|
#46
03-02-2009, 12:09 AM
|
|||
|
|||
رد: بتحب انهى مدرسة فى صناعة السيارات
شكرا ليك بجد انك مهتم بيه و لسه فاكره, و لو لاحظت انو معظمه بيعكس اللى انا كتبته فى أول الموضوع.
__________________
أخر مواضيعى : اختبار الفيات برافو 120 حصان تى جيت. وداعا يا ايها الصقر الجسور قضيت معكى أحلى ايامى. فيات برافو مرحى مرحى 
|
|
#47
03-02-2009, 12:27 AM
|
||||
|
||||
|
رد: بتحب انهى مدرسة فى صناعة السيارات
يا جماعه العربيات الفرنساوي من اثبت العربيات علي مستوي العالم
و في حد يكره التكنولجيا العاليه هو سبب سوء التفاهم ان التوكيلات غبيه شويه
__________________
my peugeot 306 gti6
 
|
|
#48
03-02-2009, 08:10 AM
|
||||
|
||||
|
رد: بتحب انهى مدرسة فى صناعة السيارات
اولا بشكر كل اللى ساهمو بمداخلتهم فى الموضوع لان مشاركتكم ادت للموضوع قيمة حقيقية
ثانياً انا حبيت ان الموضوع يكون بشكل عرض لافكار وتفضيلات الاعضاء ولامانع من ان الاعضاء تناقش اراء بعض بشكل حضارى وهادىء لان كل واحد فينا اكيد حر فى قناعاتة واراءه وتفضيلاتة لفكر عن التانى فاسمحولى اعقب على ارائكم واحاول الخص مجمل الاتجاهات الموجوده معانا فى المنتدى واستعرض نقاط الخلاف والاتفاق ثالثاً النقاط الهامة : رداً على استاذ محمد metema : المسلمين 40% من الشعوب الروسية ديه احصائية مذهلة بالنسبالى وياريت تاكدهالى يا محمد باشا بس فى اعتقادى ان حتى لو كان المسلمين نسبة كبيرة من الشعوب الروسية فعلا فدورهم حتى الان واعتقد (وياريت تصححلى اذا كنت مخطىء) انهم ملهمش اى توجهات سياسية او صناعية مع العالم الاسلامى باسثناء ايران وانا بتكلم عن الوضع حاليا مش ايام الاتحاد السوفيتى علشان كده انا شايف الروس عامة فئة مستقلة عن الدول الاسلامية المصنعة للسيارات الاخرى لانها (روسيا) كدولة حاليا بقت سوق مفتوحة وكبيرة وعندها موارد ضخمة وخبرات معقولة وميزات صناعية ومش مستغلة بنسبة كبيرة جدا فموقعها على خريطة الدول المصنعة طبيعى جدا انه يكبر فى الفترة الجاية وانضمام اتوفاز لمجموعة كارلوس غصن مؤشر ايجابى وواعد جدا فكرة صراع الحضارات (المدارس الصناعية) وان التاريخ بيعيد نفسة وحتى النظريات اللى بتعتمد على مفهوم تبادل الادوار اللى اثارها بعض الاعضاء اكيد بتشكل جزء من ديمناميكيا حركة السوق فى الواقع بس مش كل حاجة والطفرات بتحصل والاسواق بيعاد تشكيلها بفعل الظروف المتغيرة ومش شرط بهيمنة طرف دون اخر او حتى مجموعة اطراف اما عن ان التاريخ بيعيد نفسة فديه نظرة واسعة جدا ولا تصح بالاطلاق لان كل حقبة فاتت كانت ليها ظروف وابعاد مختلفة والدليل على كده ان اداء ومواقع مدارس كتير اختلفت اكثر من مرة فالموضوع مش دورى بالصورة المطلقة كده نظرية تفضيل البراند عن المنشاء اللى اتكلم عنها احمد انور صحيحة وقائمة فعلا عند غالبية الناس وممكن تكون ليها الالولية كمان عند شريحة لكن هيفضل دائما وابداء عامل المنشاء قائم فى كل حاجة مش فى العربيات بس لان الموضوع مش موضوع فروق تكنولوجية وصناعية وبس ديه فعلا مدارس واسمحولى ببساطة اشببها بعالم الاحذية (عفوا) الجزمة المصرى عمرها ما كانت زى الايطالى ولا زى الانجليزى ولا زى الامريكانى ولا زى الكوتشى الصينى ابو تصميم ولوجو ايطالى وبدام الموضوع وصل للكوتشى يبقى نكملة بالكلام عن كنتين المنتدى اللى افتتحة كل من ( بوب - سامح - احمد انور) مبدئياً مبنفعش يا جماعة العروض ديه تبقى كده ولازم نتوسع فيها اكتر من كده لان مش كل الناس معاها فلوس تشترى شيبسى من اللى بيتوزع فيه عربيات ماتريكس او من النوع اللى جابة احمد انور بس مقلناش بيتوزع معاه عربية نوعها ايه ptmnlo123per118 فاللى عايز اقولة اننا لازم نراعى جميع الاذواق ونوفر كل الحلول لجميع المتطلبات وعندنا الشركات الامريكية اهية بتبيع العربيات الكريزلر بدولار يعنى مع كل كيسين شيبسى عائلى وعندنا فى مصر بدؤا اهوه بعرض عربية فيرنا على كل عربية بى ام يعنى واحدة للخروج وواحدة للخضار وبكره ينزلو عرض كومبو عربية اكس ثرى للرحلات والفئة الخامسة للخروجات وفيرنا لمشاوير الخضار واى تن علشان مشاوير الاطفال للحضانة والمدارس الصبح فى الزحمة وانا بقترح توفير العروض التالية فى كنتين المنتدى اولا عروض التوفير اشترى علبة روثمن ومعاها كيا برايد ايرانى فول اوبشن علبة كيلوبترا سوبرومعاها شاهين (فادى هيقتلنىptmnlo123per1117) ولو كيلوباترا عاده تاخد ماعاها لادا 2107 عروض الشباب جراند بونتو مع كل كيس مولتو ستروين سى فور مع كل ساندوتش سى فوددد عروض خاصة بعضوات المنتدى ياريس - كورسا - بولو - بيجو207 مع كل شوكلاتة جلاكسى وعروض خاصة من المرسيدس وبى ام الفئة الاولى ومينى مع شوكلاتة فيريرى روشية واى تن والتو وبيكانتو مع كل كيس بوريو من ابو ربع جنية وطبعا عرض التوفير للستات الواعية اشترى كيس امو واحصلى على عربية ماروتى ولو اشتريتى معاهم كيس كلوركس من ابو نص جينة تاخدى التو فول اوبشن وفيه عروض تانية كتير بس علشان منغرقش السوق نبداء واحدة واحدة الانطباعات الاولى تدوم ده راى الاستاذ (محمد عز) واتفق معاه فيه الى حد كبير بس انا شخصياً بدات سواقة على الفيات القديم والسيات وبعدين دوجان وبعدين كورى وايرانى ومازلت مع تقديرى النوعى للمنتج الكورى او الايطالى (الاقتصادى) اتمنى امتلاك الالمانى واميل اكثر لاحترام صناعتهم ككل حتى مع تفوق الايطاليين عليهم جمالياً ورياضياً شايف دايما انهم الاقرب للكمال فى فكرهم الصناعى ptmnlo123per140 كفاية كده كنتين علشان هنسرح ونخش المطبخ وانا شخصياً ممكن اقعد فى التلاجة اسبوع فنرجع للصالون احسن ptmnlo123per169 العلاقة بين تقدير الناس للمدارس وخبراتهم مهمة جدا فعلا والمجمتع المصرى عاشر الاوربى فترة كبيرة فده مأثر بالطبع على تقديرهم (تحديدا الالمانى) ونفس خبرات الناس السابقة (تحديدا 80 - 90 200) هى