حد يفيدني ارجوكم

[dido009]

انا عندي سيينا موديل 2000 وكنت ماشي علي مطلع والعربيه كان فيها حموله وفجاه لقيت لمبه حمرا نورت في التابلوه ناحيه عداد البنزين واللمبه دي عباره عن فيشه وخارج منها نقط زي مايكون رشاشات ميه وفجاه العربيه مابقتش تسحب علي الاول خالص وبسمع صوت تكتكه في الماتور ولو شلت رجليه من علي الدبرياج واحد واحد بحس انها هاتبطل وبسمع صوت من الماتور انه لما تجون جايب غيار 3 ووبتطلع بيه والعربيه واقفه
لما مشيت بيها شويه شميت ريحه شياط وطلع من العربيه دخان و ريحه بنزين ني وبصيت علي الشكمان لقيته لما بدوس بنزين علي الاخر والعربيه واقفه بيطلع زي دخان اسود مش عارف بقي ده ديسك واسطوانه ولا عيب بوجيهات ولا دوره بنزين ولا الرشاشات ولا طرمبه بنزين ياريت حد يقولي ارجوكم........... .
سؤال اخير لو حد عرف اللمبه اللي نورت دي معناها ايه ياريت يقولي
شكرا وكل سنه وانتم طيبين.

[bobbozo4b]

المشاركة الأصلية كتبت بواسطة dido009 انا عندي سيينا موديل 2000 وكنت ماشي علي مطلع والعربيه كان فيها حموله وفجاه لقيت لمبه حمرا نورت في التابلوه ناحيه عداد البنزين واللمبه دي عباره عن فيشه وخارج منها نقط زي مايكون رشاشات ميه وفجاه العربيه مابقتش تسحب علي الاول خالص وبسمع صوت تكتكه في الماتور ولو شلت رجليه من علي الدبرياج واحد واحد بحس انها هاتبطل وبسمع صوت من الماتور انه لما تجون جايب غيار 3 ووبتطلع بيه والعربيه واقفه لما مشيت بيها شويه شميت ريحه شياط وطلع من العربيه دخان و ريحه بنزين ني وبصيت علي الشكمان لقيته لما بدوس بنزين علي الاخر والعربيه واقفه بيطلع زي دخان اسود مش عارف بقي ده ديسك واسطوانه ولا عيب بوجيهات ولا دوره بنزين ولا الرشاشات ولا طرمبه بنزين ياريت حد يقولي ارجوكم........... . سؤال اخير لو حد عرف اللمبه اللي نورت دي معناها ايه ياريت يقولي شكرا وكل سنه وانتم طيبين.

اللمبه ده هى لمبة الكمبيوتر او الكونترول يونت
وهى بتنور عند فتح الكونتاك لمدة 5 ثوانى ومعناها ان الكمبيوتر بيشيك على الحساسات اللى فى العربية ولما بتطفى معناها ان الحساسات سليمه
معنى انها تنور على طول ان فى مشكلة فى حساس من الحساسات ولازم يتعمل كشف كمبيوتر عليها لتحديد العطل فين

[abdelhameed]

اللمبة دى اسمها تشيك انجين check engine وهى بتنور يشكل متواصل لما يكون فى مشكلة فى الماستر كنترول فى العربية . نصيحتى لازم تروح للتوكيل فى اقرب وقت عشان ميحصلش مشاكل اكبر

[dido009]

المشاركة الأصلية كتبت بواسطة abdelhameed اللمبة دى اسمها تشيك انجين check engine وهى بتنور يشكل متواصل لما يكون فى مشكلة فى الماستر كنترول فى العربية . نصيحتى لازم تروح للتوكيل فى اقرب وقت عشان ميحصلش مشاكل اكبر

طيب انا نزلت دورت العربيه لقيت اللمبه طفت زمابقتش تنور تاني هي بتنور اول مافتح الكونتاكت ولمده خمس ثواني بعد كده بتتطفي
وشكرا علي ردك يا غالي