رد: مقارنه بين الدفع الامامي و الدفع الخلفي ...........!!!
السلام عليكم ورحمة الله وبركاتة معلش انا لسة شايف الموضوع النهاردة حبيت اعمل مداخله للتصحيح لان فى لبس فى معلومات غير صحيحة
احب اقول ان كل العربيات لازم يكون فيها وحدة ديفرنشيال اسمة كدة بالانجليزى بدون الدخول فى وظيفتة علشان الناس ما تتخلبتيش ده من جهة انما فى محاور خلفية مستقيله كل عجله تعمل على حدة وتتعامل مع متطلبات الطريق برد فعل افضل مما يعطى السياره تماسك وثبات اعلى ويفضل العجل ملامس الارض حتى فى المنحنيات اكتر من التعليق الثابت
التعليق الثابت هو محور خلفى معلق بينقل للركاب معظم اهتزازات وتعرجات الطريق لكن من ميزتة انه ممكن يتحمل اكتر ويشيل اعلى فى الاوزان وممكن تتدمج فية الدفيرنشيال بالحجم المناسب اللى هى ساعات الناس تطلق عليها لفظ كرونة هى دى الدفرينشيال لكن سواء كان التعليق مستقل شبة مستقل او ثابت وساعات بيقول علية محور صلب لازم وجود الدفيرنشيال هى وحدة اساسية
ملاحظة يا جماعة الية المفاضله او الديفرنشيال لو مش موجودة فى العربية صعب جدا ان حد يتخيل انه ممكن يقود سيارة لانها بتفاضل بين العجلتين المنقول لهم الحركة ببساطة العجلتين المنقول لهم الحركة فى المنعطفات والملفات او الدورانات بتكون سرعتهم مش زى بعض علشان عتعرف تلف بسهوله وتتحرك والعجله الداخلية بالنسبة للملف غير الخارجية لو تخليت ان الية التفاضل بين العجلين مش موجودة الاحتمال الكبير العربية تنقلب بك او تنقسم اتنين حتى مش فى السرعة وانت بتلف علشان تركن بيكون فى عجل شبة ثابت وعجل بيتحرك وبالتالى لو مش موجودة حتكسر المحور وتعمل اجهاد لى وعصر تويست لعمود الدوران وكمان تتلف الاطارات كمان العربية لا قدر الله لو العجل الدافع للسيارة فقد تلامسة بالارض طبعا والعجل الجهة الاخرى لازال ملمس تخيل ممكن يحصل
بنكون مش مجتاجين الية التفاضل او الدفيرنشيال مع العجلات الغير دافعة زى عجل المقطورات والتريلات او فى سياراتك لو كانت مش دفع كلى فى المحور اللى مش ناقل للحركة مش محتاج ديف لانها اسمها عجلات منقاده
كمان ملاحظة حتى سيارات الجر الامامى بها ديفرنشيال زى ما قلنا فى الاول والا تكون السير بالسيارة خصوصا فى المنعطفات والدورانات شبة مستحيل وله انعكاسات خطيره ومميتة
بس فى الجر الامامى بتكون وحدة مدمجة مع الجير بوكس او صندوق نقل الحركة والسرعة
ممكن احيانا تعمل حاجة اسمها ديفلوك او غلق المحاور لما تكون اوفرواد او خارج الطريق الاسفلتى زى الرمال وفى بعض المناطق الثلجية او المناطق الطينة مش محتاجة الا هواه المغامرة او شركات التنقيب والبترول اللى بيشتغلوا خارج نطاق المدن والمناطق فى وسط الصحارى اتمنى يكون اللبس او الخلط ازيل وشكرا
|
15-03-2012, 01:27 PM
: 010104~171:
