#166
|
رد: حكايتى مع السيارات فى جنوب أفرقيا حكاية صور !
بعد التدريب فى المستشفى أخذنا يوم راحه ! لم أخرج خارج السكن علشان فعلا كنت عايز أستجم
وأذاكر ! وست ميا عملت لكل واحد طبق جنبرى واستاكوزا مع محار طعمه خرافى زى الزبده ! وبصراحه أول مره فى حياتى آكله ! لدرجة انى سألتها عن طريقة طهيه رغم انى لم أره فى مصر ! علشان فى مصر أنا كبيرى أم الخلول ! بس مره أكلت سندوتشات سرمباء فى غارب ! ودى عباره عن الحيوان الهلامى الموجود داخل القواقع الكبيره اللى بتتعمل طفايات ! ( طبعآ حاجه تقرف ) بس بيقولوا فوايدها عظيمه ! و ممكن تؤكل مجففه كمان ! وطبعآ أهل السواحل ح يعرفوا أنا بأتكلم عن ايه !! تانى يوم المفروض كان فيه تدريب فى مركز سيارات اسعاف ! بس المره دى فى العاصمه بريتوريا ! يعنى احنا كنا فى ميدراند وهى منتصف المسافه بين جوهانسبرج وبريتوريا ! المشوار حوالى ساعه وربع والمناظر جميله جدا وريف هادىء وجميل ومش ملاصق مباشرة للطريق ( مش زى عندنا الطرق تخترق الريف السعيد بتاعنا بزبالته وريحته وبهايمه ) !! أخيرآ دخلنا بريتوريا وكنت فاكر انها عاصمه ضخمه ! ولكنها طلعت بلده هادءه صغيره نسبيا وتشبه المعادى من 30 سنه ! والناس فى الشوارع قليله وأحسن حاجه عجبتنى هى الآشجار المتراصه على جانبى الشوارع وكلها مزهره ولون أزهارها بنفسجى على قرمزى ! بتفكرنى بمدينتى ( المنصوره ) أيام الطفوله والشباب ! و دلفنا الى منطقه أهدأ من الهدوء ومرينا من بوابه صغيره و فيتور قال لنا باى باى أجيلكم الساعه 7 مساء ! طبعآ احنا كنا اتنين فقط أنا والفلبينى القصير المكير ! وقابلونا الناس بترحاب وكان هناك مزز زى الفل كانوا بيتفحصونا من فوق لتحت وكانوا مهتمين بى قوى لما سمعوا انى من مصر ووالله ادوا الفلبينى الطرشه ! وتمنيت ساعتها انى أكون أصغر من كده 20-30 سنه ! ليه ؟؟؟ ماعرفش ! وكنت زعلان من نفسى قوى لآنى أيامها كنت مبقلظ وعامل 115 كجم ( فى عين العدو ) و مزاجى عمومآ مش حلو من موضوع المذاكره والامتحانات ! وأنا من النوع اللى بيبان على وجهى أى شىء فى داخلى سواء حزن أو فرح أو قرف و بوضوح تام مليون بيكسل ! يتبع ( ملحوظه : الصور بعد قليل لوجود خلل فى موقع الرفع) Dr. Bolbolan
__________________
ليت الشباب يعود يوما فأخبره بما فعل المشيب بى ! ptmnlo123per1127 |
#167
|
رد: حكايتى مع السيارات فى جنوب أفرقيا حكاية صور !
بصعوبه شديده ولوجود ضغط هائل على موقع رفع الصور تمكنت بالعافيه من رفع هذه الصور
والتى تتبع الموضوع السابق ! لذلك نعتذر عن هذا العطل الفنى الطارىء ! فى الطريق من ميدراند الى بريتوريا ( العاصمه ) قريه من بعيد ! ( شوفو النظافه ) ! شارع من شوارع بريتوريا الهادئه ! أنظروا الى الآشجار المزهره ( مثل المنصورة زمان ) ! الشارع الذى يقع به مركز الاسعاف ( الاسعاف هناك خاص و متعدد وغالى جدآ ) ! مدخل المنزل المقابل للآسعاف ( احترس من الكلب ) !! مدخل مركز الاسعاف وبه حمام سباحه للعاملين والعاملات ! عادى يعنى ! ( تصدقوا ) !! برده شوايه للباربيكيو فى حديقة مركز الاسعاف ! أرجوكم حد شاف مركز اسعاف مصرى ؟؟ العبد لله ( صورة تذكاريه ) ! البنت دى مسعفه وب 100 راجل و بتعمل كل حاجه و بتغسل الاسعاف والآرض كمان وطيبه جدآ ! و حنينه جدآ جدآ ! Dr. Bolbolan
__________________
ليت الشباب يعود يوما فأخبره بما فعل المشيب بى ! ptmnlo123per1127 |
#168
|
||||
|
||||
رد: حكايتى مع السيارات فى جنوب أفرقيا حكاية صور !
البنت دى مسعفه وب 100 راجل و بتعمل كل حاجه و بتغسل الاسعاف والآرض كمان وطيبه جدآ ! و حنينه جدآ جدآ !
Dr. Bolbolan [/quote] موضوع جميل جدا والصور مدعماه مشكور يا دكتور على كتاباتك الشيقه حلوه حنينه جدا جدا دى |
#169
|
|
رد: حكايتى مع السيارات فى جنوب أفرقيا حكاية صور !
موضوع جميل جدا والصور مدعماه مشكور يا دكتور على كتاباتك الشيقه حلوه حنينه جدا جدا دى [/quote] شـــكرآ يا باشــا ptmnlo123per1147 علشــان تعرف ان مش انت بس اللى جرىء ! ptmnlo123per154 Dr. Bolbolan ptmnlo123per122
__________________
ليت الشباب يعود يوما فأخبره بما فعل المشيب بى ! ptmnlo123per1127 |
#170
|
||||
|
||||
رد: حكايتى مع السيارات فى جنوب أفرقيا حكاية صور !
و الله المسعفه دى خساره فى الاسعاف
ممكن يكونوا حاطينها علشان المريض اول مايشوفها يفوق على طول
__________________
®AHMEDCAR سبحان الله و بحمده سبحان الله العظيم اذكروا الله اللهم اغفر للمسلمين و المسلمات و المؤمنين و المؤمنات الاحياء منهم و الاموات
|
|
|