اللى اثرت على الاوربى (الغير المانى) وبعدته عن قلوب وتفضيلات الناس وحتى عن ميزانياتهم اغلب الناس شايفة ان المدارس الشرقية الصناعية الحديثة لسه كتير عليها وبعض الناس سقطهم من نظرتة لاجمالى المدارس اصلا او من الخريطة الصناعية وانا اختلف معاكم فى ده اولا (الهند - ماليزيا - ايران - تركيا ) ديه دول صناعية فعلا وتمتلك مقومات صناعية حقيقية وسوق كبير وبيكبر باستمرار ثانياً الناس ديه اقتصاديتها واعية شوية مش زينا وبيعروفوا يستغلوا الفرص فى الاسوق الخارجية كويس فضلاً عن استغلال اسواقهم المحلية المتنامية مثلا الصناعة الايرانية بين التجميع والتصنيع اقرب للتصنيع مش للتجميع والمنتج المحلى من سيارات كتير بيتعدى ال 85% و 90% ومش مطلوب منهم صناعياً انهم يوصولوا لاكتر من كده توطين التكنولوجيا بيحصل فعلا على محاور كتير يطول الحديث عنها بس هما كمان بيتعلموا بجد وبيستغلوا اوراقهم كويس ايران عامة اقرب للفكر الاشتراكى فنموهم حتى من زمان ثابت وبطىء وهدفهم الاكبر تحقيق الحفاظ على الصناعة الوطنية وضمان سد الاحتياج الاساسى تحسباً لعزلات عن العالم اكثر ضراوه فتلاقى ان الصناعات الايرانية اهتمامها الاساسى توفير بدائل اقتصادية ورخيصة للاستهلاك المحلى وبعدين للاسواق المشابهه زى سورياً وروسيا والشركات هناك كلها قطاع مختلط يعنى عام (دعم حكومى مباشر) + استثمارات خاصة فانا شخصياً بحترم المدرسة ديه بالفكر ده واتمنى اننا نبقى زيهم على الاقل مرحلياً ولو زيهم بس هحمد ربنا برضو على كده وابوس ايدى وش وضهر والله ptmnlo123per1125 تاتا موتورز والمدرسة الهندية عامة ديه محتاجة موضوع لوحدة علشان تتقيم صح والناس تعرف حجمها الصناعى بس عامة هى اكبر من المعروف عنها وده اللى اهلها للتعملق التجارى (او بالاحرى الاقتصادى) اللى اهلها لاحتواء جاجوار ولاندروفر وتقديم ارخص سيارة فى العالم الصناعة المصرية اتكلم عنها بالتفصيل ماجيك تاتش وانا مؤمن بانها تمتلك مقومات كبيرة لكن دائماً احنا نايمين ويومنا بمية سنة فيارب نصحى حبة بس علشان نلحق ننام تانى ptmnlo123per175 الصين شبة اجماع على ريادتها فى المضمار الرياضى واخفاقها فى الواقع العملى وتقديرات السوق بس انا حابب اتطرق واتطرف فى رائى فى المدرسة الايطالية واقول انى شايفها حالياً مدرسة معاقين لانها بقت مشلولة (بضمور اسواقها ونضوب افكارها واسهامتها الجديدة فهما على المحك بشده حالياً اما تنجح مستعمراتهم الصناعية الجديدة فى الصين وابتكارات مهندسيها فى اعادة احيائها والا هتتفكك وتحصل اخوانهم الامريكان والحكومة الايطالية مش حمل انها تدعمهم زى الامريكية او الالمانية عملاق يتعملق تعملقا متعملق يعنى ملهمش حل بجد الناس ديه واللى اتعامل معاهم تجارياً فى اى مجال هيعرف ان الناس مش هتسكت خالص وهنطلك بعربيات على كل شكل ولون حتى فى بنطلونك وهتوصل صناعتهم للناس بكل الاشكال والماركات والانواع والاسامى