"فورتشنر" المجمعة محليا!!نص نقل مقفوله

[borio1704]

نسيت أقول حاجة كمان

سياسة تويوتا في تغيير الموديلات الـ4×4 والتجارية مختلفة تماما عن سياسة تغيير الموديلات السيدان والهاتشباك

شوف أي لاند كروزر الشكل بتاعها قد قد إيه.... مش أقل من 10 سنين
الهايلكس نفس الكلام... وبناء عليه الفورتشنر كمان لو اتغيرت يبقى هتتغير مع الهايلكس

في الثمانينات ..كانت تويوتا بتنزل موديل زي الفورتشنر مبني بردو على الهايلكس ... إسمه 4Runner .... دي اللي بجد تقدر تقول عليها هايلكس متقفلة



ولسه الـ4Runner بتنزل في أمريكا لحد دلوقتي



أي خدمة



...

[خالد دبي]

المشاركة الأصلية كتبت بواسطة cars admire سعر مفاجأة لـ"فورتشنر" المجمعة محليا سيارة جديدة مميزة أشارت تقارير صحفية محلية إلى أن السيارة "فورتشنر" ستكون أولى السيارات التي سيتم تصنيعها في مصر بواسطة شركة "تويوتا إيجيبت". وذكر ملحق "الجمهورية أوتو" الأربعاء أن السعر المبدئي للسيارات التي سيتم تصنيعها في مصانع الشركة المصرية الأمريكية للسيارات عام 2012، سيكون 350 ألف جنيه. وكان تردد أن السعر المقترح للسيارة هو 250 ألف فقط، لكن السعر الذي ذكرته الصحيفة يمكنه كذلك منافسة السيارات الأوروبية في نفس فئتها. وتتميز "فورتشنر" بأنها سيارة دفع رباعي حقيقية مصممة و مصنوعة لتحقيق أداء قيادة ممتاز على الطرق الممهدة والوعرة على حد سواء. وتقوم قدرتها المتينة على إطار الشاسية الرائع و نظام الدفع الرباعي الدائم والارتفاع الجيد عن الأرض لمواجهة الطرق الوعرة. "فورتشنر" بمحركين الأول سعة 4 لتر بست اسطوانات على شكل V والثاني محرك سعة 2,7 لتر مزودين بتقنيات محركات "تويوتا" المتطورة، ومن هذه التقنيات نظام VVT-i (الصمام الذكي المتعدد التوقيت) الذي يضبط توقيت الصمامات على أفضل مستوى تبعا لظروف القيادة. وتشمل مزايا نظام VVT-i زيادة عزم الدوران و بالتالي الأداء الناتج و اقتصادية أفضل في استهلاك الوقود و تقليل معدل انبعاث غاز العادم. إن نظام TORSEN LSD على ترس الفرنس الخلفي المركزي يغير توزيع عزم الدوران تلقائيا و فوريا استجابة لظروف القيادة ليسهم في تحقيق الاستقرار الممتاز للسيارة. الرفاهية الطلاقة والرحابة مع الخطوط الإنسيابية والمقاعد الأمامية الرياضية الطراز تضفي شعورا سلسا بالسيطرة الفعالة و الراحة الشخصية وا لفخامة الراقية. خصائص راقية تمكنك من معايرة جودة حياتك بدقة المقصورة الفسيحة عبارة عن حيز متعدد الوظائف يمكن ترتيبه بسرعة لاستيعاب التوزيعات المختلفة من حيث عدد الأشخاص و كمية الأمتعة، فهناك ثلاثة صفوف من المقاعد تتسع لسبعة أشخاص بالغين. ويمكن طي مقاعد الصفين الثاني والثالث بسرعة و تخزينها جانبا لإيجاد حيز أمتعة كبير يتسع للحمولات الكبيرة أو الطويلة وبفضل إمكانية ضبط الموضع من حيث التقديم والترجيع وإمالة الظهر وآلية الرفع المجهزة على مقعد السائق الرياضي الطراز يستطيع السائق تفصيل وضعية جلوسه حسب ما يحقق له السيطرة على المركبة. الأمان نظام (الفرامل المانعة للإنغلاق) ABS يساعد على ضمان ثبات السيارة عند الضغط على الفرامل على الطرقات الزلقة أو عند التوقف المفاجئ. خصائص السلامة الإيجابية تشمل مصابيح أمامية متعددة الإنعكاس بأربع لمبات و إضاءة ساطعة و مصباح إيقاف علوي التركيب طراز LED و مساحة للزجاج الخلفي. hilux vigo فعلا عفشة الهاي لوكس غير مريحة و لكن هي عملية للعمل في المناطق الصحراوية مثل 6 اكتوبر و اتمني ان ترخص الهايلوكس للملاكي لانها فعلا سيارة ممتازة و راقية Hiluxe مقفولة Fortuner هى فعلا تويوتا Hiluxe(نصف نقل)مقفولة..الموتور 4سلندر هو نفسه موتور Hiluxe واسمه 2TR وبيركب على عربيات كتيرة فى تويوتا زى Inova مثلا ..اما موتور 6 سلندر فاكبر شوية واكثر عزما واسمه 1GR واكثر تقدما من الناحية الفنية .. العفشة تقريبا نفس عفشة Hiluxe وغير مريحة بالمرة .. هل طرق مصر تحتاج لمثل هذه النوعية من السيارات .. سؤال اطرحه على الجميع .. من وجهة نظرى لا نحتاج هذه السيارات فى شوارعنا وخاصة القاهرة المزدحمة .. وكمان استهلاكها للبنزين عالى ويناسب فقط الخليجيين المغرمين بالدفع الرباعى دى نص نقل مقفوله العربيه نفس شاسيه التيوتا الهاى لوكس النص نقل وعلى 2012 هيكون الخط اللى بيصنعوه قدم لانهم اكيد هينزلوا الشكل الجديد عربيه فقيره من جوه وتفتقر لاى رفاهيه وحتى ماتورها مينفعش لعربيه غير لنص النقل دا غير سعرها المبالغ فيه جدا سعرها العادل 240 الف -280 الف لو فيها كل الاوبشنز اى مفاجأة !! اى مفاجأة يتحدثون عنها السيارة فى السعودية سعرها 80000 ريال اى ما يعادل 120000 جنيه مصرى فلماذا تكون بـ 350000 جنيه وهى تجميع محلى يعنى يجب ان تكون ارخص حتى من الخليج الخميس، 16 ديسمبر 2010 - 11:35 انتوا نسيتوا الضريبة؟ يا افاضل الضريبة السنوية بتاعة العربية دى هية 2% من السعر بحد ادنى 2000 جنيه. يعنى بحسبة بسيطة تعمل حسابك وانت فى المرور بتجدد على 10000 جنيه سنويا

