ملاحظات لبروتون ساجا الخطيره

[reda310]

[allo]

المشاركة الأصلية كتبت بواسطة tarik80 طبعا مركبتهاش الكدب خيبه وهيه ماشيه طبعا لانها كانت لسه نازله السوق وكان سعرها اوتو ب64 الف مكنش حد يعرفها غير قليل بس موضوع 165 بالحموله ده واسع شويه الا لو انتى رافع الماتور لفاته يعنى ولا انى غلطان

حضرتك انا معنديش سبب يخليني اكدب في حاجة زي دي واديني برد تاني وانا صايم اهو وربنا شاهد ان كلامي ده مظبوط

واحب اوضح ان اي حد جايب العربية دي وبيوضح مزاياها للناس ده لإنه جاب حاجة كويسة وهو بيتمنى الخير لباقي الناس لإنها راحت ولا جت عربية يعني موش قريبتي ولا حاجة

احب اضيف ميزة مهمة جداً : العربية فيها 2 هوك للشد من قدام ومتركبين بطريقة بحيث لو خبطت في رصيف او حاجة او العجلة نزلت في حفرة اول حاجة تخبط يبقى الهوك وده حماية للموتور والكارتيرة وبقية جسم العربية من تحت

[فاطومه المصريه]

المشاركة الأصلية كتبت بواسطة mostafa mamdouh عندى كدة شوية كلام عايز اقوله.......... اولا انا مش بحب الساجا دية... هى ممكن تكون عربية كويسة .......... بس عربية لم تحقق اى نجاح فى مصر ....وخير دليل...... المبيعات بتعتها قليلة والناس الى بتشتريها قليلة............. السيارة غير منتشرة بالمرة " يعنى نادرا لما تشوف واحدة فى الشارع " دة اولا ثانيا بالنسبة للمقارنات الى انت عملها..... اللوجان عربية ممتازة زى ما انت قولت بس موتورها مش ضعيف وذالك عن تجربة ثالثا صالون الساجا ضيق زيه زى الفيرنا الفرق مش كبير اوى بينهم رابعا والاهم......... انت قارنت الساجا ديه باللوجان والفيرنا علشان فى نفس الفئة السعرية بس انت نسيت العربية لى تضرب الساجا "معلش يعنى" بالجزمة والعربية هى speranza a516 انا عارف انها صينى وهتقعد تقولى العيوب التقفيل وشوية كلام فاضى كدة ......... انا عارف ان العربية فيها عيوب فى التقفيل بس دة كان فى الموديلات القديمة لكن موديلات 2010 و2011 لا يوجد بهم اى عيوب فى التقفيل ولا عيوب فى الصناعة وزى ما انت عملت مقارنات برحتك انا كمان هعملك مقارنة صغيوة بين الاسبرانزا والساجا لو قارنت وسع الصالون بتاع الساجا! بالاسبرانزا اكيد اكيد اكيد الاسبرانزا تكسب بجداره لو قارنت وسع الشنطة اكيد الاسبرانزا تكسب لو قارنت البورستيرنج اكيد الاسبرانزا تكسب ابسط حاجة .......عدة الصوت الاسبرانزا تكسب برضو ولو قارنت وقارنت وقارنت الاسبرانزا هتكسب برضو الاهم من كل دة الموتور هتكلم الاول عن موتور الساجا! السعة 1300 cc العزم 120 القوة 94 حصان ثانيا speranza السعة 1600 cc العزم 147 القوة 117 حصان يعنى الخلاصة ان موتور الاسبرانزا يتفوق على الساجا بمراحل هذة مقارنة بسيطة للتوضيح فقط .......... ومبروك عليك الساجا !!!!!!!!!!!!!!!!:00db9337 ef155724e76

بصراحه مش متفقه مع حضرتك بخصوص الاسبرانزا وكل المواصفات الرهيبه اللى حضرتك بتقول عليها
ولو عاوز تعرف بيجد اذا كانت كلها عيوب ولا لا
اسال اى واحد جايبها تاكسى ابيض
هيقولك ميزتها الوحيده السنتر لوك والصالون الواسع
غير كده كلها عيوب
واولهم طبعا العفشه بتاعتها
وعموما
لولا اختلاف الاذواق لبارت السلع

[reda310]

يظهر خايفين يحطوا صور الساجا احسن يتحسدوا
والنق يشتغل اوعدنا يا رب

[احمد محمد اسماعيل علي]

قطع غيارها متوفره ولا لا؟؟؟؟؟ و اسعارها ايه؟؟