اسعار قطع غيار السياره النوبيرا الاستيراد

[aymanhassan]

طيب هو طقم الشنبر ده يعمله حوالى كام والمصنعية كام بعدين انا عندى المكنة بدخن جامد من الشكمان بالاضافة طبعا لنقص الزيت ايه الفرق بين كده و بين خفية الموتور

[moko_2004]

المشاركة الأصلية كتبت بواسطة aymanhassan طيب هو طقم الشنبر ده يعمله حوالى كام والمصنعية كام بعدين انا عندى المكنة بدخن جامد من الشكمان بالاضافة طبعا لنقص الزيت ايه الفرق بين كده و بين خفية الموتور

من 500 جنية الي 700 بالمصنعية والمفروض دى تحل مشكلة الدخنة البضاء لنها هتمنع الزيت من دخول غرفة الحريق

المكنة بتاكل زيت في حالة كسر الشنابر او في حالة خفية الموتور
الشنبر لو متأكل يكون سحب العربية عادي ولكن في دخنة بيضا من الشكمان او من فايظ الزيت اللي موصل وش السليندر بالبوابة هتلاحظ دايما ان البوابة معرقة زيت اسود طول الوقت هتلاقي البوجيهات بتخرب بسرعة جدا

لو المكنة خفيفية زود على الأعراض اللي فوق ان السحب يكون وحش جدا وتسمع تنفيخ وفرقعة احيانا من غرفة الحريق و دوران العربية بيكون صعب جدا جدا اكتر من لو كانت الرشاشات وحشة هيعني حتى لما تدور تلاقيها بطلت بعد ثانيتين ثلاثة فمن حيث الوصف اللي وصفتة قدرت ان الموضوع عندك مجرد طقم شنابر مش اكتر و لاتنسي التليين بعدها انك تمشي عل العربية اول 500 كيلو على سرعات لازيد عن 80 وتنقل على ار بي ام لازيد عن 2ونص

[aymanhassan]

متشكر جدا يا باشا
انا هخلى الميكانيكى بتاعى يبصلى عليها لو معنديش حاجة تانية غير طقم الشنبر هعملها وانشاء الله خير

[Islam-1995]

سلام عليكم انا خبطت في قايم عربيه نقل المهم الباب اللي وره زجاجه و الفريم اتكسرو و الالقابم بتاع الباب اتكسر فهل ينفع يتلحم اجيبله زجاج ولا لا و الباب الجديد استيراد بكام بالزجاج؟؟

[moko_2004]

المشاركة الأصلية كتبت بواسطة Islam-1995 سلام عليكم انا خبطت في قايم عربيه نقل المهم الباب اللي وره زجاجه و الفريم اتكسرو و الالقابم بتاع الباب اتكسر فهل ينفع يتلحم اجيبله زجاج ولا لا و الباب الجديد استيراد بكام بالزجاج؟؟

حبيبي غير الباب ورشة ارخصلك
لان سمركة الباب هتكلفك ما لا يقل عن 300 جنية
و الزجاج ب 100 و الرش ب 200
لكن الباب بحالة ب 450 جنية
اشتري باب وغيرة و اشترى دماغك