اية اخبار صاج الساجا؟؟الى سمعته صح؟؟

[nicolass]

السلام عليكم ورحمه الله وبركاته

انا الحمد لله كنت عملت حادثة بعربيتى والحمد لله الى حصل حصل
ودلوقتى مستنى بس اقوم بالسلامة باذن الله واشوف المرحومة هعمل فيها اية وهشترى عربية تانية
كان الاختيار بين اللوجان والساجا
والكل اتكلم الساجا انها ضعيفة جدا وصجها ورق ومافيش مقارنه بينه وبين اللوجان
ياريت بجد اعرف الموضوع دا وبامانه ربنا وبدون اى تحيز
بخلاف الثبات لانى بمشى طريق سريعه ودائرى يوميا(طريق شغلى)
قطع الغيار لانى سمعت انه الفانوس فوق ال1000 والاكصدمات زية وفى حاجات مش متوفرة
والعفشة كمان لانى بمشى فى طريق فيها مطبات كتير وحتت مش ممهده اصلا
والفرامل لانها مش فيها abs واللوجان الجديدة بقت فيها دا بياثر اوى ولا اية؟؟؟
بس هنا أوقع من المقارنات لان هنا معتمد على التجارب مش الحسابات والارقام بس

معلشى هتعبكم معايا
شكرا مقدما

[Mr.NoLoVe]

بدون تحيز انا راجل معايا لوجان والحمد لله عربيه جميله جدا جدا جدا سواء فى الصاج القوى والمتين والتسارع الله واكبر الماتور ده فيه مارد ممكن تشد مع اى حد وثبات العربيه اوروبى وانت عارف الاوروبيين بيهتموا بالامان فى الاول
والعفشه مفيش انعم من كده ومفيش اقوى من كده تحس انك راكب عفشه سبور ونعمه اازاى متسألنيش لكن ده ميمنعش ان الساجا عربيه محترمه جدا جدا جدا ومتفرقش عن اللوجان فى حاجه وان كان الخمامات الداخليه مقبوله الى حد ما لكن التوكيل سمعته زى الزفت ولكنها فى المجمل عربيه جميله انا ما سوقتهاش لكنها اكيد فى ثباتها رهيب برضو لان بروتون معروفه بكده من زمان زى اخواتها الجين تو و الواجا

والله على ما اقول شهيد

[AbOnOrA]

بالنسبة للساجا عموماً ممكن تقرى التقرير ده
http://www.masrmotors.com/vb/showthread.php?t=19956

بس بالنسبة للصاج فده مفهوم خاطى تماماً

الصاج كله بيبقى بسمك واحد فى كل العربيات فى الفئه ديه سواء هندى اوروبى كورى يمكن الصينى فى بعض العربيات بيبقى سمكة اعلى لكن البروتون زى اللوجان من ناحية الصاج

ثانيا ً وده الاهم ان الصاج مش بيحمى العربيه ولا بيمنع من تدميرها فى الحوادث ... اطلاقاً ... ابسليوتلى


اللى بيحمى العربيه الهيكل بتاعها الصلب مش الصاج

وكل الشركات المحترمة بتهتم بتعزيز الهيكل الداخلى الصلب وتخفيف وزن الصاج الخارجى

والشاهد ان العربيات الصينى ممكن تلاقى الصاج بتعها محمل وتقيل وتشوف اختبارات التصادم بتاعتها تلاقى العربيه اتقسمت نصين من القوائم او العتب

بينما العربيات الحاصلة على اعلى تقديرات الامان صاجها بيتعجن كله لكن الهيكل بتاعها بيفضل سليم

ربنا يكفينا واياكم شر الحوادث يارب .. وتقبل تحياتى

[MEGAREKAB]

المشاركة الأصلية كتبت بواسطة nicolass السلام عليكم ورحمه الله وبركاته انا الحمد لله كنت عملت حادثة بعربيتى والحمد لله الى حصل حصل ودلوقتى مستنى بس اقوم بالسلامة باذن الله واشوف المرحومة هعمل فيها اية وهشترى عربية تانية كان الاختيار بين اللوجان والساجا والكل اتكلم الساجا انها ضعيفة جدا وصجها ورق ومافيش مقارنه بينه وبين اللوجان ياريت بجد اعرف الموضوع دا وبامانه ربنا وبدون اى تحيز بخلاف الثبات لانى بمشى طريق سريعه ودائرى يوميا(طريق شغلى) قطع الغيار لانى سمعت انه الفانوس فوق ال1000 والاكصدمات زية وفى حاجات مش متوفرة والعفشة كمان لانى بمشى فى طريق فيها مطبات كتير وحتت مش ممهده اصلا والفرامل لانها مش فيها abs واللوجان الجديدة بقت فيها دا بياثر اوى ولا اية؟؟؟ بس هنا أوقع من المقارنات لان هنا معتمد على التجارب مش الحسابات والارقام بس معلشى هتعبكم معايا شكرا مقدما

يا أخى حرام عليك اللى بتقوله ده

ماتسمعش كلام من ناس مش فاهمة حاجة وتكتبها كده تسوء سمعه العربية بالاقاويل من غير ماتقصد

اكتر حاجة تغيظ اللى يقولك سمعت ناس وفى ناس بتقول وناس سمعت

اموت واعرف مين الناس دول

قوم بس بالسلامة الاول وقرر هتعمل ايه فى عربيتك القديمه اللى ياريت تقولنا نوعها ايه وبعد كده نفكر هنجيب ايه ونصيحه منى ليك ماتسمعش كلام حد يقولك سمعت ولا قريت ولا ناس بتقول.... اسال اللى معاهم العربية فعلا

وماتروحش منتدى بروتون وتعمل مقارنه بينها وبين غيرها لانك بالتأكيد هتلاقى الكلام كله فى صف بروتون وكذلك الفيرنا ماتسالش عليها فى منتداها

ادخل بنفسك هنا وهنا وهتعرف من المواضيع المكتوبه اراء الملاك الفعليون للسيارة واهم المشاكل اللى قابلوها فى عربياتهم وبيسألوا عليها واهم المميزات اللى اكتشفوها وفى الاخر انت تقرر بنفسك.....

مع خالص دعائى لك بالصحة والعافية والسلامة وحسن الاختيار

[YahiaAshraf]

يا باشا مين قال ان الساجا صاجها ضعيف و بعدين بامانه الللى عاوز يجيب عربيه مانوال يبقى لوجان لو اوتوماتيك ساجا
ميزه اللوجان انها اوروبى مش مواصفات مصرى يعنى هتركب عربيه زى اللى فى اوروبا