هي ال Fiat 126 يعني ال126

[Eskndrani]

سلام عليكم ورحمة الله وبركاته
اخباركم ايه يا احلى منتدى
انا بدخل المنتدى ده بقالي تقريباً سنة وزيادة وكنت متابع حاجات معينه فى المواضيع
اغلبها كان الفيات 131 سبور ( باب واحد ) وخاصةً الـ 1300
موفرة فى البنزين وبتتحمل بت اللذينه

دخلت الجيش وصرفت كل فلوسي فى الجيش هههههههههههههه وبقيت حاطت ايدي على خدي .. انا لسه فاضل لي بتاع 5 شهور واخلص جيش ان شاء الله المهم انا طأه فى دماغي اليومين دول فيات 126 على أد الإمكانيات وخصوصاً ان الدخل بسيط جداً .
ومحدش يقولي اصبر وهات 127 ولا 128 عشان الحالة اصلا ضنك وانا خلاص مبقتش قادر اتحمل .
عندي كذا استفسار بقى
انا مش هتجنن واحاول اعملها اوتوماتيك لإني ببساطة مبحسش اني سايق عربية لو ركبت اوتوماتيك ..
انا بس عاوز اعرف اركبلها موتور ايه بدون اي تعديلات فيها .. عاوزها بس تكون ثابته ع الارض وعزمها قوي بدل ال 650 سي سي ده مش هياكل معايا .
وعاوز اعرف مين فى اسكندرية ممكن يعملها لي .. ومحدش ارجوكم يشرح بالصور او الفيديوهات من غير كلام عشان انا لا افقه شيء فى الميكانيكا غير حاجات بسيطة جداً .
انا شفت منتدى خاص بمالكي فيات 126
وشفت صورة لعربية 126 متعدلة فى اسكندرية بس مش عارف متركب لها موتور ايه


Stuey's 126-load the filler cannon!
ولا فاهم اي بتنجان
بس شفت الفيديو ده أسرني بصراحة

[Hisham.Elgazzar]

عربية محمد بشارة ف اسكندرية حاطط عليها متور 127 وبيطلع بيها سباقات عادى

[Eskndrani]

أيونننننننننن
هو محمد بشارة دااا وتقريباً عامل عربيته نفس شكل العربية اللي في الفيديو ده .
انا كنت باكل فى مؤمن قبل كده وشفته ع البحر فارد جناحاته بالـ126
السؤال هنا يكمن ..
راح لأنهي ميكانيكي عشان يركب موتور الـ127 وهل ركبه عليها بدون اي تعديلات ؟

[Eskndrani]

جــاري البـحث عن سـيارة فيـــات 126 بالإسـكندرية

[Hisham.Elgazzar]

هو بيشتغل بايده ومعاه مكنيكى كويس
وركب مكنة ال127 على فيتيس ال126