العودة   مصر موتورز مجتمع السيارات > منتديات السيارات العامة > موضوعات متميزة

موضوعات متميزة لا يسمح للأعضاء بنشر موضوعات بهذا القسم


مشاهدة نتائج الإستطلاع: هل ترى أن شراء كسر الزيرو مخاطرة لا تستحق فرق السعر؟
نعم .. لأنها غالباً بها عيب. 23 38.98%
لا .. لأن فرق السعر يغطي أي عيب محتمل. 24 40.68%
هي هي لا فرق بين هذا وذاك. 14 23.73%
إستطلاع متعدد الإختيارات. المصوتون: 59. أنت لم تصوت في هذا الإستطلاع

إضافة رد
 
أدوات الموضوع
  #16  
قديم 11-08-2010, 01:31 PM
الصورة الرمزية Eng . Mano
Eng . Mano Eng . Mano غير متواجد حالياً
 
تاريخ التسجيل: Dec 2009
المشاركات: 206
Eng . Mano has a spectacular aura aboutEng . Mano has a spectacular aura aboutEng . Mano has a spectacular aura about
افتراضي رد: هل شراء سيارة كسر زيرو مخاطرة؟؟

طبعا بتكون مخاطرة لو اللى بيشترى من النوع اللى مش بيبص على الاساسيات و القوائم و يروح يكشف عليها عند واحد محترم سواء ميكانيكى او سمكرى . لان بصراحة تكنولوجيا شد الشاسيهات و تعديل العربيات و الاجهزة اللى بملايين و الانصاص ( امامى او خلفى ) اللى بتيجى استيراد ، و السمكرية اللى اصبحوا كلهم فن و مهارة ( و معروفين بالاسم ) فى شد العربيات و جعلها كالزيرو ، اصبحت تخلى اى واحد من النوع اللى مش بيهمه حالة العربية لانها تعتبر زيرو - على حد قوله - يلبس احلى مقلب فى حياته
للاسف واحد صاحبى لبس المقلب ده ، اشترى مازدا 3 2009 ماشية 7 الاف كيلو ، بعد شهر من المشى بيها حس برجة فى الكابينة و رجرجة جامدة فى الكبوت ، فراح كشف على حالة البودى و العربية فى الحرفيين و حطها على جهاز حديث بيكش اى لحامات او وصلات ، و كانت اكبر صدمة له فى حياته : العربية النص الامامى و الكابينة بالكامل متغيرين ، و طبعا باعها بخسارة 30 الف جنيه عن السعر اللى جابها بيه ، و هو الحمد لله معاه دلوقتى سيراتو هاى لاين . و دى اخرة اللى يجيب كسر زيرو من غير ما يكشف على العربية او ما يكونش حد يثق فيه.
نصيحة اخوية : الاحسن تخليك فى المضمون و ممكن بتمنها تجيب حاجة زيرو بس اقل شوية ، لان انا لا اشجع كسر الزيرو الا اذا كان عن طريق حد معرفة .
رد مع اقتباس
  #17  
قديم 11-08-2010, 02:21 PM
wael_khaled wael_khaled غير متواجد حالياً
 
تاريخ التسجيل: Aug 2010
المشاركات: 77
wael_khaled will become famous soon enough
افتراضي رد: هل شراء سيارة كسر زيرو مخاطرة؟؟

دايما العربيه الزيرو لما تتباع بتقل كتير بتبقى الفرصه ان الخسارة الاولانيه اللى هى اكبر خسارة تبقى مش عليك انت وانت تخسر بعد كده الاستخدام العادى مش فك كلمة زيرو وانا لو مكنتش جيبت عربيتى تقسيط كنت اشتريت على طول كسر الزيرو بس انا ناوى ااقسط والناس اللى بتقسط كسر زيرو بياخدوا فوائد جامده قوى الجنيه بجنيه فى بعض الاحيان و 25% فى السنه فى اوقات تانيه تلاقى فى الاخر ان ممكن تقسط كسر زيرو بسعر اغلى من الزيرو وده علشان فرق الفائده لو بقى فيه بنوك بتقسط كسر الزيرو بتبقى لقطه طبعا واكيد انت ها تبص على الحاله ومش شرط ان الراجل بيبعها علشان معيوبه وممكن قوى علشان معجبتهوش انا ليه اصحاب كتير جابوا زيرو وباعوه كسر زيرو وهو زى الفل بس هو ما ارتاحش مع العربيه يعنه واحد واخد دايما على انه يركب عربيه فيها ABS واشترى واحده مفيهاش فباعها علشان ما ارتاحش فيها لكن انا كنت ها اشتريها زيرو ومش ها ادور على الميزة ديه مثلا فمش شرط انها علشان ما عجبتش حد غيرى يبقى مش ها تعجبنى
رد مع اقتباس
  #18  
قديم 21-08-2010, 01:06 AM
الصورة الرمزية master.formats
master.formats master.formats غير متواجد حالياً
من انا؟: محمد
التخصص العملى: مهندس معماري
 
