لوجان ولا اسبيرانزا m11 بعد اذنكو ضروري جدا..

[ashraf mahmoud]

من الاخر لو مش عندك عقدة من الصينى هاتها انا كنت راكب مع سواق تاكس وكانت العربية اوبترا واحنا ماشين لقيت الفتيس بيفوت النقل يعنى يبقى ع التانى يمور لوحدة ودى عربية ب90 الف طبعا لو حصل ف الصينى هيقولك مهيا صينى لو لو ف اوبترا هيقولك بتحصل عادى وقولتلة انتا مصلحتوش ليه قالى انا لسه مصلحة الاسبوع اللى فات وباظ تانى ومش عارف اعمل ايه والجديد غالى اوى عليا انا بصراحة ساعتها زعلتلة دى لو معايا وجايب عربية ب 90 او 100 الف ويحصل فيها كدا حرام يعنى فشوف وقرر وكل العربيات بيحصلها مشاكل ياريت اكون افدتك متأسف للاطالة

[kimosa3d]

العربيه اسبرنزا عربية كويسة و خلينا نفتكر اول الكوري ما نزل السوق في التسعينات الناس مكنتش عارفة عنه حاجة و كان الكل بيفتي و يقول كوري ايه و بتاع ايه الاوروربي و الياباني أحسن 100 مرة مفيش خلاف على جودة الاوروبي او الياباني بس العربيات الكوري اثبتت جودتها يوم عن يوم , نرجع بقى للصيني انا بصراحة معايا m12 العربية بسم الله ما شاء الله كويسة جداً و ثبات حلو جداً و شكل جميل جداً و امكانيات جميلة جداً و سعرها كويس بس حيشد و حيعلى زي الدايو اول مانزلت حد فاكر كانت بكام , و سعرها زاد اذاي و دلوقتي الناس بتدور عليها اذاي , و يا اريت محدش يقولي ان اللوجان فرنسي اللوجان ما هي الا دتشيا خط الانتاج روماني و التجميع مغربي و لا يوجد بها ما هو فرنسي غير العلامة و يا ريت تشوفوا الناس بتشتكيي منها اذاي و من اسعار قطع الغيار ازاي , في الاخر مقياس جودة السيارات في مصر غريب جداً يعني و فقاً للمبدأ السائد حتلاقي في الاخر أن فيات 128 احسن من الـ BMW عشان قطع الغيار رخيصة و متوافرة و اي حد يشتغل فيها , شوف انت نفسك مرتاحة لأي عربية و في الاخر راعي العربية تراعيك و هين العربية تهينك . اتوكل على الله و اشتري المرتاح لها نفسياً

[eslam75]

المشاركة الأصلية كتبت بواسطة kimosa3d العربيه اسبرنزا عربية كويسة و خلينا نفتكر اول الكوري ما نزل السوق في التسعينات الناس مكنتش عارفة عنه حاجة و كان الكل بيفتي و يقول كوري ايه و بتاع ايه الاوروربي و الياباني أحسن 100 مرة مفيش خلاف على جودة الاوروبي او الياباني بس العربيات الكوري اثبتت جودتها يوم عن يوم , نرجع بقى للصيني انا بصراحة معايا m12 العربية بسم الله ما شاء الله كويسة جداً و ثبات حلو جداً و شكل جميل جداً و امكانيات جميلة جداً و سعرها كويس بس حيشد و حيعلى زي الدايو اول مانزلت حد فاكر كانت بكام , و سعرها زاد اذاي و دلوقتي الناس بتدور عليها اذاي , و يا اريت محدش يقولي ان اللوجان فرنسي اللوجان ما هي الا دتشيا خط الانتاج روماني و التجميع مغربي و لا يوجد بها ما هو فرنسي غير العلامة و يا ريت تشوفوا الناس بتشتكيي منها اذاي و من اسعار قطع الغيار ازاي , في الاخر مقياس جودة السيارات في مصر غريب جداً يعني و فقاً للمبدأ السائد حتلاقي في الاخر أن فيات 128 احسن من الـ BMW عشان قطع الغيار رخيصة و متوافرة و اي حد يشتغل فيها , شوف انت نفسك مرتاحة لأي عربية و في الاخر راعي العربية تراعيك و هين العربية تهينك . اتوكل على الله و اشتري المرتاح لها نفسياً

كلام صح ميه الميه بس الموضوع مسأله وقت وهتلاقي الشعب كله راكب اسبرانزا بس يحسنوا عيوب التقفيل العربيات دي واتفرج عليها

