بكرات التكيف

[tham1010]

يا جماعة انا عندى ماتركس والتكيف كويس ولكن مش عارف حاجة وعاوز اسال عتها.

التكيف موجود فيه 3 بكرات. من الشمال لليمين هم
1- بكرة لإتجاة الهواء
2- بكرة لسرعة التبريد من 1 وحتى 4
3- بكرة لإختيار نوع التكيف ( ساخن أو بارد)

فى حاجة أنا مش عارفها وعاوز أسال عنها
البكرة الثالثة اللى بتكون ناحية السواق مكتوب عليها من النص حرفين AC أنا عاوز أعرف لما بأضغط عليها فى لمبة خضراء فى النصف بتنور وأسمع صوت زى ما يكون فى ما تور بيشتغل أو احاجة كدة. لما مش بضغط على البكرة ومش تكون اللمبة منورة بيكون صوت العربية يكاد يكون مش مسموع والحمل على العربية بيكون أخف. فى كلا الحالتين العربية بطلع هواء بارد جيد سواء بالضغط على البكرة الثالثة أو بدون الضغط

عاوز أعرف فائدة اضغط على البكرة الثالية اللى بتكون ناحية رجل السائق. بتعمل أيه الضغطة دى ولماذا صوت العربية بيرتفع رغم انى ممكن مش اكون ماشى بسرعة او حتى واقف على السلنسية؟؟


هرفق صورة للتوضيح....

[د0تامر محمد]

هذه الضغطة لتشغيل التكييف
بمعنى أنه تضغط عليها فتنور بكده يكون التكييف شغال وفى هذه الحالة يكون هناك حمل على الموتور طبيعى جدا أما فى حالة عدم إضاءة اللمبة والهواء الخارج بيكون من المروحة وطبيعى تكون السيارة على حالها بدون تأثر

[memodina1]

فى جميع العربيات هتلاقى الكلام اللى بتقول علية والزرار دا بتاع تشغيل التكييف وعندى فى الفيرنا نفس الكلام الزرار جمب رجلى ودا لازم تدوس علية عشان التكييف يشتغل بشرط تكون العربية مدورة وشغالة غير كدة اللمبة هتنور على الفاضى يعنى لو العربية فاتح كونتاك بس مش مدور الموتور هتلاقى اللمبة منور بس التكييف مش شغال واول ما تشغل العربية التكييف هيشتغل تلقائى
فى الحالتين بيكون الهواء بارد
لاة طبعا التككيف حاجة والمروخة حاجة تانى خالص
الحمل بيكون اكتر على الموتور وصوتة بيعلى
دا اكيد طبعا فى اى عربية كدا اما حكاية الصوت بيعلى فدا مش من الموتور لاة الموتور بيعلى شوية لكن الصوت كلة بيكون من المروحتين الاماميتين اللى ورا الريداتير بيكونوا لما التكييف بيشتغل سراع جدا اعلى سرعة ليهم لدرجة انك بتسمع صوتهم عالى جدا ودا طبيعى عشان التبريد للماتور وللعلم هتلاقى الموتور بيتهز سنة بسيطة عما يكون التكييف فاصل ارجوا انى اكون وضحت واى خدمة انا موجود

[tham1010]

المشاركة الأصلية كتبت بواسطة د0تامر محمد هذه الضغطة لتشغيل التكييف بمعنى أنه تضغط عليها فتنور بكده يكون التكييف شغال وفى هذه الحالة يكون هناك حمل على الموتور طبيعى جدا أما فى حالة عدم إضاءة اللمبة والهواء الخارج بيكون من المروحة وطبيعى تكون السيارة على حالها بدون تأثر

متشكر جدا د / تامر. إذا العربية بيكون فيها مروحة عادية وكمان تكيف.

المشاركة الأصلية كتبت بواسطة memodina1 فى جميع العربيات هتلاقى الكلام اللى بتقول علية والزرار دا بتاع تشغيل التكييف وعندى فى الفيرنا نفس الكلام الزرار جمب رجلى ودا لازم تدوس علية عشان التكييف يشتغل بشرط تكون العربية مدورة وشغالة غير كدة اللمبة هتنور على الفاضى يعنى لو العربية فاتح كونتاك بس مش مدور الموتور هتلاقى اللمبة منور بس التكييف مش شغال واول ما تشغل العربية التكييف هيشتغل تلقائى فى الحالتين بيكون الهواء بارد لاة طبعا التككيف حاجة والمروخة حاجة تانى خالص الحمل بيكون اكتر على الموتور وصوتة بيعلى دا اكيد طبعا فى اى عربية كدا اما حكاية الصوت بيعلى فدا مش من الموتور لاة الموتور بيعلى شوية لكن الصوت كلة بيكون من المروحتين الاماميتين اللى ورا الريداتير بيكونوا لما التكييف بيشتغل سراع جدا اعلى سرعة ليهم لدرجة انك بتسمع صوتهم عالى جدا ودا طبيعى عشان التبريد للماتور وللعلم هتلاقى الموتور بيتهز سنة بسيطة عما يكون التكييف فاصل ارجوا انى اكون وضحت واى خدمة انا موجود

الغريبة أن الهواء الخارج من المروحة بس والتكيف زى بعض يعنى منعش وبارد. يمكن التكيف بيكون أبرد ولكن الحقيقة أنا لما لقيت الصوت بيعلى وفى هزة خفيفة فى الماتور زى ما حضرتك قلت سكته وخليت المروحة بس.

فى سؤال أخير أرجو الرد علية. لما اكون مش مولع التكيف من خلال الضغط على البكرة اللى فى الشمال هل لو أتكيت على البكرة اللى فى اليمين علشان العربية تاخد هواء من جوة العربية وتبردة ودخلة تنى هل هذا بيعمل حاجة. زى ما أنت عرفين أن البكرة اللى فى اليمين اللى بيكون مرسوم عليها إتجاه خروج الهواء ( ناحية الوجة أو القدم أو الإثنين معا) عن الضغط عليها بتولع لمبة خضراء.، وزى ما عرفت أنا هذا بياخد هواء من الكابينة ويبرد ويدخل تانى الكابينة بدون الدخول للهواءمن الخارج. هل لو عملت كدة بدون توليع التكيف من البكرة الثالية هل هذا يعمل حاجة أم إن تشغل البكرة الثالثة من اليمين مرتبط بتشغل التكيف من البكرة يجانب كرسى السواق.... أرجو أن أكون واضح....

[memodina1]

بص ريح بالك مفيش اى حاجة تعمل اى مشكلة سواء عملت اى اتجاة انت عايزة بس فى مخارج معينى لابد تحويل العربية منها للهواء من الخارج
لكن عموما غير كدة مفيش مشكلة عادى جدا\