عاوز اضبط زوايا

[michaelmic]

السلام عليكم
الميكانيكى بيكشف على العربية قلى عندك تيش الاسكاترا عاوز يتغبر علشان العربية بتدب منك فى المطبات
المهم غيرة و جبته ب 120 ج و الميكانيكى اخد مصنعية 30 ج
و بعد قلى لازم تروح تظبط زوايا علشان العربية خلفت
المهم انا ركبت العربية بصراحة مش حاسس باى فرق خالص دة غير موضوع ضبط الزوايا دة علشان العربية بترمى يمين قووووى
كنت عاوز حد كويس بتاع زوايا فى القاهرة و للمعلومة انا من شبرا
و عاوز اعرف ايه رايكم فى اللى عملته دة ؟

[mr_astra]

درش بتاع الزوايا خلف حديقة بدر - جسر السويس
وهو اخ فاضل معانا هنا فى المنتدى

[samirsaid1]

انى كمان عاوز اظبط زوايا

وبما انك هيونداوى زى حلاتى وموديل 2007 زى هاقولك على اللى انا فكرت فية وهاعمله لنفسى

ظبط الزوايا ممكن يتكلف من 20 الى 50 جنية حسب نظافة المحل وطريقة الظبط

فانا هاروح التوكيل واظبط هناك وافتكر ان حد قالى ب 70 جنية

وهما يكشفوا على العفشة كلها ولو فيها عيب هايقولولك علية وهما اضمن بصراحة

وبعدين انت جنب غبور قليوب مش بعيد

دة مجرد راى بفكر فية

[michaelmic]

المشاركة الأصلية كتبت بواسطة samirsaid1 انى كمان عاوز اظبط زوايا وبما انك هيونداوى زى حلاتى وموديل 2007 زى هاقولك على اللى انا فكرت فية وهاعمله لنفسى ظبط الزوايا ممكن يتكلف من 20 الى 50 جنية حسب نظافة المحل وطريقة الظبط فانا هاروح التوكيل واظبط هناك وافتكر ان حد قالى ب 70 جنية وهما يكشفوا على العفشة كلها ولو فيها عيب هايقولولك علية وهما اضمن بصراحة وبعدين انت جنب غبور قليوب مش بعيد دة مجرد راى بفكر فية

بص يا باشا تجربتى مع التوكيل بتاع قليوب مش كويسة هما حافظين مش فاهمين و زحمة قووووى
طيب لسة من 10 دقايق واحدة صحبى مكلمنى بيقولى ان مروحة كومبرسور التكييف بتاعته اتحرقت قلولته تتغير ب 3000 ك و عربيته النترا 2008 بعد ما دفع كشف 120 ج و قله حرام دة كتيير قوى قلوله لو علقت ابقى افتح درج التبلوه و خبط عليها هتشتغل قام واخد بتاع الصيانة و اداله 100 ج قام قله هاته من بره استيراد ب 300 ج و ركبه بره عند اى حد
فارايى ان التوكيل دة اشتغالات

[samirsaid1]

المشاركة الأصلية كتبت بواسطة michaelmic بص يا باشا تجربتى مع التوكيل بتاع قليوب مش كويسة هما حافظين مش فاهمين و زحمة قووووى طيب لسة من 10 دقايق واحدة صحبى مكلمنى بيقولى ان مروحة كومبرسور التكييف بتاعته اتحرقت قلولته تتغير ب 3000 ك و عربيته النترا 2008 بعد ما دفع كشف 120 ج و قله حرام دة كتيير قوى قلوله لو علقت ابقى افتح درج التبلوه و خبط عليها هتشتغل قام واخد بتاع الصيانة و اداله 100 ج قام قله هاته من بره استيراد ب 300 ج و ركبه بره عند اى حد فارايى ان التوكيل دة اشتغالات

,انا مش مختلف معاك بس لما تكون قطعة عاوزة تتغير فعلا اسعارها بتبقى نفخخخخخخخخ

لكن حضرتك هاتظبط زوايا بس وهايشوفلك العيوب ايه وهايقولك عليها واعملها برة هو دة الهدف من كلامى