[mahshahin]

انت بتفكرني بنفسي لما كنت بشتري كانت نفس المقارنة .... وفي الأخر الحمد الله جبت BYD F3 وبسم الله ماشاء الله زي الفل معايا بقالها حوالي سنة

بالنسبة بقى لموضوع اللوجان ياريت تشيلها من حساباتك خااااااااااااااالص وسيبك من اللي يقولك رينو وفرنسي والشو الاعلامي دة

* تصميم قديم جدا خصوصا من مقدمة العربية
* موتور تكنولوجيا قديمة 8 صباب سمعت ان الموديلات الجديدة بقت 16 الله اعلام
* صاج ضعيف جدا جدا
* أسعار قطع الغيار نار نار نار نار ولو مش مصدق أسئل التوكيل ( اسئل عن سعر الطاسات بتاعت الكاوتش وانت مش هاتكمل المكالمة
* الصالون من جوة واسع اه لكن فقيييييييير جدا جدا واماكن الزراير تجيب الشلل خصوصا الكلاكس
* لو اديت اشارة لمبة الاشارة في التبلوة بتنور الاتجاهين مع بعض ( زي الـ 128 )
* مفيش مفتاح للشنطة ولا التانك داخل العربية لازم تفتحهوم بالمفتاح

انا نفسي افهم اللي بيقنعك بيها بيقنعك بناءاُ على ايه انها رينو لاء مش رينو دي داتشيا ... انها فرنساوي لا مغربي
وعشان تقتنع بكلامي يكفيك زيارة واحدة لاى معرض وتتفرج وهاتشيلها من حسابتك نهائي
انا كنت زيك بعد ماشفتها على الطبيعة أقتنعت انها تعبانه جدا جدا
وفي الاخر ليك حرية الاختيار ... وربنا يوفقك في الشراء تحياتي

[sherifabden]

* تصميم قديم جدا خصوصا من مقدمة العربية مش عيب كبير يعني * موتور تكنولوجيا قديمة 8 صباب سمعت ان الموديلات الجديدة بقت 16 الله اعلام اه الاوتو منها 16صباب والمانيوال 8 صباب والحكاية دي مفيدة جدا لاستهلاك البينزين على فكرة * صاج ضعيف جدا جدا : hehehe: على اساس ان البي واي دي صاجها ناشف وعلى فكرة انا اول مرة اسمع واحد بيشتكي من الحكاية دي وعمري ما سمعت واحد من ملاك اللوجان بيشتكي منها * أسعار قطع الغيار نار نار نار نار ولو مش مصدق أسئل التوكيل ( اسئل عن سعر الطاسات بتاعت الكاوتش وانت مش هاتكمل المكالمة بس متوفرة بره التوكيل على فكرة * الصالون من جوة واسع اه لكن فقيييييييير جدا جدا واماكن الزراير تجيب الشلل خصوصا الكلاكس هههههههه يبقا الصالون ساعتها تجوز عليه الصدقة والزكاة يعني هوا فيه عربية سعرها 70 الف صالونها غني اماكن الازرار غريبة صح انما مع الوقت هتتعود عليها واسال ملاك اللوجان * لو اديت اشارة لمبة الاشارة في التبلوة بتنور الاتجاهين مع بعض ( زي الـ 128 ) طول ما العربية من بره ادت اشارة يبقا مش مشكلة * مفيش مفتاح للشنطة ولا التانك داخل العربية لازم تفتحهوم بالمفتاح على فكرة دي مش مشكلة هقولك ليه دلوقتي انتا لو نازل تجيب حاجة من الشنطة انتا كده كده مفتاح الشنطة قدامك يعني مش فارقة ونفس الموضوع للبنزين انا نفسي افهم اللي بيقنعك بيها بيقنعك بناءاُ على ايه انها رينو لاء مش رينو دي داتشيا ... انها فرنساوي لا مغربي بنقنعه بيها على اساس انها اعتمادية معمرة قوية عالية عن الارض مش عربية تقعد 3 او 4 سنين وبعد كده تترمي في الزبالة انتا فاهمني كويس وعشان تقتنع بكلامي يكفيك زيارة واحدة لاى معرض وتتفرج وهاتشيلها من حسابتك نهائي انا كنت زيك بعد ماشفتها على الطبيعة أقتنعت انها تعبانه جدا جدا

والله مش تعبانة ولا حاجة شوف ملاك اللوجان بيقولوا عليها ايه واتكلم براحتك مش تجيب كلام من دماغك وتأليفك وكوميدي في نفس الوقت