ياعني إيه (إيه بي إس) بيسحف؟!!؟

[dr_eslam_66]

ألف شكر على الرد ياباشا

المشاركة الأصلية كتبت بواسطة mainz حضرتك ياباشا نظام منع الانغلاق اي بي اس ليه لمبه على الطابلوه حمرا . لو اللمبه دى شغاله باستمرار أنا كنت ذكرت قبل كدة إني لمبة الإي بي إس في التابلوه مش منورة ولا حاجة. يبقى نظام مانع الانغلاق فيه عيب ولازم يتكشف عليه ويتصلح . أيوة بردو أنا عمري ما قبلت المشكلة دي قبل كدة أكشف عليه فين أو القصد بردو الموضوع متخصص ياعني عايز كشف كمبيوتر أو بالعربي توكيل ولا ممكن اي حد برة في أي مكان من الي بيعملو السيرفيس الدوري. ثانيا ممكن يكون فيه عيب النظام بس مش مبين اللمبه الحمرا على التابلوه أوك أنا بردو إستنتجت ده وبالتالى هيكون اما سينسور او الحلقان بتاع كل فرده مكابح لازم يتكشف عليها ويغيرها لو احتاجت للتغير والحلقان دى ليها اشكال مختلف حسب كل عربيه . وادى صوره لشكل الحلقان )التروس) معلش هحتاج منك كمان توضيح صغير لو ينفع إشرحلي بس إيه الحلقان دي الله يكرمك كمان رد عليا الموضوع محتاج توكيل وأجازة من الشغل يوم مخصوص ولا أي ورشة والسلام تلمه.

ألف شكر ياباشا على متابعتك للموضوع من الأول وردك المستمر على كل إستفسار.

المشاركة الأصلية كتبت بواسطة cars admire مشكلة زيت فرامل

عموما أنا أصلا من ساعة ماخدت العربية دي وانا ليا ملاحظة على افرامل بس ماكنتش عارف غيه هيا لغاية ماخدت بالي في الحادثة دي.
طيب بس بص بس على الرأي السابق علشان أنا مش عايز أروح أغير زيت وبعدين أروح أغير أي حاجة في الفرامل أقوم أغير زيت تاني.

بجد ياجماعة نا اعارف والله إني تقلت عليكوا بس هتقولوا إيه بقى لو كان حبيبك عسل, هيا بس المشكلة إني خايف إني المشكلة تكون كبيرة وعايز أوصل لحل بسرعة لأني كل يوم متضطر أركب العربية وأروح بيها مشاوير بعيدة قوي والشوارع سرعتها أصلا عالية هنا وأ،ا خايف من العربية من ساعتها خايف المرة الي جاية بقى الاقي العربية حتى مابتزحفش.
فا إصبروا معايا شوية كدة ربنا يجازيكوا خير

[mainz]

شوف يا باشا الفيدو ده وهتلاقى فيه الشرح التفصيلى لعمل حلاقات او تروس السينسور وطريقه عمل السينسور نفسه

http://www.youtube.com/watch?v=i8OTJCoJTKY

[hazem_khidr]

الاول اعرف موديل العربيه و الموتور كام سي سي
و فيه لمبه abs في التابلوه ولا لاء؟؟

[dr_eslam_66]

المشاركة الأصلية كتبت بواسطة hazem_khidr الاول اعرف موديل العربيه و الموتور كام سي سي و فيه لمبه abs في التابلوه ولا لاء؟؟

العربية تيوتا كرولا 1.8 سي سي موديل 2002أوتوماتيك نمرة 3 إلي هيا بيزك أوبشن المرايات سودة الشبكة سودة الزجاج مانيوال طاسات طبعا مش جنوط. خليجي وهيا في الإمارات معايا.
أنا شرحت العربية والموديل في راس الموضوع نفسه.
بردو معلش لو تعرف تفيدني إني أغير زيت افرامل على طول وهوا دا السبب ولا أروح التوكيل الأول أكشف على الحلقات بتاعت السينسور بتعاال إيه بي إس وبعدين اغير الزيت هناك بقى بالمرة ولا الموضوع مش محتاج توكيل للكشف عليه أساسا وأي ورشة هتقوم بالحل وخلاص.
ياعني أنا لحد دلوقتي مش فاهم أساسا أبعاد المشكلة هل دي مشكلة فنية مستعصية ولا أي ورشة هتقوم بالواجب, أنا كل الي أعرفه إني الفرامل عندي مش مظبوطة؟

[dr_eslam_66]

المشاركة الأصلية كتبت بواسطة mainz شوف يا باشا الفيدو ده وهتلاقى فيه الشرح التفصيلى لعمل حلاقات او تروس السينسور وطريقه عمل السينسور نفسه http://www.youtube.com/watch?v=i8OTJCoJTKY

ألف ألف شكر ليك ياباشا
طيب تمام أنا شوفت فعلا الحلقات دي أو التروس موجودة فين.
نصيحتك بقى ياباشا إلي طلبتها من كل الناس ومش عارف هيا بتتنسي ليه.
دلوقتي أكشف على السينسور والتروس دي قبل تغيير الزيت ولا بعده وأكشف عليها في الوكالة بردو ولا...