عفوا(جاك للجيكاويه وللمحبين لها فقط)....

[MmFFoR]

انا من الصبح قاعد بفكر اشارك واللا لا اشارك! انا عادة بحب اعمل مداخلاتي بالعربية بس حخليها المرادي بالمصري. اولا انا مش عارف اذا كانت مشاركتي بالرد على كل ما قيل او يقال صح او غلط و ان كان المفروض اتجاهل كل حاجه بالمرة او لأ! انا حرد و لتمنى انه ميكونش قرار غلط..
أولا انا ما متعمدتش اهين اي شخص في اي مرحلة و لو انا لابس جزمه اديداس و جه واحد اعرفه او معرفوش وقف جنبي و قال انا مش عارف الناس عاجباهم ايه في الاديداس دي دا حتى جزمة معفنة و ملهاش لازمة ( اسف على اللفظ ) ايه حيكون ردي؟ ممكن اقوله : الله الله ليه الغلط ده يا كبير!! بهزار طبعا لأني مش حمسك في خناق راجل ( و اعتقد ان احنا كلنا هنا رجاله او شباب كبار يا اما مكناش امتلكنا عربيات ) و انا راجل محترم و ابهدل نفسي و ابهدلوا علشان شتم في جماد او ماركة او جزمة ما راحتش ولا جت!!!! هوا انا ولا صاحب مصنع اديداس ولا مدير تسويقها في مصر!!! ممكن الاعبه و انكشه على تعليقه بطريقة ظريفة و ممكن اتجاهله تماما!! و هذا لا ينقص من حقي شيء!!! حتى لو كان تعليقه مبني على رؤيته للجزمه اللي انا لابسها بالذات بس هو كلامه في الاول و الاخر موجه بابداء رايه في الجزمة انها رديئة و لا تستحق الشراء ( و طبعا انا مختلف معاه في الراي لاني اشتريتها!! ) بس ما اخدتش الموضوع شخصي بالمرة!
ده مثال بسيط !
ثانيا: انا فعلا و بكل بساطه ليا رأيي الشخصي في العديد من السيارات موضع الخلاف , في بعض الاحيان بغير رأيي طبقا لبعض الظروف و الملابسات! و ببني رأيي ده من معطيات و قراءات مرت عليا!!! مثلا رأيي في اللوجان ان توكيلها في سياسته التسعيريه حرامي و طالبت في بداية نزولها السوق بمقاطعتها تماما حتى يتراجع التوكيل في التسعير المبالغ فيه ! ثم في مرحلة من مراحل حياتي ( من 9 شهور ) قررت اني اجيبها و بعدين كلمت واحد صاحبي شغال جوه التوكيل راح خوفني منها و قاللي بالحرف اوعى تشتريها بتجيلنا بعيوب تصنيع كتيرة في الفتيس و الباور! و الموتور صوته عالي و العزل رديء! لاقيت اغلب ملاحظات و شكاوي ملاكها فعلا في النقاط دي!!!!! و بعدين لقيت ملاكها بيشكروا فيها و قالوا ان الدفعات الجديده تلاقت عيب الفتيس و الباور و العزل و الصوت مقدور عليهم! انا مع الوقت تعايشت مع الامر الواقع ان السعر ده مش حيتغير! بقيت بنصح بيها الناس في الفئه السعرية من 60 - 70 الف لانها افضل توكيل ( من حيث الخدمة و الدعم و ليس التسعير ) و اعلى سيارة عن الارض و امكانياتها مناسبة مقارنة بسعرها مقارنة بمثيلاتها في السوق ( فيرنا , لانوس , بيكانتو!!!!! ) و بعدين مرة تانية ظهرت البروتون ساجا و فتحت دائرة التنافس من جديد و هكذا! لما انا بدي رأيي في اي مرحلة من مراحل السوق ولا انا عارف مين معاه لانوس ولا مين معاه فيرنا او لوجان! ولا قلت يا د. كمال و لا يا استاذ سيف !!!! انا بقول رأيي الشخصي طبقا لمعطيات السوق و تطوري الفكري في نطاق الادب و عدم المساس بشخص افراد!!! انا بتكلم عن اله موجودة في السوق متوفرة للجميع !!!
رأيي عن الساجا انها احسن عربية في فئة ال 69 الف و اوتوماتيك بموتور كام برو 1300 موفر للوقود و اداء ممتاز! بعدين ظهرت شكاوي علبة الدريكسيون و بطئ التوكيل في حلها فبطلت انصح بيها او انصح بيها على استحياء! و رأيي في البي واي دي كان واضح ان الزياده الاخيرة في تمنها غير مبرر لأها اصلا تصنيع مصري فلماذا يقع عليها زياده جمركية مفروضه اساسا على العربيات مش قطع الغيار!!!!!!!!!!!! و رأيي في العديد من السيارات لا يتسع لها المجال هنا!

