نيسان صني الشكل الجديد ... ضروووري

[بنت مصرية]

شكراً يا جماعة على ردودكوا. ان شاء الله هنستنى لما تنزل رسمي عشان كمان السعر كل معرض بيقول حاجه ومش عارفة الفرق هيبقى قد ايه.

والدي مش فارق معاه الشكل أوي أهم حاجة أداء العربية وعاجبه انها أوسع من جوه. أنا لسه مشفتهاش بس الصور اللي شفتها على النت شايفاها كويسة. مش عارفة مش عاجباكوا ليه؟ ان شاء الله أشوفها على الحقيقة و أقولكوا رأيي. وياريت أي حد يشوفها أو يعرف سعرها أو أي معلومة يقولي بقى.

جزاكم الله خيراً.

[عبد الله الناصح]

نفس الحيرة ياريت تفيدونا أول بأول...

[zmzm0000]

يا جماعه لاحيره ولا غيره الشكل الجديد زي الزفت وكمان 1500 دي حيبقي ادائها ايه ؟؟؟؟؟؟؟؟؟؟؟؟؟
وكمان اغلي ؟؟؟؟؟
اما الصبر شويه لما تنزل ونشوف اراء اللي جربوها وملكوها وده مش اقل من 6 شهور او انك تجيب الشكل القديم اضمن وفي حاله اثبات ال2012 نفسها وتطلع حلوه ممكن تغير للشكل الجديد طالما انت محافظ علي عربيتك حتسيب من تمنها 5 او7 الالف جنيه وتغير للشكل الجديد والخساره القريبه ولا المكسب البعيد

http://masrmotors.com/vb/showthread.php?t=78742&page=5

[sayed aly]

العربية زى الفل وشكلها حلو قوى وسعرها هيكون 103 الف بس الصور اللى على النت دية صور الهاى لاين الموجودة فى الخليج وهى مكسرة الدنيا هناك من 6 شهور والشكل القديم دة استايل قديم قوى وهى فعلا فى السوق من 15 يونيو وعلى فكرة انا حجزتها امبارح

[بنت مصرية]

يا جماعة أنا رحت شفت العربية انهاردة و عجبتني جداً. شكلها جميل وواسعة جداً يعني بالنسبة للشكل مفيش مقارنة بينها وبين القديم.
السعر هيبقى من 100 ألف ل 105 وده مش أغلى كتير عن الأوتوماتيك اللي كنت هجيبها
الأداء بقى محدش يعرف وموضوع 1500 cc ده مش فارق قوي.
أنا شايفة انها أفضل و شكلنا هنحجز الجديدة بكرة ان شاء الله