المدرسة الانجليزية اعتقد ان فيه اتفاق عام بينا على مقولة ان التاريخ لا يصنع سيارة حديثة وخاصة بعد استقرار سياراتهم تحت ادارة شركة الهند الشرقية (الجديدة)ptmnlo123per161 المدرسة الامريكية اجماع برضو على فشلها سوقياً حاليا وفشلهم انفسهم فى الترويج لنموزج الحلم الامريكى حتى فى الخليج وانا شخصياً مش متوقع رجعوهم بقوة زى الاول لان اللى بيقع مبيقومش بسهولة وصعب اوى فى الفترة الجاية الحفاظ على التواجد اصلا فما بالك بالافاقة من كبوة كبرى زى اللى فيها دلوقتى هما بس يحكموا سوقهم كويس وينافسو زى اى حد برة ممكن لكن ايامهم راحت خلاص وبلا رجعة الصناعة الالمانية رغم ان قيادات المحور الالمانى (اسلام جلال - ابيزا - اكسبرت) مبذلوش فى الموضوع مجهود كبير فمفيش انتقادات حقيقية ضد التوجه الالمانى رغم ما شابة فى الفترة الماضية من مشاكل فى الاعتمادية ورغم تعرض قيمة السيارات الالمانية الحقيقية للتشكيك عالمياً وبعد اسواق عنها وتحولها لاسواق جديدة فالمصريين يبدوا انهم مازالو على الهعد ورغم كل استفزازات وشطحات الوكلاء فى مصرنا العزيزة فكلنا نحمل نفس الولاء لهذة المدرسة ومنتجاتها كما كان دين ابائانا واجدادنا ptmnlo123per1147 نسيب المتفق عليه نلاقى ان الاشكاليات الكبرى عندنا حوالين المدارس التالية الصناعة الفرنسية فيه تباين واضح من اراء الناس حوالين مدى ( قيمة - جودة - اعتمادية) منتجاتهم وفيه خلط عامة بين مستواهم ماقبل 80 وما بعدها حتى 2000 وما بعد 2000 حتى الان الناس ديه كانوا استاذة فى الصناعة ديه ماقبل 80 ده صحيح ورواد بحثياً وبالاخص فى المعايير وتطبيقات الامان والبيئة ده صحيح بحكم انتمائهم للمجتمع الاوربى اللى ديه من اهم سمات صناعتة عامة لكن اسمحولى الناس ديه كانت فى غيبوبة من 80 - 2000 وفشلت فشل زريع فى اسواق كتيرة وفى اسواقهم نفسها مش بس عندنا فى مصر ومن اكثر الناس تضرراً فى المعسكر الغربى من اقتطاع وتنامى اسواق المعسكر الشرقى (اليابان وكوريا) فى اوروبا طبعا مشتركين فى الواقع ده مع الطليان وعملياً تجارب الناس مع الستروين AX - ZX وان كانت مراكز الخدمة والتوكيلات اثرت فى نتائجها كالعادة بس ثابت انطاعات قاسية فى عقول الناس ضد كل ماهو ستروينى بالاضافة لضمور اسواق بيجو عامة وافتقارها للتميز فى الجوهر (بغض النظر عن الشكل الخارجى اللى تطور فى الفترة ما بعد 2000) خلى مجموعة PSA اقرب للجمود منها للتطور الصناعة الايطالية . كمان عايز اتطرق واتطرف فى نقدى للصناعة الايطالية للحديث عن الاجماع بالريادة فى المجال الرياضى بصراحة مش عارف رياضة ايه ديه بس هى الرياضة سرعة وبس حتى رياضات السرعة واعلى السيارات سرعة مش ايطالية بيعموا مواتير عصبية اه زى ما الامريكان بيعملوا مواتير قوية زى ماليبابنين بيعملوا مواتير اقتصادية والالمان عملية وهكذا هما بيحبوا كده وديه من سمات صناعتهم بس مفيش ريادة ولا حاجة وايطاليا مش كلهافيرارى