مواقف ونوادر الميكانيكة

[Payoo]

ربا يعينك ويعننا على الصنايعية إللي ماعندهومش ضمير

بجد بقت حاجه تخنق .... دا حتى الواحد لما هرب منهم وبقى يتعامل مع توكيلات ومراكز خدمه بقى يتدبح ولو مش فاهم يتكلفت

[Ahmed Anwer]

يا جماعة مس حكاية ضمير بس

حكاية جهل angryheadangryhead

الصنايعية بيشتغلوا بمبدأ التجربة و الخطأ

أعتقد و الله أعلم ان قليل جدا من الصنايعية اللي عايز ما يصلحشي الحاجة من اول مرة عشان يستفيد

غالبا بيكون مش عارف يصلحها اساسا و بيخمن

[AbOnOrA]

المشاركة الأصلية كتبت بواسطة Ahmed Anwer يا جماعة مس حكاية ضمير بس حكاية جهل angryheadangryhead الصنايعية بيشتغلوا بمبدأ التجربة و الخطأ أعتقد و الله أعلم ان قليل جدا من الصنايعية اللي عايز ما يصلحشي الحاجة من اول مرة عشان يستفيد غالبا بيكون مش عارف يصلحها اساسا و بيخمن

اتفق معاك تماما بس هى المشكلة مش فانهم بيمشو بالمحاولة والخطاء لان الاسلوب ده مش غلط واى حد فنى واو مهندس عارف ان فى حاجات متجيش الا بالمحاولة والخطاء بس المشكلة انهم محدش علمهم الاسس العلمية لتحليل المشاكل Troubleshooting Techniques
ده غير طبعا انهم اتعلموا فى مدرسة الحياة يعنى معلوماتهم كلها مبنية على الخبرة من غير معلومات اكاديمية او مراجع وطبعا من غير الاجهزة والمعدات الكافية سواء للاصلاح او الاختبار

علشان كده مهم اوى حد يفكر ويتحرك فى اتجاة تطوير العمالة المتخصصة فى السيارات فى مصر لمواكبة التطور الحالى فى مجال السيارات فى مصر لان طول ما الحال على ماهو عليه لاهنلاقى فنين اكفاء للمصانع (سواء مصانع تجميع او مصانع تصنيع قطع الغيار) وبرده هنعانى فى ايجاد العمالة لمراكز الصيانة بكل مستويتها من اول مراكز صيانة الوكلاء لحااااااااااد المكانيكى اللى على باب الله

بس فيه حاجة تانية مهم تتقال فى الموضوع ده

وديه شهادة حق فعلا احاسب عليها امام الله ........... وهى انى شوفت فى مصر صنايعية كتير ممتازين بكل معنى للكلمة سواء فى الجودة (الضمير) او فى الخبرة ومستوى الذكاء والمهارة وفيه ناس كتير منهم بيهتموا بالعلم والتطوير واستخدام التكنولوجيا الحديثة بس الناس ديه محتاجة مساعدة بجد سواء مننا او من الحكومة من اى هيئة او مؤسسة يهمها تطوير صناعة السيارات فى مصر واحنا كنا عملنا دعوة لطوير الورش فى اوتوماسترز قبل كده وجبنا مواضيع عن ادارة الورش والاجهزة الحديثة وما الى ذلك بس الموضوع محتاج اكتر من مجرد دعوة ولازم يكون فيه على الاقل جهه واحدة تدعم المشروع بس باذن الله الدعوة هتتجدد لانى شخصياً واثق فى ان بلدنا فيها واذكى صينايعية فى العالم بس محتاجين تدريب وتحديث ومعدات وسوق طبعا والسوق دلوقتى موجود والحمد لله

[POP EL GAMED]

انا عن نفسى متعاملتش غير مع اتنين ميكانيكه
1-ده كنت بتعامل معاه من ايام ال132 وكان والله خبره عاليه جدا جدا جدا
مره زمان فى اول سنه خدت فيها العربيه التيل الامامى خلص وبقى بيحك فى الطنبوره
قلقت وافتكرتها حاجه فى العفشه وقلقت جامد
رحتله قلتله فى صوت حكه قالى حكه جامده كده قلتله ايوه
قالى روح هات تيل وتعالى على ما اكون حليت العجل
(وفعلا طلع الكلام ده صح والراجل ده فعلا خبره ومحترف)وبيشتغل فى هيونداى دايو اوبل فيات كل ده لو حد محتاج منه حاجه يقولى وانا مستعد اروح معاه كمان للراجل ده
2-التانى بقى اللى بتعامل معاه من ساعه ما جبت الرينو وده راجل مهندس ساب التوكيل وفتح ورشه بتاعته وبرضه بيشتغل فى كل الفرنساوى واليابانى والكورى وطبعا طبعا الفيات
وبرضه بصراحه الراجل ده محترم وبيفهم جامد وعنده صنايعيه كويسين جدا
خلاصه الموقف ده انى جربت حوالى 6 ميكانيكه على مدى حوالى 9 سنين ده عمر العربيات معايا
وخلصت انه مفيش منهم غير اتنين وواحد بروحله لو مضطر(ومرحتلوش من ساعه الرينو)ptmnlo123per179

[السيد العيسوى]

فعلا يااخى اعتقد ان المشكله الاساسيه هى الجهل
وللاسف مش جهل الصنايعى وحده 00 جهلنا نحن ايضا 00 او قل اهمالنا