|
#1
21-04-2015, 01:23 PM
|
|||
|
|||
الحمد لله إشتريت شارك إمبارح
الحمد لله إشتريت شارك |إمبارح مع إني كنت بدور على عربية مانيوال لإني مش متعود على الأوتوماتيك
بس الحمد لله وقبل ما أستلم العربية كنت هتصل بالمعرض وأقوله إلغي حجز العربية لإني قريت عن صيانة دياموند إنها زبالة وآخر قلة أدب وكلام من ده وتجارب سيئة من الناس معاها لكن قولت ما كل التوكيلات كده ده أحنا في مصر إنت نسيت ولا إيه المهم ما أطولش عليكم و هقولكم عملت إيه ولو في حاجة تنصحوني بيها ياريت تعرفوني؟ أول حاجة أنا إشتريت العربية من معرض أبو حتة مدينة نصر الفئة التانية بسعر 145 ألف كنت عاوز السيلفر بس قالي السلفر هيتأخر شوية وممكن تحجزه وينزل أغلى وكلام البياعين اللي إنتم عارفينه المهم قالي لو إسود أو أحمر هتستلم دلوقتي حالا لإنهم موجودين وب 145 بدل 146 (كلام بياعين) المهم حجزت بألف وتاني يوم روحت إستلمت العربية لون أحمر وإداني هدايا طقم دواسات شكله وحش أوي وشماسة هو ده اللي طلع من زمتهم المهم شيكت على العربية وتأكدت إن كله تمام بشكل مبدئي جربت المرايا والدركسيون والمساحة والبخاخات والكاسيت ولفيت حوالين العربية الحمد لله تمام وكانت عاملة 7 كيلو المهم إداني ورقة فيها رقم شاسية العربية وختمها وقالي دي تمشي بيها لغاية ما أجيبلك شهادة البيانات بعد 3 أيام وتروح ترخص بيها سميت الله وطبعا حاسس إني أول مرة أسوق أساسا وخايف من الزحمة وخاصة الأوتوماتيك مفيش بيني وبينه حب زي معظم الناس وطلعت على بنزينة عباس العقاد مليت التانك ب 150 جنيه إديت بتاع البنزينة 205 على أساس ياخد ال5 تيبس لقيته رجعلي ال 5 وقالي خلاص كده ال50 الباقية حلاوة العربية الجديدة ده أحنا 8 طبعا دي قلة ذوق وقلة أدب كمان وأنا لو كنت بعربيتي القديمة وخد جنيه زيادة كنت سمعته ألفاظ ما عرفهاش قبل كده بس المهم طلعت 20 جنيه قالي لا كفاية الخمسين قولتله هات الخمسين وخد ال 20 دي فخدها وهو متكدر ده خلاني ما أروحش لبتاع كاوتش يظبطلي الهوا مع إني عارف إن الهواء لازم ينزل لإنه متعلي أوي وقولت لما أروح عندي منفاخ بمقاس أبقى أعملها بإيديا العربية دي شكلها هيخلي الناس يشتغلوني ( لأاااا ده أنا من عابدين يا فضائيين هههه) المهم الطريق لغاية البيت كان طويل وماشي حاسس إن الناس كلها هتخبطني زي ما اكون أول مرة أسوق عربية مع إني بسوق بقالي 18 سنة وغواي غرز كمان بس الفلوس بتوجع وأنا ماشي العربية الحمد لله تمام بس طبعا ماشية مش راسيه لإن الكاوتش مظبوط على 45 بحالهم المهم أنا لسة راكنها وما ظبطش الكاوتش يتهيئلي أظبطه على 30 صح بس في حاجة عايز أسأل عنها أنا شديت شدة بسيطة على دواسة البنزين حسيت العربية إستنت ثانيتين عبقال ما بدأت تقول ده طبيعي في الأوتوماتيك أو في الجديد عموما ولا كده في عيب والفتيس مأخر؟؟؟؟؟؟!!! حاجة تانية أنا من كلام الناس بقيت خايف من دياموند فإيه الحل؟؟؟؟؟ تنصحوني أعمل إيه؟ وأخيرا بشكر كل اللي هنا في المنتدى لإن كان ليهم فضل كبير بعد ربنا عليا إني أفهم العربية دي وأعمل إيه وأنا رايح أشتريها 
|
|
#2
21-04-2015, 03:24 PM
|
||||
|
||||
رد: الحمد لله إشتريت شارك إمبارح
الف الف مبروك ربنا يهبك خيرها ويكفيك شرها
دوسة البنزين طبيعية مفيش قلق منها ده الاوتوماتيك عادى وبالنسبة للورق الموضوع محتاج منك زن علي المعرض يوميا بس هو حضرتك دفعت كل المبلغ كاش مبقتش فلوس خالص ؟؟
|
|
#3
21-04-2015, 03:42 PM
|
|||
|
|||
|
رد: الحمد لله إشتريت شارك إمبارح
دفعت المبلغ كله ده حتى خد كمان 125 جنيه مصاريف شهادة البيانات أوعى تقولي إني طلعت عبيط في كده؟؟ أصل دي أول عربية زيرو أشتريها
والله فعلا كان لازم أبقي حاجة لإنه كده ممكن يدوخني التعديل الأخير تم بواسطة Hassan10 ; 21-04-2015 الساعة 03:51 PM
|
|
#4
21-04-2015, 03:51 PM
|
||||
|
||||
|
رد: الحمد لله إشتريت شارك إمبارح
لاء ان شاء الله خير بس زن عليهم بقى يوميا لحد ما يجيبو الورق ولو عايز نجيبلك نص نقل محملة صعايدة ونطلع على المعرض نعملها بس الطيب احسن نبداء بالزن بس الاول وان شاء الله خير
|
 |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| الحمد لله استلمت اللوجان ورخصت .. تقييم صغير + شكرا رينو | ringoo | رينو لوجان Logan | 29 | 06-09-2011 12:39 PM |
| للرجال للحصول على ذقن ناعمه وبشره صافيه بلامتاعب | c2bo | نادى الاطباء | 8 | 25-06-2011 12:22 AM |
| الحمد لله إشتريت لانسر بومة 2007 وهذه تجربتى | Devill Blood | لانسر بومه | 34 | 19-12-2010 10:49 AM |
| الحمد لله إشتريت العربية من المعرض...أعمل إيه بعد كدة؟؟!! | dr.Emma | المرور والشهر العقارى | 5 | 29-06-2010 01:56 PM |
| موضوع شامل عن//جميع حلول الفورد ادخل | احمد الحميري | منتدى الصيانة العام | 0 | 13-08-2009 10:19 AM |