زى المانيا مش كلها مرسيدس AMG دول حتى مش عارفين يعملوا عربية SUV زى الناس وباقلهم سنة واكتر بيتكلموا عن صناعة سيارة اقتصادية زى الفرنسيين ما عملوا اللوجان والبافرية ما بتعمل برليانس ورايحين جايين على الصين وفى الاخر بيقولوا عايزين يدمجو بين التاتا نانو والفيات علشان يطلعوا عربية اقتصادية يغزوا بيها الاسواق ومش عارفين اهيه ايطالياً ديه اكبر مثال على اللى كنت بقولة بخصوص الصناعةالامريكية الناس بتغير افكارها وعايزها تتأقلم بس الموضوع مش سهل انها ترجع زى الاول فالامريكان برضو هيواجهوا صعوبات اكبر علشان يرجعوا برضو نيجى لتالت اهم اشكالية حوالين الصناعة اليابانية
فيه اختلاف برضو على ( قيمة - جودة - اعتمادية - تميز) المنتج اليابانى ورغم انى اكثر انحيازا للمدرسة الاوربية بس فى ظل عدم وجود اسلام شاهين وهاشيموتو وتحفظ متيما فانا مضطر انبرى للدفاع عن القضية اليابانية اولا القيمة بتاعة المنتج اليابانى مازالت منافسة فى كل الاسواق بل ومازالت منافسة جدا فى السوق المصرى بالمقارنة بالاوربى اللى يا اما بقى فووووووووووووووق اوى لدرجة مبالغ فيها يا اما فوووووووق نص نص بس تكاليف اقتنائه وقيمتة السوقية تحتتتتتتتت خالص فاليابانى اقرب الحلول للحصول على قيمة فعلية ومادية فى نفس الوقت فى سيارة نيجى للجودة والاعتمادية اللى بيشهد بيها الانجليز والامريكان قبل حتى الاوربيين والخليج بصراحة مش عارف الهجوم على جوده واعتمادية اليابانى ممكن يكون مبنى على حقائق فين اصلا علشان ادافع عنها قطع الغيار المغشوشة ملهاش علاقة بمستوى الصناعة نفسة والاوربى بردو ليه قطع غيار تركى وكورى وصينى ومحلى ساعات بس ميصحش نحمل المصنع مشاكل قطع الغيار الغير اصلية انجازات اليابان فى الابداع الشكلى والهندسى وفى السباقات بردو مستغرب من اجماعكم واصرار فادى على التركيز على ازمة الهوية عند اليابانين لدرجة حسيت معاها انة بيتكلم عن الصينى او الهندى او الايرانى ! المنتج اليابانى ليه ريادة فى قطاعات صناعية كتير مش بس السيارات والناس ديه عمالقة صناعياً فى مجالات الصناعات الثقيلة والالكترونيات ووسائل الاتصال والبتروكيمويات والتطبيقات النووية السلمية وفلاسفة فى الفكر العملانى والاقتصادى وديه كلها عوامل قوة وتمييز بتصب فى صناعة السيارات اه انا معاك ان تويوتا تحديداً اهدرت قيم صناعية كتير فى عربياتها بس فى المقابل حققت تجارياً نجاحات قياسية وتاريخية بينما (هوندا - ميتسوبيشى - سوبارو - سوزوكى - نيسان - مازدا) كل واحدة شخصيتها المميزة هوندا بشخصيتها الاكثر نشاطاً وان بدى للبعض ترجمة شرقية لميول ايطالية وميتسوبيشى بالذوق الاقرب للاوربى والاعتمادية الرخيصة سوبارو بالتفانى فى الجودة والثبات فى التصميمات الاقرب للصناعة الالمانية سوزوكى طول عمرى بعتبرها فيات يابانية وبتقدر دايما ببساطة تقدم حلول رخيصة مقبولة الجودة والشكل نيسان ملهاش كل او طعم زى