سيدي العزيز العربيه دي زي ما انتا ذكرت هايلوكس مقفوله وهيا ماشيه هنا في الخليج علشان هيا في المناطق الصحراويه تمام ورخيصه جدا مقارنه بالعربيات التانيه اما عن الكماليات فحدث ولا حرج ولا فيها اي كماليات هيا كبينه التويوتا هايلوكس والعفشه عاوزه واحد ظهره مصنوع من الصلب والا هتقسمه نصين بس عندنا في مصر بيحبوا يمثلوا بس هيا استهلاكها للبنزين حتى في السته سلند ممتاز بس كسياره في مصر متنفعش

[meron_mero]

انت جبت منيين ان العفشة زي بتاعت الهايلكس
طول عمر تويوتا مشهورة بالنعومة و انت جاي النهاردة تقول ان عفشتها وحشة يا ريت يكون كلامك دا علي اساس التجربة
و انا متاكد انها عربية ناعمة في عفشتها و مطبتها و هنا بندلها الافضلية عن الرانجلر و اي واحد من عشاق ال4*4 اكيد هيفضل التويوتا علشانها هتريحو اكيد
اما بالنسبة للبنزين انا متاكد ان تويوتا استهلاكها مثالي جدا ف البنزين و دا ( ا ) (ب) اي واحد بيفهم في العربيات يقول علي تيوتا كدا
يا ريت تراجع معلوماتك و تدخل علي مصادر تانية

[mhamdy75]

هى أصلا شكلها صعب جداً

[borio1704]

المشاركة الأصلية كتبت بواسطة 7uda التيوتا دي عربيات زبااااله و تفتقر الى السلامه و التكنولوجيا و كل حاجه و مع ذللك لسا بيبلونا بيها و الديل انها زباله ان الشركة سنويا بتسحب من السوق اكترمن 2 مليون عربيه على مدار خمس سنين وصلت انهم السنه دي سحبوا اكتر من 7 مليون عربيه لعيوب هاييييفه جدا و التي هي تنزيل الزجاج بالكهرباء فيه مشكله ولكنها تؤدي الى احتراق السيارة بالكامل

واضح من كلامك إنك ما عندكش خبرة في العربيات

على العموم... حقوللك على بعض معلومات بسيطة يعرفها أي حد له خبرة في السيارات لو متابع أخبار السيارات على مستوى العالم

* تويوتا أكبر مصنعي السيارات في العالم... إنتاجها في عام 2011 وصل أكتر من 9 مليون سيارة، وهي أكثر العلامات التجارية انتشارا في العالم بلا منازع، وسيارتها كورولا هي أكثر سيارة بيعت حول العالم منذ بداية إنتاجها في الستينات (أكثر من 25 مليون سيارة حتى الآن من كورولا فقط)

* تويوتا أكثر صانعي العالم حصولا على جوائز الجودة العالمية... وادخل على موقع مؤسسة JD Power عشان تشوف بنفسك

* تويوتا أول شركة في العالم يتم تسمية نظام العمل بها باسمها وتحاول كل شركات العالم تقليد طريقة عملها... ابحث في النت عن ما يسمى (Toyota Production System) أو نظام إنتاج تويوتا

* تويوتا سيارتها معروفة على مستوى العالم بمدى اعتماديتها وأنها سيارة بلا أعطال تقريبا

* تويوتا لديها تشكيلة موديلات من أكبر تشكيلات الموديلات في العالم، منها ما هو مخصص للسوق اليابانية فقط، ومنها ما هو مخصص للسوق الأمريكية فقط، ومنها ما هو مخصص للأسواق المتواضعة مثل سوقنا المصري .. ادخل على موقع تويوتا الياباني Toyota.jp أو موقع تويوتا الأمريكي Toyota.com لتعرف ما هي تويوتا

* تويوتا ليست شركة... وإنما مجموعة متكاملة من الشركات Toyota Motor Corporation، ويوجد تحتها حاليا (بالإضافة إلى شركة سيارات تويوتا) ] لـكـزس، دايهاتسو، سوبارو، هينو

* لـكـزس (إحدى شركات تويوتا) حاليا تعتبر من أرقى سيارات العالم، وسياراتها تنافس بقوة أمام مرسيدس وبي إم دبليو وأودي، وتتفوق عليهم في كثير من الأسواق العالمية على مستوى الجودة والاعتمادية والرفاهية والتكنولوجيا... ادخل على Lexus.com لتتعرف على ما هي لكزس

أقول تاني ولا كفاية؟؟؟؟



...