صور من بلدي - الأقصر

[TELEBK]

المشاركة الأصلية كتبت بواسطة احمد بدر1978 عضمة اية اللى كبرت انت استنانا فى الاقصر وربنا يسهل ونوصلك

لاياعم رجلي علي رجلكو ، المهم حتدفعوا ليه كام ، ولا حنقضيها بلوشي " سندوشتات " ، علي العموم عينيه ليكو .
د / خالد

[eng.ramy]

ما شاء الله الصورة روعه
انا رحت الأقصر و أسوان من 5 سنين و بصراحة كده جو تاني خالص
ربنا يحفظ بلاد المسلمين

[TELEBK]

المشاركة الأصلية كتبت بواسطة eng.ramy ما شاء الله الصورة روعه انا رحت الأقصر و أسوان من 5 سنين و بصراحة كده جو تاني خالص ربنا يحفظ بلاد المسلمين

شكرا علي المجاملة الرقيقة ، وصدقني والله بلدنا فيها أماكن كتير جميلة جدا ، إحنا مابنعرفهاش ، المشكلة إن الأجانب بيبقوا عرفينها وبيشوفوها ، وإحنا إصحاب البلد معندناش فكرة عنها ، فياريت ننمي جوانا حب الإنتماء للبلد ، والأماكن الجميلة بتاعتها ، وإللي مايقدرش يسافر ـ يتعرف عليها في المحافظة بتاعته ، وخصوصا إن مصر كلها تراث وكانت مهد للحضارات السماوية والتاريخية ، فياريت نشوفها بعين فنان ومصري أصيل ، وأقربها ياريت نروح المتحف المصري في ميدان التحرير ، ونشوف عظمة الفن المصري القديم .
د / خالد

[AbOnOrA]

ايه الجمال ده كله يا فنان الصور تحفه وشكلنا هندبسك كمان فى كورس لمبادئ التصوير الاحترافى وانا اول واحد هيشترك فى الكورس ده ويكون لى شرف التعلم على ايدك طبعاً

اما بخصوص رحلة الجمال ديه فاعزرونى علشان انا الديسك شادد عليا حبتين بس عامة اسبقونى انتو وانا كااااى وراكو



بجد بقى انا بحلم ان تعدى السنة على مصر موتورز ويكون فيها 4 - 5 رحلات على الاقل زى نادى السيارات المصرى زمان نلف كل مصر طول السنة فى الصيف نطلع مدن القناة والثغر والساحل لحد مطروح وفى الشتاء نطلع الغردقة لحد اسوان والاقصر

[TELEBK]

المشاركة الأصلية كتبت بواسطة AboNoRa ايه الجمال ده كله يا فنان الصور تحفه وشكلنا هندبسك كمان فى كورس لمبادئ التصوير الاحترافى وانا اول واحد هيشترك فى الكورس ده ويكون لى شرف التعلم على ايدك طبعاً اما بخصوص رحلة الجمال ديه فاعزرونى علشان انا الديسك شادد عليا حبتين بس عامة اسبقونى انتو وانا كااااى وراكو بجد بقى انا بحلم ان تعدى السنة على مصر موتورز ويكون فيها 4 - 5 رحلات على الاقل زى نادى السيارات المصرى زمان نلف كل مصر طول السنة فى الصيف نطلع مدن القناة والثغر والساحل لحد مطروح وفى الشتاء نطلع الغردقة لحد اسوان والاقصر

الشرف ليه أنا يا أبو نورا ده إنت الهندسة كلها ، أنا مصور فوق ال 250 صورة للأقصر ومعالمها السياحية ، ونفسي العالم كله يشوف جمال بلدنا ، ويحس بقيمتها وخصوصا ولادها ، علشان ربنا سبحانه وتعالي حباها بجمال مش موجود في أي مكان تاني في الدنيا ، بس محتاج حد يوريه لينا ، ومفيش صدقني أصدق من الكاميرا وصورتها وخصوصا لمابتكون في إيد شخص لماح ومحترف في رؤيته للمكان واللقطة ، ويشرفني أجاوب علي أي إستفسار خاص بالتصوير في مجال معرفتي ، أنا ممكن أفيدكم في جمال اللقطة والكادر الجميل .
وبالنسبة لموضوع الرحلات ديه فأنا رأيي إن إحنا نقسمها علي قسمين ، أولا : رحلات ترفيهيه زي الأماكن السياحية " إسكندرية ، بورسعيد ....الخ " ، ثانيا : رحلات ثقافية زي الأماكن الأثرية " المتاحف والمعارض ....الخ " ، وديه ممكن أفيدكم فيه أوي لإنه ده مجال دراستي الفنية ، وتدريسي في الكلية ، ويسعدني أقدم أي مساعده ومعلومة لأعضاء المنتدي الكرام ، وده بأعتبره " زكاه العلم " .
د/ خالد