تويوتا برضو بس جوده واعتمادية ممتازة فى مقابل السعر وبشبهها بمجموعة فولكس مازدا عاملة زى اليابانى اللى راح درس وعاش فى امريكا لا بقى امريكانى ولا يابانى بس بقى متعلم وابن ناس (تكنولوجيا وجودة) المدرسة الكورية الاشكالية الرابعة فيه اختلاف بردو على (قيمة - جودة - اعتمادية - تميز) عمر قطع الغيار نرجع تانى نقول كقيمة سوقية مضمونة التوكيلات مجرمة ماشى بس كل التوكيلات تقريبا بنفس الشكل واكتر فى كل الماركات كطعم فعلا ملهاش طعم ولا لون ولارائحة بس مين بيدور على الطعم وهو جعاااااااااااان اكل واشبع الاول وبعدين ادور على الطعم و تلت اربع المصريين لسه جعانين عربيات فهيفضل الكورى هو الباكدج القياسية اللى بتجمع اهم حاجة من كل حاجة باقل حاجة يمكن المنتج الكورى مش مطابق لمعايير ومطلبات وعادات المصريين الازلية المتمثلة فى (تحنيط وتوريث كل ممتلكاتهم) بس عمره ماكان بيعة خسرانة ولا عربيات مفقوده والشاهد ان عربيتنا البرايد (الكورى) جبناها فى 96 ب 25 الف جنية وكانت ارخص عربية فى السوق المصرى ساعتها مشاكلها عمرها ماكانت كبيرة او مرهقة او صعبة الحل زى ما هو فى الفرنساوى مثلا وبلى العجل سعره (مابين 50 - 70 ) جنية وموجود عند البقال غيرناه من ساعتها 3- 4 مرات بس اسهل بالنسبالى وراخص من بلى فى عربية رينو يعيش 14 سنة ميتغيرش وبعدين يبوظ وادور عليه فى كل حتة ولما الاقية ادفع فيه الافات دلوقتى البرايد اللى كان كل الناس قرفانة منها (وانا منهم) اياميها سعرها زى البولو وزى الابيزا وزى الفليشيا وزى الرينو وبيعها اسهل كمان وشدها ارخص واخيرا احب اشكر كل الناس اللى شاركت فى الموضوع مرة تانية واخص بالشكر كل من متيما قائد ايمن الجناح اليابانى وعايزك تكلمنا اكتر عن حال الدول المنفصلة عن روسيا وتصورك لمستقبلها صناعيا فى الفترة الجاية ومتزعلش يا باشا من الناس الناس اللى بتهاجم اليابانى فانا لهم بالمرصاااااااااااد ptmnlo123per181 احمد انور - سامح ptmnlo123per1141 زملائى واصدقائى الصدوقين واللى ارائهم اقرب الاراء الى قلبى وعقلى وجيبى ايمن عبد الرازق - بوب - نور بيجو ptmnlo123per1114 انتو حبايبى والله بس موقفكم صعب ومتاجين مساندة ترونكية TronKey (ميجانية) لدعم موقفكم السترو بجيو رينوهاوى فادى باشا ptmnlo123per122 هفضل انا ورا الصقر بتاعك بالبندقية الرش لحد ما انشهولك فى كبوتة (منقارة) علشان يبطل ينشهش فى اللحم الاصفر (اليابانى) بس احقاقاً للحق الراجل ده بعد ما قعدت معاه فى المقابلة اللى فاتت هادى وسلس فى الحوار اكتر مايبان مشاكس وثورى فى المنتدى ومثقف وواسع الاطلاع بشكل كبير جدا وده اللى بيخلينا عندى امل في كبير فى ان ربنا يهدية وينضم للمعسكر الافرو اسيوى التعديل الأخير تم بواسطة AbOnOrA ; 03-02-2009 الساعة 08:21 AM
|
|
#49
03-02-2009, 10:25 AM
|
||||
|
||||
|
رد: بتحب انهى مدرسة فى صناعة السيارات
ماذا أقول بعد كل ما قيل ؟؟؟؟؟؟؟؟؟؟؟؟
