طقوسك ايه ؟؟؟

[Injection]

موضوع جميل ومميز ياسامح باشا, لازم قبل أى طلعة أبص على مستوى المياه, وأبص على فلتر الهواء ومواسيره أشفها موجودة ولا لأ, وبصة على ضغط العجل وخلاص, بس وأنا طالع من الجراج بأضيف على الحاجات دى مسح العربية والكشف على الزيت وأبص تحت العربية أشوفها بتنقط حاجة ولا لأ.

وأضافة للتسخين لمدة دقيقة كده ولا حاجة علشان الزيت يجرى فى الموتور كويس.

وأحيانا لما برجع مبسوط منها بدى العربية بوسة على الدركسيون وأديها كلمتين حب وغرام وأقفلها وأمشى.

وحاجة بعتبرها من الطقوس هى أنى بكره الزحمة جدا, بسبب العطلة ولأن سواقتى فيها بتبقى عنيفة وغبية حبتين, فبنزل بدرى أوى على 6 الصبح, وأحاول أبعد أى مشوار عندى عن أوقات الذروة لأقصى درجة, حتى لو أضطريت أركن وأقعد فى العربية بالساعات.

وربنا يحفظنا جميعا من مصر وسكانها

[BASSEM BESO]

موضوع حلو وممتع انا طقوسى انى بنزل بشيل الغطى واسمى واركب طبعا مش بشوف زيت ولا مية ولااى حاجة عشان العربية لسة جديدة (اسبرانزا 2010 ) وبعدكدة اركب واشغل الطبلاوى او محطة القرأن وادور امشى بس بانسبة لعربيتى القديمة ال132 بنزل بحس انة يوم اسود مش طلعلة شمس واخر مزهثت منها دخلتها التجديد وربنا يرجعها بالسلامة ......................... .

[فادي مكرم]

ببص من البلكونة كدة هطلع ازاى و فى حد قافل ولا لا و فى الغالب لا ..... بنزل صلاة خفيفة كدة ايا كان سبب النزول من البيت..... بدور و اطلع استكشف العربية وانا بمسحها خربوش , قلم جاف , اي حاجة غريبة " مرة لاقيت العربية مغسولة بمعنى مغسولة بالجير حتى المرايات " ربنا يسامحه بقى ,,, بركب بزود بنزين ببص على زيت و حرارة وبنزين واربط الحزام واظبط الكاسيت اللي بيشلنى " كل مرة تطفيه لازم تظبطه تانى " واطلع وربنا يستر معانا جميعا

[samehsaeed]

المشاركة الأصلية كتبت بواسطة ahmedraafat00 بجد موضوع جميل جدا شوف يا سيدى لما يكون عندى مشوار بالعربيه بكون قرفان و مش طايق نفسى لانى بتخنق من السواقه فى البلد دى بعد كده انزل امسح العربيه مسحه بسيطه ومش بتيجى بفايده لان عربيتى على طول متربه و بدخل ادور وافتح الزجاج الامامى الشمال و اظبط المريات و أقرأ دعاء الركوب و أطلع

ومين سمعك أصلا كلنا بنتخنق من السواقة في البلد ديه بس أكيد ده ما يمنعش إننا بنحب السواقة في حد ذاتها بس ياترى ايه سبب إن عربيتك علطلول متربة أنا اللي أعرفه إن طول ما ايدك في الحاجة عمرها ما هتتبهدل أبدا ، جرب كده بس وابقى قولي ايه النتيجة

[samehsaeed]

المشاركة الأصلية كتبت بواسطة Injection موضوع جميل ومميز ياسامح باشا

تسلم ياباشا ده من ذوقك بس

المشاركة الأصلية كتبت بواسطة Injection وأبص على فلتر الهواء ومواسيره أشفها موجودة ولا لأ

يعني ايه موجودة ولا لأ مش فاهم الحتة ديه معلش ؟

المشاركة الأصلية كتبت بواسطة Injection وأحيانا لما برجع مبسوط منها بدى العربية بوسة على الدركسيون وأديها كلمتين حب وغرام وأقفلها وأمشى

ياعيني على الدلع ، أيوة كده يا نجم ظبط العربية تظبطك

المشاركة الأصلية كتبت بواسطة Injection لازم قبل أى طلعة أبص على مستوى المياه, وأبص على فلتر الهواء ومواسيره أشفها موجودة ولا لأ, وبصة على ضغط العجل وخلاص, بس وأنا طالع من الجراج بأضيف على الحاجات دى مسح العربية والكشف على الزيت وأبص تحت العربية أشوفها بتنقط حاجة ولا لأ. وأضافة للتسخين لمدة دقيقة كده ولا حاجة علشان الزيت يجرى فى الموتور كويس. وحاجة بعتبرها من الطقوس هى أنى بكره الزحمة جدا, بسبب العطلة ولأن سواقتى فيها بتبقى عنيفة وغبية حبتين, فبنزل بدرى أوى على 6 الصبح, وأحاول أبعد أى مشوار عندى عن أوقات الذروة لأقصى درجة, حتى لو أضطريت أركن وأقعد فى العربية بالساعات.

طقوس في مجملها كده من وجهة نظري الشخصية ممتازة، أنت كويس يا ابني استمر،استمر

المشاركة الأصلية كتبت بواسطة Injection ولأن سواقتى فيها بتبقى عنيفة وغبية حبتين.

ليه بس كده ياعم ، بص خليك باررررررررررررررررررد

المشاركة الأصلية كتبت بواسطة Injection وربنا يحفظنا جميعا من مصر وسكانها

اللهم آمين