انا بعتذر للاخ اللي انا قلت في حقه كلام مش كويس و لكني كنت مجبرا لانه كان يوجه الي سيل من الاهانات لا يقبلها اي شخص كبير او صغير و كل شوية يشتموا و يقولوا احنا مبيهمناش احنا مش فارقة معانا يوقفونا او لأ احنا مبنعملش حاجه غلط! و يقول لما واحد يقول "وقلت الى مش عجبه يشرب من البحر " و الاخر " واللى زى دا ماتعملوش حساب أصلا ولا ترد عليه " و ثالث " وبئى عامل ذى الدبانه كل متنشها ترجعلك تانى" وهو أصلا شخصيته كده ( مستفز ) ربنا خلقه كده . هو حايعمل ايه" و ايضا قال " واتخذت قرارى بانى اتعامل معاه على انه مريض لآ حول له ولا قوه " !!!!

و في النهاية اتهمني اني موظف في توكيل منافس و اسعى بشتى الصور لتشويه سمعة سيارته!!!

في النهاية احب اعرفكوا بنفسي! انا مهندس مدني: فوزي اعمل مدير مشروع بشركة مشهورة جدا و عمري 29 سنة و امتلك حاليا سيارة جيو تراكر 4*4 موديل و دي صورة شبيهة ليها
سيارتي و لله الحمد عملية جدا و فابريكة بره و جوه ما عدا الكبوت و الاكصدامين طبعا! استهلاكها للبنزين عالي جدا بتعمل 7-8 كيلو في اللتر بس في المقابل بتشتغل على اي بنزين 80-90-92 اي بنزينه بلاقيها قدامي بحط الموجود و مبتقولش لأ مع انها انجيكشن (مونو) فتيس الغرز فيها ممتاز و سحبها و تسارعها اكثر من رائع و خصوصا بعد ما عملت ليها شوية تعديلات طفيفة في الموتور زي هيدر جديد و فلتر HKS سبور ياباني و بوجيهات NGK بس هي حاليا بتنبهني انها محتاجه تغير كورونه طبعا من صوتها!! انا سعيد بالتحدث اليكم جميعا و ارجو اني ما اكونش خدت من وقتكم كتير! و اسف عن اي اسلوب ضايق اي حد مني! بس ولا انا استفزازي و لا انا لزقة! انا شخص محبوب من العامل قبل المهندس و من الغريب قبل اهلي و زوجتي و امي و اخواتي! كلهم بيتمنوا اني ازورهم او اقضي وقت معاهم! و مكنتش اظن ان رأيي في سياره حيكون السبب اني اتعرض لاهانات شخصيه بالشكل ده عمري ما تعرض ليها قبل كده حتى من 12 سنه لما كنت في ثانوي!!

[odaoda]

يا استاذ ممفور ولا كأن اى حاجة حصلت انا الحمد الله فضلت مدخلش فالحوار بينك وبين الاخوة فلمنتدى هنا لانى شايف ان الاختلاف حتى لو كان شديد بيبقى وارد جدا
يا جماعة واللة فالاخر دى عربية وارد جدا انها تتحب ووارد جدا انها تتكرة
والاتساذ ممفور كارة للعربية والله والله اعظيم دة حقة ولا يلم علية احنا مندخلش فنوايا الناس
وزى محنا بنحاول نوصل للناس الى داخلة هنا عشان تشتفيد اننا بنحب العربية وانها عاجباناة من حقو هو كمان انة يقول وجة نظرة ودى حاجة ترجعلة وهو الوحيد المختص بذلك
الموضوع خد اكبر من حجمة بمراحل وانذارات وتحذيرات واغلاق لمواضيع!!!!!
لية دة كلة طيب؟؟من غير اى زعل عادى جدا العربية فنظر فلان سيئة ومالة حقك وحقى انى ادافع عن العربية وليس حقى انى اصادر رأيك بأى شكل من الاشكال
بلنسبة للرد (على اساس انها مرسيدس ) عادى جدا الراجل شايف انها غالية فين التهكم؟؟يا جماعة اذكركم بحديث النبى صلى الله علية وسلم
التمس لاخيك 70 عذرا (خدوا بالكوا من تكملة الحديث ) فأن لم تجد لة عذرا ......فلعل لة عذرا
الله عليك احلى كلام من اشرف خلق الله
وانا اصلا من اول عذر بتفكير هادئ قلت عادى جدا استاذنا العزيز الكريم ممفور العربية مش داخلة دماغة مفيش مشاكل
وناقشتة بهدؤ بدون اى شئ من العصبية
اعذرونى انا مش بدافع عنة بس انا مش شايف انة غلط للدرجة الى تخليى الموضوع يسخن اوى

