انصحونى قبل شؤاء 740 الفئه السابعه

[bm bm 200]

السلام عليكم ورحمه الله وبركاته
اريد شراء الفئه السابعه من عام 2003 الى 2010
ورحت كذا معرض اسعرها بتبدى من 250 الف الى 600 الف

ولكن كذا صديق نصحنى بعدم الشراء

لانو بقولو ان قطع غيرها عاليه جدااا
والامر الاخر الصيانه العاديه غاليه جدا ابضاا

هل هذا صحيح ؟؟

وبماذا تنصحونى

[AbOnOrA]

اولاً اهلاً بيك فى مصر موتورز نورت المنتدى وثانياً خد بالك فى العربيات عموماً وفى البى ام خصوصاً الفتى كتير اوى فحاول تشغل الكلام فى مخك قبل ما تصدقة وتسال ركيبة البى ام وتفهم منهم بس سؤال وجواب علشان فيه حاجات بتبقى نسبية من واحد للتانى واللى ينفعلك غير اللى ينفعلى واللى يعجبك غير اللى يعجبنى فافهم راية اللى بيقولة مكونة بناء عن ايه بالظبط اما عن التنين المجنح او الفئه السابعة ديه فمش هيكفينى فيها موضوع كامل لشرح مواصفاتها ومميزاتها وهى فى المجمل عربية اسطورة فى الاداء والفخامة ولا تقارن الا بالاودى والمرسيدس الفئات س وماشابه دة اولاَ فمتقارنش فلما تقارن قارن بدول ولما تقارن بدول وبس وبالتالى موضوع غالية ده مقارنة بالعربيات العادية اه طبعاً لان ديه بى ام بس مقارنة بالعربيات اللى هتديك نفس البرستيج لاء ديه دنيتها اسهل فى قطع الغيار والصيانة من الاودى والمرسيدس وعامة لو ناوى بجد اقدر اساعدك بإذن الله فى كل حاجة فيها سواء صيانات او قطع غيار المهم انت بس تقع واقف وتجيب عربية نظيفة واوعى من الانصاص ومتضدقش اللى يقولك ديه الفئه السابعة مفهاش انصاص لاء فيها وفيها متهرب وكل حاجة فمهم تجيبها من واحد محترم ويفضل حاجة خرج بيت مش من تاجر وطبعاً هتكشف عليها قبل الشراء من متخصصين وبالاجهزة بتاعتها مينفعش فى العربيه ديه كشف نظرى بس وبالتوفيق مقدماً واهلا بيك مرة تانية فى مصر موتورز

[bm bm 200]

الله يخليك يا ابو نورا
كلامك جميل
انا بقالى حوالى شهر شغلتى الوحيدة انى بدور ع العربيات واخيرا رسيت ع الفئه السابعه وكما قلت تستحق اكتر من ذلك لكن الى بيشغلنى صيانتها وقطع غيرها بعد ما اشتريهاااا
ونت عارف ال بى ام عكس المرسيدس تشتريها غاليه وتبيعها رخيصه فكرت كتير اشترى مرسيدس من النوع s سواء شبح او فيجرا لكن انا عاوز اغير اخيراا لانى كل حياتى مرسيدس فى مرسيدس باختلاف انواعهااا
الى شفته ان الب ام خصوصاا الفئه السابعه دى فخمه من الداخل بطريقه لا تصدق افخم من المرسيدس

ونا كدة كدة طبعا هكشف عليهاا فى التوكيل طبعاا دة شئ اساساى لكى يطمئن قلبى وهاخد نصاحيك فى دماغى

لو احتجت شئ اخر هاخد رقم موبايلك
وبالنسبه ايه هيا مراكز صيانه مشهورة ومعروفه للبى ام غير التوكيل المعتمد لانو بيكون سعرهم حلو شوى عن التوكيل

[AbOnOrA]

لما تيجى تروح التوكيل قولى برضو اعرف ناس هناك تظبطك جامد جداً وتروح التوكيل متروحش مراكز معتمدة علشان تكشف عليها فى السيستم وتجيب كل حكايتها

وبالنسبة للمراكز والورش فديه كتير متقلقش وحسب مستوى الشغل اللى هتحتاج تعملة لان فيه شغل محتاج واحد بيفهم فى الريداتير مثلاً فيه شغل محتاج ميكانيكا وفيه شغل محتاج دكتور مكانيكا على حسب والبى ام هتلافى فيها التخصصات ديه كلها وبدائل قطع الغيار وكل حاجة

بس خد بالك برضو بنتكلم عن رينج اسعار البى ام والمرسيدس والاودى علشان متظلمش العربيه وتظلم نفسك معاها

ومرة تانية خد بالك من الانصاص علما بان النصين بتوعها عشرة على عشرة بيعملو رينج ال 100 - 150 حسب الحالة والفئه يعنى هيكسب فيها الضعف تقريباً والنصب فى العربيات ديه كتير فخد بالك

[AbOnOrA]

ده واحد من الورش

ورشة BMW منصور ( تجربة بالصور) - مصر موتورز مجتمع السيارات

https://www.facebook.com/BmwMansour

ده ميزته انه عندة كل الاجهزة بتاعتها وعندة الجهاز اللى يكشف على الاعطال من المفتاح بتاع العربيه بس من غير ما العربية تبقى موجودة كمان وكويس فى شغل العفشه والاعطال العامة وكويس فى حوار استبدال كنترول الفتيس فى الموديلات اللى بتجيب فتايس لكن فى الفئه السابعة موتور وفتيس منصحكش تتعامل معاه مقاولات كبيرة انصاص ولا حاجة برضو عد صوابعك وراه غير كدة كويس :D وزى ما قولتلك فى البداية لكل حدث حديث وحسب العيب فيه صنايعية كتير للبى ام متقلقش