عاجل 000000 الى البروتانية

[luckyman]

المشاركة الأصلية كتبت بواسطة أبو الحسين محمد والله يا أخ أيهاب الواحد مش عارف يعمل أية مع التوكيل الجماعة دول معاهم كنز ولكن للأسف لم يحسنوا أستخدامة وكمان مش عارف لية هما بيعملوا كدة مع العملاء المفروض الناس دية ( العملاء ) قد فضلوا هذة السلعة (سيارات بروتون ) على سيارات كثيرة غيرها ليس لخفض ثمنها مع هذه الأمكانيات الكبيرة ولكن لسمعة هذة السيارة من حيث كل شيء فهى جيدة جدا فوق الوصف ولا توجد بها مشاكل نهائيا مثل كثير من الأنواع الأخري التى تفوقها سعرا ولكن مشاكلها لا تكاد تذكر أنا محتار هل عز العرب يعاقب كل من يشترى هذة السيارة المفروض مقابلة الأحسان بالأحسان وليس الأحسان بالأساءة فأنا بأقترح على أخوانا البروتانية وأنا سمعت أن هناك نادى أو رابطة تدعى البروتانية تضم مجموعة لا بأس بها من ملاك السيارة يروتون بجميع أنواعها وأنا بشجع مثل هذة الأعمال وأحب أن أنضم أليهم وكل من يمتلك سيارة بروتون ينضم اليهم فأنا بأقترح عليهم أن نقوم بعمل حفل كبير بمناسبة دخول السيارة بروتون الى مصر ونقوم بدعوة هشام بيه عز العرب ونطرح علية مشاكلنا مع التوكيل وأسعار قطع الغيار الغالية وعدم توفيرها خارج التوكيل ( بالأخص الموديلات الجديدة ) لعل وعسى أن يأتى بخير على البروتانية وهذا أقتراح منى 000لعل أن ينال أعجاب أخوتنا البروتانية ونقوم بالتصويت لهذا العمل

قلبك ابيض هشام بية اية وباشا وزعبوله سيبك الوكيل اصلا نفسة بعد ما يبعيع السيارة ما يشوفش وش حد تانى
هنا فى مصر معندهمش يربى زبون يعنى اية يعنى لما انت تفكر تغير عربيتك بجديد ترجع تجيب بروتون لانك بتثق فى الماركة والوكيل وسمعة الناس هنا فى مصر فاهمين التسويق والبيع انها الفهلوة بتكون العربية كويسة وبيفضلوا يكدبوا موتور فيرارى وجسم بورش واجهزة جر لمبورجينى والناس بقى اية عبيطة متفهمش انت ويقولك مثلا موتور المانى تلت ارباع عربيات مصر لما تروح معرض يقولك موتور المانى انا اسف اوى يعنى الزبون والله لو بهيم الواحد يختشى شوية وهو بيتكلم والمصيبة ان بتوع التسويق وفى قاعات العرض معندهوش اى فكرة عن العربية الا انة لابس كرفتة اكبر من رقبتة زى معرض اتوماك موقفين ناس لو مؤخذة لو خروف حيفهم العربية فيها اية كل اللى عايزينة انسان مغفل يدخل يشترى او يحجز ويمشى اتنا بسمى الطريقة المتبعة فى مصر فى عملية التسويق والاعلان للسيارات والبيع والخدمة سياسة البهايم
فى توكيل محترم ميعرفش يشخص مشكله المفروض انهم مؤهلين فى توكيل يقعد يفكر معاك المشكله من فين ويقول تقفيل كنب عيب اوى والله الكلام دة وفى عربية فى العالم بتطلع فيها تقفيل كنب والمساخر اللى بنسمعها دى الا هنا فى مصر المحروسة مش العربيات اللى عايزة شدة الناس والضمائر والبلد كلها اللى عايزة شدة ضمير ومهارات وسلوكيات واخلاق ودين وشكرا

[أبو الحسين محمد]

والله يا أخ luckyman الواحد\ بيحس من معاملة الناس دية على صحة كلامك
الناس دية ميهموش زعل العميل قد ما يهمة بيع العربيه للعميل
المعاملة قبل شراء السيارة تختلف نهائى بعد شراء السيارة
قبل شراء السيارة تجد ترحيب وتهليل و 000 أتفضل يا باشا واى خدمة يا باشا 000واية يا باشا ويفضل ينفخ فى الواحد بكلمة يا باشا لغاية الواحد يكاد أن ينفجر 00 وقهوة للباشا وحاجة ساقعة للباشا
حتى أذا ما تم الأنتهاء من دفع قيمة السيارة 0000أنتهى كل شيء
مع أن خدمة ما بعد البيع أهم من تسويق السيارة
لأن العميل حينما يجد أن خدمة ما بعد البيع جيدة من حيث الصيانه الغير مبالغ فيها وقطع الغيار متوفرة وبأسعار فى متناول يدة أكيد ده فى حد ذاته أحسن تسويق للسيارة
وبعدين عز العرب بخيل جدا فى تسويق السيارات لأنه عارف أن السيارة بروتون جيدة فهى تسوق نفسها بنفسها والفضل للعملاء الذين يركبون هذة السيارة فهم لهم الفضل بالتسويق
وعلى رأيك تنتظر من البخيل أيه00000000!
حتى فى معرض أتوماك الأخبار الأخير كان الواحد منتظر أن يقوم بأنزال موديل جديد يكتسح به السوق ولكن للأسف ليس له وجود نهائى فى المعرض مع أن التوكيلات التانية عملت شغل جامد يحسدو علية وخاصة توكيل رينو
عندة مصداقية فى كل شيء
معلن عن أسعار الصيانات المختلفة وأسعار قطع الغيار حتى يعرف العميل ما له وما علية فهذا فى حد ذاته أحسن تسويق للسيارة
وبعدين الواحد يقصد من هذا الأقتراح أن نأخذ معاه موقف موحد بالذوق فأن لم يأتى معه الذوق يأتى بالعافية
لأنه حينما يرى مجموعة كبيرة أمامه ربما يلم نفسة بعض الشيء
فأن لم يرتدع فأنه توجد أجراءات آخرى تضمن لنا حقوقنا
- نشكوه لجمعية حماية المستهلك
لأنه حينما تقوم مجموعة كبيرة بتقديم الشكوى سيهتمون بالشكوى
- شكوى لوزير الصناعة والتجارة الخارجية
- شكوى للنيابة للكسب الغير مشروع
فأن لم يرتدع
- شكوى للمصنع الأم الذى قام بأعطائه التوكيل

[zemanovaxxx]

المشاركة الأصلية كتبت بواسطة أبو الحسين محمد ألف شكر على مرورك أخى الفاضل master.formats صدقنى ردك أثلج صدرى بس صدقنى بحس أن العربية لما تعدى على مطب أو حفرة أحس أنها متفككة من بعض أبن عمى أشترى عربية مستعملة موديل 2006 ميجان وركبت معاه مخصوص علشان أسمع أى صوت للعربية ففوجئت أنه لا يوجد أى صوت نهائى للعربية حينما تمر على مطب أو حفرة حسيت أن العربية قطعة واحدة متماسكة فحزنت كثيرا على عربيتى ألى أنا لسة شاريها زيرو من 5 شهور فيا ريت حد يدلنى على الحل

عزيزي الميجان حاجة تانية خالص, وتقفيلها لا يقارن بتقفيل الساجا اللي علي الرغم من ذلك ناس كتير قالت عنه إنه مش وحش