لماذا لا تنتج سياره فى مصر حتى الان والى متى

[طارق ابوذيد]

بارك الله فيك على المشاركه وعلى المعلومات القيمه .

[كومندا]

المشاركة الأصلية كتبت بواسطة فادى مصر تصنع أجزاء مهمة من السيارات و لها باع طويل فى مجال الصناعات المغذية, و مصر لها باع طويل فى صناعة الاوتوبيسات و الجرارات و معظم أجزاء اتوبيسات ام سى فى مثلا تصمم و يتم تصنيعها فى مصر فيما عدا المحرك و علبة التروس. هناك كذلك محركات ديزل تصنع فى مصنع حلوان للمحركات. فنيا فان صناعة سيارة متوسطة القدرات (من فئة السيارات الاقتصادية) ليس بالصعوبة, و صناعة السيارات معروفة و لم يعد بها الknow how, فهى ليست معالجات دقيقة أو طاقة نووية. المشكلة اقتصادية بالدرجة الأولى. السوق المصرى محدود, و يستهلك ما يقرب من 50 الف سيارة سنويا على ما أذكر, بينما تحتاج الى ضعف هذا العدد لصناعة سيارة اقتصادية, و اقامة خط انتاج للتصنيع, الحل العملى هو فى التصدير, لكن كيف ستنافس بدون اسم و بدون سعر مغرى, فى صناعة الاوتوبيسات التعامل يكون مع شركات و الفيصل هو التفاصيل الفنية و السعر بالاضافة طبعا الى بعض العلاقات و خلافه, أما فى صناعة السيارات الملاكى فان المسألة تعتمد على المستهلك العادى و الذى يريد سيارة تحمل اسما شهيرا (براند) و ان تخلى عن الاسم فانه يبحث عن سعر مغرى, لن تستطيع أن تبيع بأسعار الصين لأن العامل المصرى أغلى من الصينى. صناعة سيارة مصرية ممكن لكن المشروع اقتصاديا يحتاج الى جهد كبير فى عدة اتجاهات : أولا فتح ابواب التصدير و المنافسة لبيع السيارة بكميات اقتصادية. ثانيا صناعة سيارة بجودة متكاملة و بمواصفات جيدة لمنافسة السيارات الصينية و الهندية و تبرير سعرها المرتفع عنهم. ثالثا جهود تسويقية و حملات ضخمة لفرض السيارة و الترويج لها و تعريف الناس بالمنتج الجديد.

يااستاذ فادى العمليه مش محتاجه ده كله مصر لو صنعت عربيه صغيره فى حجم مثلا الكيا بيكانتوا او 128 المهم عربيه اقتصاديه وعائليه فى نفس الوقت ويكون فيها بور وتكيف وعفشه محترمه هتنجح والاقبال عليها هيبقا شديد وممكن بعد كده نصدر للسودان ودل حوض النيل وبعدين التقسيط وقتها هيشتغل وتبقا فى متناول الجميع وهنقضى بقا على قرف المستعمل وموديلات السبعينات اللى لسه ماشيه فى شورعنا لحد دلوقتى

[ahmedsherif1990]

موضوع رائع بس كمان عندى ملحوظة صغيرة
العربيات اللى بتيجى من اى حتة فى العالم لمصر يبقى عليها جمارك ..اخصم الجمارك مثلا و شوف بقى سعر العربية عامل ازاى
و كمان عشان الترويج يبقى المشروع فى اول سنة يغطى تكاليفه او يعمل ربح صغير بس عشان يزود المبيعات
من الاخر لو عملنا الموضوع ده يبقى دخلنا فى الصناعات اللى بحق ..ولا ايه ؟

[وائل ماجد]

اتمنى اشوف مصر على راس الدول المصنعه

[فادى]

المشاركة الأصلية كتبت بواسطة كومندا يااستاذ فادى العمليه مش محتاجه ده كله مصر لو صنعت عربيه صغيره فى حجم مثلا الكيا بيكانتوا او 128 المهم عربيه اقتصاديه وعائليه فى نفس الوقت ويكون فيها بور وتكيف وعفشه محترمه هتنجح والاقبال عليها هيبقا شديد وممكن بعد كده نصدر للسودان ودل حوض النيل وبعدين التقسيط وقتها هيشتغل وتبقا فى متناول الجميع وهنقضى بقا على قرف المستعمل وموديلات السبعينات اللى لسه ماشيه فى شورعنا لحد دلوقتى

استاذ كومندا انا لم اتكلم على السوق المصرى,
المشكلة انك تحتاج الى انتاج ما يقرب من 100 الف سيارة سنويا حتى تغطى مصاريف خط الانتاج و تستطيع بيع السيارة بسعر اقتصادى,
و السوق المصرى لا يستوعب الا نصف هذا العدد (موزعة على كل الشركات!) فلو افترضنا ان كل الناس فى مصر اشترت السيارة المصرية (و طبعا ده مستحيل) لازلنا نحتاج ايضا الى التصدير.
اما لو هنعمل سيارة كنوع من الاعتزاز الوطنى أو كنوع من اثبات قدرتنا على انتاج سيارة فقط فالأفضل ان نقوم بذلك فى مشاريع أكبر و أكثر اهمية استراتيجيا كصناعة الأسلحة مثلا.
انتاج سيارة مصرية ممكن لكن يحتاج لتخطيط اقتصادى جيد و طبعا صناعة سيارة جذابة بأداء و امكانيات جيدة و هذا هو التحدى لأنك لن تستطيع منافسة الهند و الصين فى الاسعار و لكننا نستطيع منافستهم فى الجودة و الاداء و الامكانيات و الجاذبية.