تجربتي مع بنزين 86 ؟؟؟ ايوه 86

[mijodian]

المشاركة الأصلية كتبت بواسطة احمد على 1999 فعلا يا جماعة انا برضه كنت اتأكدت منه من مواقع و منتديات اجنبية كتير و بعمله من زمان و لغاية دلوقتى بين ال ال 92 و ال 95 بدون اى مشاكل

الحمد لله اني لقيتلي مؤيد ههههههههههههه
شكرا ردك انت عربيتك ايه ؟

[احمد على 1999]

لانوس 2002 فول اوبشن 214 الف كم تقريبا ماشيهم خلط معظمهم
نعمل انا و انت بأه حزب الخلط ههههههههه

[أبو اياد]

والله هية فكرة بس أنا بحط 80 لعربيتي بس جايبلها اسبراي تنضيف الرشاشات لان مشكلة ال80 انه بيعمل كربون والاسبراي ده بينظف الرشاشات من الكربون والعربية ولا بتسقف ولا غيره معايا سيتروين اكسارا 2001

[hyundai2005]

يا جماعه اللي بيخلط بين 90 و 92 مش حيحس بالفرق خالص لان الاتنين كويسين
لاكن انا جربتها في فيرنا 2011 وكانت اساسا ماشيه ب 90
وخلطتلها 90 و 80 والنتيجه زفت صوت الماتور عالي والسحب فالضياع

[mijodian]

المشاركة الأصلية كتبت بواسطة hyundai2005 يا جماعه اللي بيخلط بين 90 و 92 مش حيحس بالفرق خالص لان الاتنين كويسين لاكن انا جربتها في فيرنا 2011 وكانت اساسا ماشيه ب 90 وخلطتلها 90 و 80 والنتيجه زفت صوت الماتور عالي والسحب فالضياع

العربية اللي تخلط يفضل انها تكون متعوده علي 80 لكن العكس لا ولازم تسال العكس ينفع ولا لا لان العربيات الجديدة مينفعش فيها خلط
الخلط ده لموديلات لحد 2002 بس المفترض مش فوق كده خالص اللي هيا بتمشي ب80 وبتكركر مع التكييف
انا عربيتي بطة 93 وبتجري جري مع ال90 دلوقت مش فارقه لو حطيتلها رز بلبن هتمشي لكن الجديد بيستطعم وخد بالك من ده كويس
عايز تخلط في الجديد روح لكهرباءي يظبطلك كهرباء العربية علي ال80 هو هيفهم الكلام ده