عاوز اركب فوانيس شبورة لفيرنا 1600 كاملة ؟

[haninatoon]

المشاركة الأصلية كتبت بواسطة tonsy1979 على فكرة العربية الكاملة بتنزل من الفابريكة عاملين حساب الفوانيس من قدام يعن ضيفرتهم الكربائية موجوده مستخبية تحت فوانيس العربي من جوة

هل الكلام دة فعلا لانة كدة يبقى الموضوع بقى سهل
طيب موضوع انى اخليهم على النور الواطى بتاع العربية دة عادى
وازاى النور العربية واطى وهما حيبقوا على العالى يعنى من حيث الفولتية

[haninatoon]

ها ياجماعة عاوز اركب الفوانييس مستنى ردكم وياريت بالتفصيل

[haninatoon]

المشاركة الأصلية كتبت بواسطة ايمن منصور السلام عليكم انا معايا فيرنا ومركب فوانيس شبوره والزرار الاصلي مركبهم من 3 سنين وركبت فيهم زينون بس الزينون حرارته عليه عليهم وخلاهم طوسو من جو فنزلت عزبه سعد واشتريت طقم جديد سعره 100 جنيه باللمض ركبه فيهم ودي صور العلبه بتعتهم علي فكره انا من اسكندريه وممكن تخليهم ينورو مع النور الصغير وخلاص

سيادتك انا لقيت نفس المنتج دة ب 125 جنية فى مصر الجديدة 64 شارع دمشق - ميدان الجامع قالى الطقم بلمباتة ب 125 جنية كتاوت ب 20 جاية سللك 3 mm حوالى 8 متر عاوز اتاكد انهم 3 ميلى حاسة سللك جامد قوى التركيب 50 جنية من غير زرار على الواطى على طول انا فيرنا 1600 كاملة قالى انة مش حيلعب فى الضفيرة خالص حياخد وصلة من الواطى ويوصلها على كتاوت ومنها للمبات السؤال: فى فى علبة الفيوزات مكتن كتاوت اسمة فوج دة اية واية حكاية ان غبور عامل ضفيرة مش عارف حاسس نفسى مش فاهم فى حاجة ناقصانى ممكن مساعدة لو سمحتم

[mesho70]

المشاركة الأصلية كتبت بواسطة haninatoon سيادتك انا لقيت نفس المنتج دة ب 125 جنية فى مصر الجديدة 64 شارع دمشق - ميدان الجامع قالى الطقم بلمباتة ب 125 جنية كتاوت ب 20 جاية سللك 3 mm حوالى 8 متر عاوز اتاكد انهم 3 ميلى حاسة سللك جامد قوى التركيب 50 جنية من غير زرار على الواطى على طول انا فيرنا 1600 كاملة قالى انة مش حيلعب فى الضفيرة خالص حياخد وصلة من الواطى ويوصلها على كتاوت ومنها للمبات السؤال: فى فى علبة الفيوزات مكتن كتاوت اسمة فوج دة اية واية حكاية ان غبور عامل ضفيرة مش عارف حاسس نفسى مش فاهم فى حاجة ناقصانى ممكن مساعدة لو سمحتم

- انا قلت لحضرتك بلاش صينى وان كنت مصُّـر
- يبقى لازم زرار منفصل مش على ذراع الواطى لان معنى كدة انك لازم تشغلهم طالما ماشى بالعربية بالليل ودة مش كويس
- لان تحملهم ضعيف وكمان بيعاكسوا المقابل لك

[haninatoon]

المشاركة الأصلية كتبت بواسطة mesho70 - انا قلت لحضرتك بلاش صينى وان كنت مصُّـر - يبقى لازم زرار منفصل مش على ذراع الواطى لان معنى كدة انك لازم تشغلهم طالما ماشى بالعربية بالليل ودة مش كويس - لان تحملهم ضعيف وكمان بيعاكسوا المقابل لك

اوك انا مش حجيب صينى
بس لو سمحتم خليكم معايا
انا لاقيت طقم تايوانى ب 180 جنية بس من غير لمبات
قولى بقى لو سمحت اية نوع المبات بالضبط وسعرها اللى ممكن اركبها
وحجيب الزرار المنفصل بس لوسمحت عاوز حد يدلنى من فيين بالظبط
اروح الوكالة مثلا

وبعديين محدش رد عليا فى حتتة انة فى علبة الفيوزات مكان كتاوت اسمة فوج دة اية واية حكاية ان غبور عامل ضفيرة للشبورة اصلا