|
ميكانيكا السيارة يحتوى على المعلومات الفنية عن المحركات و أجزاءها و ناقل الحركة (الفتيس) و القابض (الدبرياج) و تجارب الصيانة الميكانيكية |
|
أدوات الموضوع |
#1
|
|||
|
|||
ميكانيكي حمار !!!!!!!! منه لله (خلو بالكـــــــــو)
سمعت صوت صفاره معا الفرامل فروحت للميكانيكي قالي يا باشا التيل ده خلص لازم تجيب واحد جديد المهم روحت جبت التيل و اديته للباشا الميكانيكي يغيره
طبعا البيه الميكانيكي مش هوا بنفسه الي هيفك العجله ويطلع التيل لازم الصبي هوا اللي يقوم بده وهوا بيفك ضيع سوسته الضغط (زي اللي بتكون في ريموت التيفزيون مكان البطاريات) اللي بتركب عند الخوابير المهم خدت العربيه ومشيت بيها تاني يوم وكل ما ادوس فرامل اسمع صوت خبط او تكه عند الفرده اللي فيها المشكله رجعتله فك تاني ومشيت وشويه وسمعت نفس الصوت تاني المهم روحتله تاني يوم لقيت الواد اللي عنده بيقولي كان هنا في سوسته روحت للتاني قالي مفيش وخناقه ابتدت المهم جه واحد تاني جاب سوسته واعد يقص منها لحد ما ظبطها المهم انا مش عارف دي فيها مشكله ولا لا معا العلم ان صوت التكه ده اختفي لحد دلوقت لكن لسه هجرب تاني انا بس عاوز اقول لكل واحد بيروح يصلح عربيته ياخد باله من اي حاجه تتفك وشم عيب لو قلتله اديني المسامي او الصواميل و السوست خليها معاك وابقي اديهاله تاني احسن ما تدوخ عليها |
#2
|
رد: ميكانيكي حمار !!!!!!!! منه لله (خلو بالكـــــــــو)
معلش ياما عدى على الواحد من ده كتير
علشان كدة انا بفضل مراقبهم كويس ومركز فى كل حاجة بيعملها وممكن اعدل عليه كمان طبعا ده بيخنقهم بس يشربوا من البحر دى فلوسى وبحافظ عليها وكمان ما بيعملهاش ببلاش
__________________
لا اله الا الله ..... محمد رسول الله
سبحان الله وبحمده عدد خلقه ورضا نفسه وزنة عرشه ومداد كلماته وصلى اللهم على سيدنا محمد وعلى آله وصحبه وسلم |
#3
|
|||
|
|||
رد: ميكانيكي حمار !!!!!!!! منه لله (خلو بالكـــــــــو)
طيب السوسته اللي عملها دي متعملش مشكله انا بتلكم في الفرامل حياتي يعني
|
#4
|
||||
|
||||
رد: ميكانيكي حمار !!!!!!!! منه لله (خلو بالكـــــــــو)
ان شاء الله تفضل كويسة
__________________
سبحانك لا علم لنا الا ما علمتنا |
#5
|
||||
|
||||
رد: ميكانيكي حمار !!!!!!!! منه لله (خلو بالكـــــــــو)
عارف المخبر بتاع المباحث الرخم الى كان بيطلع فى الافلام
اهو انت تتقمص الشخصية دى وانت رايح تصلح اى حاجة فى العربية 90% من الصنيعية فى مصر معندهومش ضمير وللاسف ممكن يتسببوا فى كارثة بسبب الاهمال وتروح تكلمهم يقولك كلمتين ( معلش مخدتش بالى )او ( ملهاش لازمة ) ( العربية حلوة والعيب من السواق )
__________________
|
|
|