده لله فى لله ......... و بالذات بعد المغامرات بتاعتك دى ههههههه ربنا يكون فى عونك
__________________
 اى موضوع او اى تعليق ينم عن رأيي انا الشخصى و لكم جزيل الشكر ,,,
|
|
#27
20-04-2009, 02:17 PM
|
||||
|
||||
|
رد: حكايتى مع السيارات-حكايه 10 سنوات
-10-
مرت الايام جميله وانا سعيد مع سيارتى الجديده00الى ان فوجئت بان الزجاج توقف 00 الموتور بيلف على الفاضى00 ذهبت للكهربائى قالى البكره البلاستك اتكسري تجيب واحده جديده وبدأت رحله البحث00 دون جدوى 00 الكل قال تجيب موتور جديد ولن تجده يمكن تلاقى عند فلان بالزقازيق00 ولم أكذب خبرا اخذت صديقى البركه وانطلقنا00 وقبل ان اخرج من مدينتنا00 استوقفنا زميل دراسه على الطريق00 -مبروك العربيه يا عم اللى على على -الله يبارك فيك وفى سرى"قل أعوذ برب الفلق" فزميلنا هذا مكشوف عنه الحجاب وعينه لا تخيب ابدا00 والله مجرب بصلاحيه مدى الحياة -على فين؟ قلت: -رايح الزقازيق فى مصلحه -والله انت ابن حلال 00 خدنى معاك ولم أعلق 00كمات وربنا يستر انطلقت وانا أقرأ كل ما أحفظ وماهى الا دقائق معدوده ومع السرعه فوجئت بمطب محترم ومتكلف00 وطارت السياره قبل ان تنزل كالجثه! ركنت على جانب الطريق ونز لت استطلع ماحدث بدت السياره سليمه لكن هناك احتكاك قوى فى باطن السياره تحسسته بيدى فاذا باصبعى ينزف 00قلت بسيطه تجىء فى المهم نقف عن هذا الحد! سرت بالسياره وانا فى شده الغضب مما حدث والالم من أصبعى! ولم تمرلحظات حتى بلغنا سياره نصف نقل تحمل أقفاصا من الفاكهه فاذ به يقول : -شفت العربيه محمله فاكهه قد ايه00 كل دى حموله وفى لحظتها اذ بالسياره تسقط فى حفرة صغيره تهتز لها بعنف وتسقط مجموعه من الاقفاص على جانب الطريق! قال : -شفت المغفل ماشى سرحان ومش رابط الاقفاص قال يعنى كل دى ثقه ولم أعلق00 تحدثت مع صديقى وحاولت ان اعتبر الآخر غير موجود00قبل ان يقول: -بس العربيه جامده 00 وسحبتها ناعمه كدت ساعتها ان أقفز عليه اخنقه لارتاح قال صديقى: -دى عربيه وحشه جدا وضعيفه جدا وانضحك عليه فيها حبيبى يابركه 00فهو يعرف زميلنا وقد عمل الازم وعند بلوغ مطب عالى00تنبهت وصعدت عليه بمنتهى البطء بينما هو يشير باصبعه ويقول: -شوف الراجل 00ههههههه كان فلاحا يجلس عاليا فوق حزمه هائله من البرسيم فوق حماره -والنبى حمار جامد ولم نكد نتخطاه حتى تعثر الحمار وطار الرجل فى قناه مياه مجاوره ولا حول ولا قوة الا بالله! وصلنا بالسلامه وبدون خسائر فادحه -انت ح ترجع الساعه كام00عشان ارجع معاك -انا ح أبات هنا -طيب00مع السلامه قال صديقى: -غور جتك داهيه وانطلقنا للبحث عن القطعه ولم نجدها وفى النهايه اشتريت موتور جديد
__________________
|
|
#28
20-04-2009, 02:44 PM
|
||||
|
||||
|
رد: حكايتى مع السيارات-حكايه 10 سنوات
ليا صديق بركبه برضو
كان لينا صديق جايب كاوتش جديد و طبعاالبركه قاله مبروك يعم و اللى علىعلى و سبحان الله مافيش تانى يوم بصحبى ماشى بالعربيه و الكاوتش انفجر
__________________
 سبحان الله و بحمده سبحان الله العظيم اذكروا الله اللهم اغفر للمسلمين و المسلمات و المؤمنين و المؤمنات الاحياء منهم و الاموات
|
|
#30
22-04-2009, 01:27 AM
|
||||
|
||||
|
رد: حكايتى مع السيارات-حكايه 10 سنوات
-11-
عندما اكتشفت طريق آخر للذهاب الى عملى لكنه أطول قليلا وبه وصله 3كيلو سيئه00 لكنه ككل افضل بكثير00 اعتمدت الله وسرت عليه00 وبعد قطعى لنصف المسافه تعرضت لموقف لم انساه فى حياتى لانه كارثه قد تقع عليك وقد لا00 مصيبه قد تستطيع ان تفلت منها وقد لا تستطيع00!! كان يقابلنى من بعيد سياره نقل واذ فجأه بالاستبن الضخم الموضوع فوق شبكه حديديه أعلى الكابينه المرتفعه جدا تسقط لترتطم بالارض ثم تطير لاقصى ما يتصوره الخيال ثم تهبط مره أخرى لتطير ثم كان موعد الهبوط لتسقط القنبله فوق سقف اوغطاء المحرك! توقف فى هذه اللحظه الزمن مع توقف قلبى للحظه ! ضغت على دواسه البنزين بقوة فى اللحظه المناسبه حتى سقطت فى مؤخر السياره بما لا يزيد عن سنتيمتر واحد! وتسقط فى البحر الواسع 00توقفت بالسياره على جانب الطريق ونزلت وانا فى قمة الغضب من هذا السائق الغبى عديم المبالاه بارواح البشر! توقف هو الآخر ليحضر اطاره دون كلمه اعتذار ولم أشعر بنفسى الا وانا أمسك بتلابيبه واصرخ فى وجهه: -انت معندكش دم ولا احساس 00 يا متخلف يا000 واذ به بمنتهى البرود يقول وهو يدفعنى بعيدا عنه: -حصل خير يا أفندى ومع تجمع بعض الناس 00 وسماع الحكايه 00 قالوا بنفس واحد وبلهجه واحده: -جت سليمه وضحكت بسخريه وانا أمضى فى طريقى شاعرا بالمرارة لانى لم أؤدب مثل هذا الكائن00 وهكذا نحن تضيع كلمه الحق وسط الزحام ويضيع الحق امام حناجر الباطل!
__________________
|
 |
| أدوات الموضوع | |
|
|