وربنا يهدينا جميعا لرضاة بأذن الله

[د.كمال]

المشاركة الأصلية كتبت بواسطة أحمد فاروق سيد السلام عليكم ورحمة الله وبركاته مما لا شك فيه أن عنوان الموضوع ومحتواه مفهوم وواضح جداً للجميع ولكنه لا يتفق تماماً مع مبدأ الحرية وإبداء الرأي الذى يكفله القانون والعرف وكذلك تنص المادة 6 من قوانين المنتدى على ومنه نستنتج أن حرية إبداء الرأي والرد مكفولة والأختلاف متاح للجميع بحدود عدم التعرض للأشخاص وأيضاً لا فرق بين مالك للچاك أو مالك لأسبرانزا أو مالك لألنترا أو أو مالك لچيتا أو مالك لمرسيدس الكل سواء لهم الحرية فى الرد والتعليق لهم الحرية فى المدح والدفاع لهم الحرية فى النقد فأهلاً وسهلاً ومرحبا بالناقد والمُختلف معى فى الرأي ولكن يجب عليه أن يلتزم بأدب الخلاف وأن يكون مبدأنا أن الخلاف فى الرأي لا يفسد للود قضية وأخيراً قسم الچاك ليس حكراً على ملاكه فقط وهو متاح للكافه " مستحسن ،،، وناقد " فى ظل حوار ونقاش راقي للنفع العام مع خالص تقديرى وإحترامى للجميع

لم تفطنوا ياسيدى الفاضل ان من كتب هذا الموضوع كتبه كرد فعل لحاله اليأس التى اوصلتوه اليها بشطبكم مشاركاته واعطائنا انزارات واغلاق الموضوع وبدلا من ان تناقشونا فى رد الفعل هذا اذا بكم تخبئون لنا العصى فى الدواليب وتخرجون لنا القوانين لارهابنا وقصف اقلامنا وانتم الذين تنادون بحريه الرأى ......الموضوع ليس محتاج لقوانين ولكن محتاج لاناس صدرهم رحب يجمعوا ولا يفرقوا ولديهم من سعه الصدر ما يحتوى الجميع .............هذا ما كنا نعتقده ....وشكرا

[MmFFoR]

انا من الجمع الذين تم انذارهم و شطب مشاركته المسيئة! و انا هنا بعتذر عن اي اساءة بدرت مني و ان كنت اكرر ان رايي ليس شخصي بأي شكل من الاشكال! و برضه يا استاذ اداودا انت بتحرجني بعقلك و اسلوبك و هدوءك! انت مثال للشخصية الممتعه في التعامل معها ! شخص تجالسه و تحاوره و تستمتع بادارة دفة الحوار معه حتى و ان كان هناك اختلاف في الرأي و في النهاية تودعة بابتسماه على شوق لتلقاه مرة اخرى لتفتح باب حوار جديد و نقاش او جدال جديد يدور في اطار من الاخوية و الاحترام المتبادل مغلف بوعي تام بان خلاف الرأي لا يمس اي منا شخصيا! و للعلم انا مش بكره العربيه دي على الاطلاق و لكني فعلا شايف انها فقط تستحق 70 الف و ليس 78 الف لانها تشبه و تنافس ال M11 من سبيرانزا! و عموما ده رأيي انها متستاهلش 78 ممكن راي اخ تاني اشتراها او حيشتريها انه على العكس السيارة تستاهل المبلغ و اكتر! انت حر و انا حر!

[aymanlaw]

اذا كنت حضرتك شايف ان ده مش تهكم ده من حقك !!!!!!!!!!!!!!
كما ان من حقى ان ارى ان هذاالكلام قد يسىء لسيارتى وهى شىء مهم عندى ,وهذا من حقى ...
كما ان سيدنا رسول الله (صلى الله عليه وسلم ) قد اعطانا الحق فى الدفاع عن مشاعرنا --لمجرد انك تشعر ان هناك من يقصد التقليل من شأن شىء حتى ولوكان جماد زى مبتقولو اوبيقوله الأخرين ولكن هذا ليس مبرر ان يسخر قوم من قوم ---وانت حر فيما تراه أخى العزيز ---ولكنى مصر على رأى وانا حر ايضا --نسيت حضرتك انها عربية متستاهلش خالص ---اشكرك شكرا جزيلا!!!!!!!!!!!!!!!!!!!! !!!!!!