انا محتاااار....ساعدوني لوسمحتو

[aymanlaw]

المشاركة الأصلية كتبت بواسطة corsair نصيحة خليك في الزيرو وابعد عن الصيني اضمن متعرفش حظك هيطلع عامل ازاي فيها لانها عامله زي البطيخة يا قرعه يا حمرا وغالبا بتكون قرعه في ناس كتير جدا تجيبها وتشتكي منها وتلعن سلسفينها وناس تشتريها تشكر فيها ومتشتكيش منها ابدا وهاتلك حاجه زيرو تبقي انتا اول واحد تركبها عندك الفيرنا عربية شبابي من الاخر سحب وقوة ماتور من الاخر

الأختلاف فى الرأى لايفسد للود قضية...
أخى السائل المحتار ,اذا جبت الفرنا ,فأعتقد انك مجربها على الأقل لأنها تاكسى ,بمعنى إنها عربيه عادية جداً مفيهاش اى شىء جديد يجعلك تشعر بأنك متميز او راكب على الأقل موديل 2011 كما انها كل ماتتميز به هو انتشارها ,وهذا ليس لجودتها ولكن مره أخرى لأنتشارها وحرص الوكيل على توفير خدمة مابعد البيع ,ومعرفة الميكانيكية كل شىء عنها وذلك لأنشارها لرخص سعرها وتوفر قطع غيارها وهذا بلنسبه للكورى على مدار سبع سنوات فقط وقبلها كان الكورى مثل الصينى الكل يخاف منه .
صدقنى السيارة الأم 11 اوالأم 12 عندما تقتنيها سوف تشعر بتميز وبأنك بلفعل راكب عربية حديثه كما ان مواتيرها محترمه وناعمه ولاتقل شىء عن الفرنا بل انها بتكنولجيا حديثه ,كما انها سيارات ثابته جداً على الطريق مش زى الفرنا التى تعوم بعد ال100 كيلو وده عن تجربه, وتشعر تماما باالأرض اثناء السير لأن السيارة قريبه من الأرض ,العربيه ضيقه جداًمن الداخل ,الصاج ضعيف جداً ,خامات فقيره جداً جداً من الداخل , عفشه ضعيفه,لن تجد الأوبشن الذى فى الأم بنوعيها موجود فى الفرنا.وفى النهاية لحضرتك حرية الأختيار ,وعلى فكره فى عربية صينى جمده جداً هى الfsv فكر فيها وشوفها على الطبيعه وهى تناسب المبلغ الذى مع سيادتك..وربنا يوفقك

[osa92003]

لاحول ولا قوه الا بالله اول مره فى حياتى اشوف واحد بيسال فى منتدى الصينى يردوا عليه ناس من الكورى هى الناس دى ماشيه ورا الاسبنزا ولا ايه الى الاخ العزيز صاحب السوال انت سالت عن العربيات الصينى اقولك ان العربيه الصينى مش جايه من المريخ دى عربيات فيها كل مواصفات السيارات الحديثه وفيه كل الاوبشن المطلوب واحدث شى كمان وياريت الناس اللى بتتكلم عن الفيرنا يعرفوا اصلا ان مافيش حاجه اسمها فيرنا دى ببتعمل فى الهند بالكامل هندى عارف يعنى ايه هندى واالى موجود فى مصر مصنع فى مصانع الصين واتحدى اللى يقول عكس ده وبعدين انتى بتتكلم على اعاده البيع حضرتك فاكر الدايو اول مانزلت كانت الناس بتقول عليها ايه وكانت بتتباع برخص التراب وفاكر الاكسنت القديمه اللى كانوا بيقولوا عليه عربيه ورق ادخل بس على النت وجيب مقالات قديمه شويه وشوف الغربيات اللى فرحانين بيها دى كان بيتقال عليها ايه ان فى النهايه كل اللى عايز اقول ليك الاتى:
سوق الجمعه مدينه نصر وشوف ياعم العربيات الصينى بتتباع بكام وابقى قولى على الافلام اللى بتتعمل ويقولك العربه باعهها بعد شهرين 32 الف والله عايز اضحك ليه كانت توك توك
الفيرنا اخر انتاج 2012 وبعد كده بخ
اللانوس طبعا انت عارف انها موديل 1998 مواتير عفا عليها الزمن
افتح كابوت العربيات دى وافت كابوت الاسبرنزا M11 وبعدين احكم

[emad7759]

طبعا الكل يعرف انى اكتر واحد شايف المرار وسواد اليل من الام11

بس كل كلامه الواحد بيقولها سيحاسب عليها

الام11 عربيه بجد تتركب وعربيه على الطريق ماشاء لله عليها

واللى يركبها فعلا مش هيعرف يركب غيرها تانى

ومينفعشى انها يتم المقارنه بنها هى والفيرنا خالص

انا بركب الفيرنا بحس انى قاعد فى الارض مش فى عربيه

فياخى لو عايز تجيبها هاتها لان الام11 فيها كملايات اكتر من الام12

والام12 لسه محدش جبها وعمل تقرير عنها ولاكن الام11 انا اول واحد تعبان منها بس ولله العظيم والحمد لله عمرها موقفت بى فى طريق خالص

انا الاسبوع اللى فات كنت بيها فى الساحل الشمالى ولله مقلت سرعتى عن

ال140 ودى لما كنت بهدى بيها ولاكن السرعه اللى كنت ماشى بيها

كانت من 170 الى 190 لحد موصلت والحمد لله والعربيه ثابته بمعنا الثبات فهى فعلا عربيه تتركب مش متتركبشى

وهى جميله فعلا ولاكن منه لله توحه هو اللى نيل سمعه العربيه

بس والحمد لله انه بدا يوفر قطع غيارها عنده وانا الحمد لله تم حل

اكتر من 95 فى الميه من المشاكل اللى عندى

بس نصيحه اللى يشترى يكشف على العربيه كويس جدا ويجرب العربيه كويس قبل الترخيص علاشان لو ظهر فيها حاجه يرجعها تانى وياخد غيرها وربنا على ماقول شهيد

وللاسف اللى كانو هيفدوك اكتر ربنا يرجعهم تانى الى المنتدى من جديدا

[أشرف صبرى]

المشاركة الأصلية كتبت بواسطة shady shado يعني بالزمه الصيني ده اللي بيبيعه مش بيخسر فيه ؟؟؟؟ ازاي ييني دي عربيات زباله وخليك في ال لانسر طبعا ياباني وزي الفل ومش مشكله الموديل سنه كام المهم اللي انتا حاتشتريها منه بيعامل العربيه ازاي وكمان متجيبش عربيه متباعه لكذا حد واكشف في التوكيل علي العربيه احسن من الميكانيكيه

الالفاظ ديه انا مش متعود اسمعها ف المنتدى ده بالذات

[طارق ابوذيد]

المشاركة الأصلية كتبت بواسطة dr tamer naguib طبعا بما ان حضرتك سالت في منتدي الصيني - اكيد هتلاقي معظم الردود هاتشجعك و ده شرف لا ندعيه - ويؤكده ان احنا اشترينا العربيات دي ولكن نقطة الحذر الوحيده هي سهولة وسعر اعادة البيع لو الموضوع ده مهم بالنسبالك يبقي بلاش صيني - لان البيع اصعب والسعر بينزل بالمقارنة بالكوري واليابانى بينما لو جبت لانسر - ممكن تبيعها في نفس اليوم لو حبيت - بس ارجوك خليك حذر جدا لو هاتشتري مستعمل لان النصب علي ودنه

احسنت النصيحه بارك الله فيك