سيارتي اللانوس محاصرة بوسط القاهرة

[hazem_khidr]

ربنا يكون في عونك
هو الغلطه غلطه اللي راكن صف تاني دا مش عارف يعني هو بيفكر ازاي

[Bahi]

سبحان الله ... يظهر دة بأة الشئ العادى. امبارح بالليل خرجت من المكتب فى حدود الساعة 8 م ورحت آخد عربيتى اللى راكنها فى أوائل شارع شهاب من عند شارع وادى النيل (عند أندريا) لقيت نفس اللى بتقول علية و سنة زيادة أن العربية اللى راكنة جنبك أدامها ووراها عربيتين كمان وكلهم معشقين. أعدت الف على ترابيزات أندريا وعيادات الدكاترة والبوابين والمنادية لغاية لما لقيت بواب معاة مفتاح عربية من اللى أفلين عليا وعرفت أخرج علسان أروح بيتنا!!!

[يسري أبو الخير]

المشاركة الأصلية كتبت بواسطة Injection حاجة مستفزة بجد, بس العربية اللى راكنة صف تانى فيها سواق , فا بهدى لكل مصرى الفيديو ده http://www.youtube.com/watch?v=MF8RG...eature=related

و الله يا إنجكشن .. كان ممكن احاو ل اعمل زي اللي حصل بالفيديو اللي أنت أرفقته بمشاركتك ..لكن المشكلة في السيارة البورش اللي قدامي مينفعش تخبط فيها .. و كنت خلاص بعد ساعة تقريبا .. قررت اسيبها مكانها و أرجع للبيت بالمترو .. لكن صاحب السيارة البورش طلع من تحت الأرض .. طلعني و ركن مكانه تاني ..

تحياتي للجميع

[Toyota Corolla]

ده فعلا موقف سخيف جدا و أقصى حاجة حصلتلى ن قدام و ورا القدام كانوا يجى سبع عربيات لازقين فى بعض و من ورا كانوا ثلاثة بس فا جبت مرشيدير و رجعت فلمست العربية اللى ورا فا زودت بنزين بالتدريج لغاية ما الماتور صوتوا على و بصيت فى المراية لاقيت الكصدام زى ما يكون اتطبق لجوا بس المهم التلت عربيات كانوا معشقين و اتزقوا بعد كده طلعت وبعد ما طلعت نزلت بصيت على الكصدام لقيتوا زى ما هوا ماحصلوش اى حاجة من كتر ما هو مرن

[يسري أبو الخير]

المشاركة الأصلية كتبت بواسطة hazem_khidr ربنا يكون في عونك هو الغلطه غلطه اللي راكن صف تاني دا مش عارف يعني هو بيفكر ازاي

يا حازم يا خويا .. اللي راكن صف تاني ده مقدور عليه لأنه في وسط البلد .. و اكيد بيجب حاجة بسرعة وراجع .. ميقدرش يقف كتير .. الونش يسحبه .. لكن الحكاية .. في الحصار بالأكصدامات أمامي و خلفي .. و استحالة تعرف تطلع من الركنه دي .