شوفوا أنا مش خبير قوي يعني بس هتكلم من واقع تجربة عملية ليا بما إني ركبت الياباني وشوفت الكوري (مركبتوش) وجربت الأوروبي كثير هنا في قطر . أولا : السيارات اليابانية هنا في دول الخليج هي رقم 1 بلا أي منافس وحتى لو هو البورش أو الرولز رويس ، وطبعا فيه ناس كثير هترد وتقول ماهو ده منو اقع إن الناس هنا مابتفهمش فهرد واقولهم لأ طبعا ده أكبر دليل على اعتمادية هذه السيارات ، وإلا ماكنتش عمرت قوي كده وماتلقيش بيت يخلو من على الأقل سيارتين ياباني وخصوصا الاند كروزر . طيب بإحصائية بسيطة كده من واقع اللي بشوفه في الشارع هنا : السيارات الياباني بأنواعها (التويوتا كرولا ، الكامري ، النسيان (صني أو ألتيما) اللاند كروزر ) المتوبيشي اللنسرلا هما يمثلوا حوالي 90% من الشارع الخليجي ولا توجد أدنى نية لتغيير هذه النسبة ولو بعد حين . السيارات الأمريكية : تمثل حوالي 2% من الشارع القطري ولا يركبها المواطنون القطريون بل يركبها أغلبية المقيمين الأجانب أيضا وليس العرب ( مثل الفورد) السيارات الألمانية ( المرسيدس والبي إم ) تمثل حوالي 4% من الشارع القطري وأيضا الغالبية ليست من المواطنين ولكن يوجد نسبة كبيرة منهم تركب المرسيدس والبي إم ولكن الغالبية من العرب المقيمين نظرا لرخص أسعارها وخصوصا المستعمل . السيارات الأوربية (الأوبل - السكودا مثلا) الأوبل (وده خبر أحزني جدا تم إلغاء توكيلها وبالاتصال بيهم علشان كنت عايز أشوف الفيكترا قالولي معدش فيه حاجه في قطر اسمها أوبل ( تخيلواااااااااااا ) طب ليه قالك محدش بيطلبها ولا يعرف عنها حاجه ، وفي مرة كنت في سوق المستعمل وشوفت واحدة فيكرترا 2002 تحفه وحالتها حكاية تخيلوا الراجل من بقه طلب كاااااااااااام ؟؟؟؟؟؟؟؟؟؟؟؟؟؟؟؟ 5000 ألاف ريال فقط لا غير يعني لو فاصلت معاه ممكن أخلصها ب 3500 ريال ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟ ليه مش عاااااااااااااااااارف أما السكودا فمحدش من المواطنين أساسا يعرف اسمها مل اللي يعرفوه عنها إن شركة التاكسيات هنا مشغلاها تاكسي بجانب الكامري والفورد وبعض أنواع الأمريكي ، والوكيل بيعمل عروض عليها علشان تتباع وطبعا المصريين فقط لا غير هما زبائنها الدائمين . بالنسبة للفولكس فاجن يعني ممكن تكون أحسن من السكودا بنسبة ضئيلة جدا وبرضه لا تجد مواطن بيركب هذا النوع تماما ، يعني أنا كل فين وفين لما أشوف حته جولف أو باسات أو جيتا ماشية في الشارع . أما باقي النسبة الباقية وهي حوالي 3% فتعود للسيارات الرياضية وهي البورش والفيراري واللامبورجيني فهي أيضا منتشرة بس برضه مش زي ما كنت متخيل يعني بشوفها لكن مش كثير قوي فيه توكيل هنا للألفا روميو مش قادر أقولكوا يعني محدش بيعدي من قدامه لا هو ولا الفيات (الليون عربية تحففففففففه ) برضه أيه السبب محدش عارف . من وجهة نظري الشخصية إن انتشار سيارة ما ونوع معين من السيارات في