تغيير طلمبه البنزين

[تامر1970]

السلام عليكم اخوكم مزنوق فى خبير العربيه اسكودا فيليشيا موديل 97 العربيه مافيهاش حاجه وخروجى بيها قليل اول امس خرجت بيها الساعه السادسه والنصف صباحا وبعد حوالى خمس دقائق من المشى العربيه بطلت بعد ماهديت سرعتها قمت مدور دارت على طول بس جبت الاول ورفضت تتحرك غير متر ثم تبطل ادور تانى تدور من اول تكه وانا واقف العربيه مافيهاش حاجه ادى الاول واجى اطلع تبطل
فتحت الكبوت لقيت بالفحص النظرى كميه البنزين فى الفلتر الشفاف قليله جدا رحت دايس مرتين بنزين من عند الكربراتير جامد اوى وتوكلت على الله مشت زى الفل علما بان التنك نصفه بنزين ولا اترك المؤشر ينزل عن النصف البنزين المستخدم 90 الميكانيكى قال لى رداخ البنزين ضعيف ولازم يتغير
بواحد اصلى بس انا شايف ان سحب العربيه كويس هو البنزين فى الفلتر قليل بس ماشيه
اغير الرداخ بواحد مستعمل اصلى ولا فيه عيب تانى

[mhamdy75]

لو موضوع رداخ يبقى لازم يتغير

بدل ماتعطل مرة واحدة

[mr_astra]

ممكن بدل التغيير تزود الرداخ بنطة نحاس بحيث انها ترجع الفقد والتاكل لكامة طلمبة البنزين لان من سردك للمشكلة ان الرداخ سليم وبيحضر بنزين لكن الكمية قليلة ودة ناتج عن ان كامة طلمبة البنزين بتشتغل نصف المشوار بتعها فقط

[الهولندى الطائر]

بنطة نحاس؟
ياريت توضح علشان نستفيد؟وازاى وعند مين

وازاى نقلل من معدل تآكل كامة الطلمبة بالصيانة الطريقة ازاى
وشكرا

[تامر1970]

المشاركة الأصلية كتبت بواسطة mr_astra ممكن بدل التغيير تزود الرداخ بنطة نحاس بحيث انها ترجع الفقد والتاكل لكامة طلمبة البنزين لان من سردك للمشكلة ان الرداخ سليم وبيحضر بنزين لكن الكمية قليلة ودة ناتج عن ان كامة طلمبة البنزين بتشتغل نصف المشوار بتعها فقط

اولا شكرا على اهتمامك بالرد- ثانيا ازاى بنطه نحاس وعند مين وتوضع فين بالضبط
ثالثا العربيه بعد ما تبطل بثانيه واحده تيجى تدورها تدور عادى خالص من اول تكه بس تديها الغيار الاول وتحاوت تطلع تبقى مكلبشه فى الارض وتبطل ولو تصبر عليها دقيقتان تمشى زى العفريت ده ممكن يكون ماستر الفرامل