ارجو المساعدة يا وحوش الفيات بولونيز ولا فيات 132

[kete]

المشاركة الأصلية كتبت بواسطة max666666 السلام عليكم انا عارف انكم رجالة خبرة فى عالم الفيات و طمعان فى رايكم معروض عليا بولونيز مو 90 جنوط وزى الفل متسقط عليها موتور 132 او فيات 132 مو 75 فبريكة من جوة و زى الفل هى بس عاوزة رش نضافة من برة انا هتجنن عينى على دى وعينى على دى ايييييه رايكم ؟؟؟؟؟؟؟؟؟؟؟

أخى الفاضل أهلا ومرحبا بحضرتك اوضح لك بان الاهم حاله السياره ؟؟؟ هاتصرف عليها كام بعد شرائها ؟ وعموما 132 افضل ان كان حالتها حلوه وصحيح البلونيز ربما شكلها احلى شويه ولكن الاهم حالتها وخد بالك الحاجه اللى هاتعاشرها مكتوبه لك ؟ ربنا يوفقك لما فيه الخير

[max666666]

المشاركة الأصلية كتبت بواسطة kete أخى الفاضل أهلا ومرحبا بحضرتك اوضح لك بان الاهم حاله السياره ؟؟؟ هاتصرف عليها كام بعد شرائها ؟ وعموما 132 افضل ان كان حالتها حلوه وصحيح البلونيز ربما شكلها احلى شويه ولكن الاهم حالتها وخد بالك الحاجه اللى هاتعاشرها مكتوبه لك ؟ ربنا يوفقك لما فيه الخير

شكرا و ربنا يستر علشان الواحد تعب اوى

[zago boss]

هات البلونيز علشان لو حبيت تدخل في جرار زراعي
علشان البلونيز احدث فالصاج بتاعها بصحته لسه

المشاركة الأصلية كتبت بواسطة max666666 يا رجالة انتم فين مافيش حد يعرف العربيات دى

انا افضل البولونيز من حيث الاحدث والتدول وتستحمل السفر والبهدلة

[didos]

بص يا باشا
132 عربية بمعنى الكلمة وافضل من بولونيز بكل مقاييس السيارات
موتور انعم واقوى وسحب اعلى
عفشة انعم ودركسيون ناعم وثبات اعلى واداء السيارة فى الكامل ممتاز يعيبها استهلاك البنزين العالى الذى يمكن التغاضى عنه بسبب حسن الاداء
ولااااااااااااااااااااااا اااكن
لا مجال لاختيار ال132 بسبب قدم السيارة وعدم وجود قطع غيار لانواع احدث تتلائم معها يعنى بولونيز مستمر انتاحجها حتى 2001 بالخارج ولذلك قطع الغيار استيراد وجديد متوفرة جدا وارخص من اللادا وفيات 124 مع انها موديل ستينات الا ان كل قطع غيارها لادا التى هى مستمرة حتى الان و فيات 125 قطع غيارها بولونيز ونفس النظام و فيات 131 قطع غيار شاهين اما 131 فهى مميزة فى التصميم لانها كانت اعلى فئة فى وقتها وبالتالى بدات فى الانقراض كقطع غيار واسعارها على الاقل ضعفين او 3 اضعاف بولونيز والاهم من السعر انك مش هتلاقى قطع الغيار اساسا يعنى من الاخر تتجوز واحدة زى القمر وتنغص عليك عيشتك ولا واحدة متوسطة الجمال وتريحك وتصونك

اما بولونيز ما لها وما عليها
الصاج دبابة لا جدال
قطع الغيار زى الرز خصوصا الاستيراد
العفشة ناشفة والعفشة الخلفية على ورق سست ودا ميزته ان العربية تتحمل كتير مافيش مشكلة لكن عيبه انك بتحس جامد بالمطبات ومع الوقت ممكن القوايم تتكسر وكل كام سنة تحتاج سمكرة
الموتور خشن وصوته عالى وبرضه اداء ممتاز مع وزن السيارة ولو فتيس 5 غيار تطلع من اللانسر (انا طالع من لانسر وميجان عادى جدا )
امثلة لاسعار قطع الغيار فى البولونيز
موتور استيراد 2000 جنيه (فى ال132 ب 4500 ومش موجود)
فتيس 4 غيار 400 (زى اللادا )
فتيس 5 غيار 700 (1100 فى اللادا )
مارش 150 جنيه استيراد
جوز مساعدين خلفى (الورق بمشتملاته ) 140
والجديد
بيضة مقص تركى 30 و ايطالى 45
جوز مساعدين امامى 150 صينى و 240 اسبانى
وش فانوس امامى 4 جنيه

ونصيحة لو العربية فعلا نضيفة والصاج والموتور ممتاز اول ما تشتريها تبص على العفشة وتعمل اللازم بالذات علبة الدركسيون لان دى لو وحشة حتخلى الدركسيون تقييييل جدا
تركب فتيس 5 غيار امامى حتحس انك راكب طيارة
تركب تابلوه استيراد موديل بعد 97 شكله حلو جدا زى العربيات الحديثة بيعمل 300 جنيه كامل
وربنا يوفقك