أبشر يا أ. عماد... شبح اسبيرانزا يطارد أبوالفتوح..!

[MmFFoR]

الفكرة كلها في خدمة ما بعد البيع
لو العربية سوري في اللفظ زبالة
لكن تروح بتشتكي من عيب تلاقيى اللي بيفهم و يحله
مش ناس تبلفك و تقعد تجرب فيك زي الواد بلية الميكانيكي!!!
امال اسمه توكيل على ايه!!! دا المفروض اللي جوا التوكيل عارفين كل مسمار في العربية!!! دا حتى العربيات متفقلة في مصر!!! يعني هما اللي مركبين كل مسمار فيها!!!
استغفر الله العظيم

[سيف الدين سعيد]

المشاركة الأصلية كتبت بواسطة AboNoRa المشكلة والمحير فى الموضوع ان ابو الفتوح ده نفسه وابوغالى ووليد توفيق وغيرهم من الشركات اللى عملت للماركات الكورى وجود فى التسعينيات وكان مستوى جودة الكورى فى اعتقادى اياميها مشابه للصينى حالياً لكن قدر مع وكلاء تانيه يغزو السوق بالكورى ويحل مشكلة الجودة بخدمة ما بعد البيع المتميزة اما الواضح دلوقتى ان كلهم اقرب للفشل من النجاح فى تكرار التجربة وتحقيق نفس النجاح مع الصينى ياترى ده عيب فى العربيات الصينى ؟ يعنى الكورى لما نزل مثلاً مكانش فيه الكماليات المعقدة زى دلوقتى وكان اكترة قائم على تكنولوجيا يابانيه ناجحة اياميها وان العربيات الصينى بتعتمد على تقنيات مهجنه وتصميمات غير محترفة بشكل كافى ده ممكن يكون سبب ؟؟ ولا اصحاب التوكيلات نفسهم اصابهم الكسل ومبقاش عندهم نفس الحماس لتكرار التجربة بنفس الجدية والاتقان ؟؟

لأ يا أستاذ وائل . عندنا حاليا موديلات ممتازه واثبتت وجودها رغم سوء الوكلاء زى الإنجلون والجاك والبى واى دى وتليهم الشيرى أو اسبيرانزا زى ما سموها هنا . واعتقد ان العيب فى الوكلاء والإداره السيئه فى التوكيلات ومراكز خدمة ما بعد البيع . ودا اللى كل السيارات بتعانى منه حاليا فى مصر مش بس الماركات الصينى . هوندا وتويوتا وهيونداى سوبارو وفولفو وماركات كتير عالميه ومعروفه .
وما لزماننا عيب سوانا . .

[kimocyc]

المشاركة الأصلية كتبت بواسطة osa92003 ياجماعه ارجو ان نتقى الله يعنى علشان خبر فى 4 رافعين قضيه يبقى مشاكل للعربيه الغ=عربيع بايعه 50000 عربيه لحد دلوقتى وشغاله وبعدين يعنى تويوتا لما سحبت مليون عربيه ولا شيفروليه ولا الشركات الكبيره دى تبقى كل دى عربيات واقعه

خير يا برنس.. اللهم اجعله خير..

هو فيه حد عاب ع السيارة.. او استغفر الله العظيم حد فينا باعها مثلا او مش من ملاكها بالاساس والعياذ بالله ؟؟

اهدى كده.. وتابع الاول قبل ما تتكلم وخلاص..

[kimocyc]

المشاركة الأصلية كتبت بواسطة powerofdream حضرتك فهمت قصدهم غلط خالص ! هما مش قالوا ان العربيات واقعة لان اصلا هما معاهم العربيات دي فيعيبوا في عربياتهم ! كل المشكلة ان معانا هنا اخواتنا واعضاء معاهم عربيات اسبرانزا تعباهم شوية وفيه شوية مشاكل وموجدين معانا في القسم ,وللاسف التوكيل مش قادر يعملهم حاجة او بمعني اصح مش بيعمل حاجة لان اسبرانزا توكيلها زعلان من العملاء بتوعه شوية فهما جابين الخبر للاعضاء اللي عندنا علشان يفرحوهم ان حقهم وعربياتهم هتتصلح او هياخدوا حقهم ان شاء الله يبدوا ان حضرتك علشان جديد فمش خدت بالك بس وفهمت الكلام بمحمل تاني

+11111111111111
الله ينور عليك يا باشا..

[kimocyc]

المشاركة الأصلية كتبت بواسطة mmffor اسبيرانزا سيارة تمنها فيها لو طلعت سليمة المشكلة من ابو الفتوح شيري العربيات باقت عمله زي البطيخ يا تطلع حلوة و مسكرة و مفيهاش مشاكل يا تطلع قرعة و تقرفك في عيشتك و ده طبعا غلط لانك زي ما تكون بتلعب قمار يا تكسب يا تخسر

الله ينور عليك.. نورت الموضوع