تاريخ التسجيل: Oct 2009
الموقع: Cairooo
المشاركات: 157
master.formats is a splendid one to beholdmaster.formats is a splendid one to beholdmaster.formats is a splendid one to beholdmaster.formats is a splendid one to beholdmaster.formats is a splendid one to beholdmaster.formats is a splendid one to beholdmaster.formats is a splendid one to behold
افتراضي رد: هل شراء سيارة كسر زيرو مخاطرة؟؟


المشاركة الأصلية كتبت بواسطة mercedes مشاهدة المشاركة

السلام عليكم و رحمة الله و بركاته

و كل عام و أنتم بخير بمناسبة شهر رمضان الكريم , أعاده الله عليكم بالخير و اليمن و البركات


اللى بيشترى عربية كسر زيرو ده مش زى اللى بيتجوز واحدة كانت متجوزة قبل كده و لا حاجة , ده عبارة عن شخص ناااااااااااااااصح جدا و فااااااااااااااهم جدا و بياخد عربية نفس موديل السنة و بيستفيد بكل حاجة فى العربية لأنها فعلا بتكون بحالة الزيرو و بيوفر فرق فلوس كبيييييير جدا و ده اللى بيحصل فى الدول المتقدمة زى مابيحصل هنا فى كندا , الناس هنا بتثق تماما فى حاجة اسمها Certified preowned cars , اللى هى بنقول عليها هنا كسر الزيرو و بتبقى لسه فى الضمان و بعدين الفيصل بين البايع و المشترى هو الفحص فى التوكيل , حتى هنا بيعملوا كده لأى عربية مستعملة بتتباع, المشترى بياخد البايع و العربية و يروح يفحص فى أى مركز خدمة موثوق فيه و لا فى التوكيل و لما يلاقى العربية فيها حاجة مابيشتريهاش و أصلا لما البايع بيعرف أنك هتفحص العربية فى مكان كويس و معتمد و لو فى حاجة فى العربية هتبان , بيبقى صريح و دوغرى معاك و يقولك العربية ايه اللى فيها بالظبط من غير لا لف و لا دوران , بدل ماييجى فى مركز الخدمة و المستخبى يبان و ساعتها هو هيبقى الخسران لأنه هيكون ضيع وقته و خبط المشوار على الفاضى فأحسنله أنه بيبقى صريح معاك من الأول .



شكرا و آسف للاطالة.



مرسيدس اس 550
سيدي الفاضل.. طبعاً نظام الـCertified preowned cars بيوفر فرص رائعة...
لكن ده لو في توكيل محترم وعنده برنامج دقيق للكشف ... في الحالة دي السيارة كأنها زيرو بضمان الصانع..
لكن طبعاً عندنا في كوكب مصر غير اللي عندكم في كوكب كندا... عندنا -بلا فخر- التوكيل بيعجز عن اصلاح العيوب بشكل محترم فضلاً عن تشخيصها أو اكتشافها..
لو ذهبت بالسيارة للتوكيل سيأخذ منك مبلغ خرافي ولن تضمن دقة الكشف لأن نظام الـCertified preowned بيكون فيه check list معدة مسبقاً لضمان الكشف عن أي عيب.. لكن ليس أي توكيل والسلام ممكن يكشف بدقة ويغطي كل الاحتمالات لمجرد انه اسمه "التوكيل" ...
في النهاية اللي حيكشف على عربيتك الواد سيد بعلوكة الصنايعي اللي أخد دورة تدريبية لمدة 3ساعات والباقي متروك لفهلوته و شطارته... وكل سنة وانت طيب
__________________


مهندس معماري
محمــد مختــار


رد مع اقتباس
  #19  
قديم 21-08-2010, 02:41 AM
الصورة الرمزية abo-salama
abo-salama abo-salama غير متواجد حالياً
 
تاريخ التسجيل: Jan 2009
المشاركات: 1,028
abo-salama has much to be proud ofabo-salama has much to be proud ofabo-salama has much to be proud ofabo-salama has much to be proud ofabo-salama has much to be proud ofabo-salama has much to be proud ofabo-salama has much to be proud ofabo-salama has much to be proud ofabo-salama has much to be proud ofabo-salama has much to be proud of
افتراضي رد: هل شراء سيارة كسر زيرو مخاطرة؟؟

كسر الزيرو فرصة طبعا بس المشكلة عندنا انك بتخاف وتقلق من كل حاجة لأننا جميعا بنضحك على بعض وكل واحد ونصيبة يعنى اللة اشترى زيروا برضة بيحصله حاجات كتير زى كده
رد مع اقتباس
  #20  
قديم 23-08-2010, 11:35 PM
elensaan elensaan غير متواجد حالياً
 
تاريخ التسجيل: Jul 2010
المشاركات: 198
elensaan is on a distinguished road
افتراضي رد: هل شراء سيارة كسر زيرو مخاطرة؟؟

انا استفدت كتير من الموضوع رغم ان المعلومات كلها تساؤلات
بس تقليب المواضيع بيفتح معاك زوايا كتير
كنت اتمني ان يكون في المنتدي تلت اربع خبراء يجيبو عن تلك التساؤلات المحيرة دي
ايجابات علمية
رد مع اقتباس
إضافة رد

الكلمات الدليلية
كسر زيرو

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 09:20 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017