بلد ما راجع لطبيعة البلد الجغرافية وتضاريسها يعني هنا لازم يطلعوا رحلات في البر وخلافه فابلتالي مش هيطلع بحته جيتا ولا فيات ولا سكودا لازم عربية عفية وقوية تستحمل الهدد اللي هناك ده . ملحوظة غربية برضه وهي سيارات الهيونداي والكيا التي تكاد تكون معدومة هنا ولا يركبها سوى أهل موطنها يعني تلاقي الكوريين راكبين الالنترا أو الجيتز وكذلك الكيا وأيضا البروتون سواء الجين 2 أو البيرسونا اللي مشفتش ولا واحده منها إلى الآن في الشارع ورحت شفتها في التوكيل وسعرها بالضبط 50 ألف ريال فقط لا غير والجين 2 سعرها 48 ألف ريال . ده تحيليل بسيط أرجو أن يكون مفيدا ، معلش إضافة بسيطة : بما إني ركبت اللانسر وركبت الصني وجربت الأوكتافيا والباسات والمرسيدس والاند كروزر واللكزس هنا فاسمحولي أقول : الياباني عامة سيارة اعتمادية تصلح للمدينة الصغيرة ولكن مع احترامي لا ترقى للأوربي بأنواعه ، ولكن هيا سيارة موفرة وقكع غيارها سهلى ورخيصة السعر ، لكن اللي عايز يركب ويسوق ويحس يعني إيه عربية يجي هنا ويشوف التعقيد اللي على أصوله ، هنا محدش بيركب عربية يكون موتورها أقل من 4000 سي سي مثلا وانت طالع وده طبعا ليه أسباب أنا قولتها قبل كده وكمان لرخص أسعار البنزين هنا ( أنا بفول الصني ب 25 ريال !!!!!!!!!!!!!!!!!!!!!) ، بس برضه هذه السيارات لا تصلح لمصر لأنها عايزه طريق وجري فبالتالي الياباني هو الأنسب للمحروسة . أخيرا بس أحب أوضح حاجه مع احترامي للكل حكم الناس في مصر بيكون على فئات الياباني التعبانة اللي بتنزل لمصر فقط لكن مثلا مابيحكموش على الالتيما أو الماكسيما أو الانفينتي أو اللكزس أو البرادو أو الاند كروزر ، وحتى لو حكموا فبيحكموا من باب إنه سسشافها على النت لكن لا جربها ولا ركبها ، وأعتقد إن اليابانيين متقدمين جدا جدا في صناعتهم ولكن للأسف لا يأتي إلى مصر إلى الفتات . ودمتم بألف خير ..............
__________________
 التعديل الأخير تم بواسطة Semsem999999 ; 03-02-2009 الساعة 10:31 AM
|
|
#50
03-02-2009, 11:52 AM
|
||||
|
||||
|
رد: بتحب انهى مدرسة فى صناعة السيارات
معلش إنتوا عارفين الزهايمر بقه ، بالنسبة للميجان علشان أنا عارف إن العربية ديه في مصر ليها شأن لكن للأسف هنا لاااااااااااااااااااااااا اااااشيء تماما العربية مشفتهاش غير مرة واحدة في الشارع فقط لا غير وتوكيلها هو هو توكيل نيسان وتمنها تخيلوا كااااااااااااام ؟؟؟؟؟؟؟؟؟؟ 50 ألف ريال يعني أرخص سنة من اللانسر وبنفس ثمن البروتون البيرسونا !!!!!!!!!!!!!!!!!!!!!!!!! !!!!!!!!!!!!!!!!!!!!!!!!! !!!!!!!!!!!!!!!
حتى السافران الجديدة برضه نزلوها ومحدش اشتراها خالص مع إني شايف إنها عربية كويسة لكن برضه للاسف الميجان هنا محدش حتى يعرف اسمها ولا يسمع عنها . اللي عايز أقوله إن كل بلد وله طبيعته وفكره واحتياجاته اللي بتتماشى مع متطلباته .
__________________
|
 |
|
|
