اخيييييرا جبت جين 2 :)

[nohaaz]

باركولي يا جماعة اخيرا اخييييييييييييييييرا جبت جنتي حبيبتي بعد 8 شهور من البحث المكثف و التفحيص و التمحيص
هي جين2 2007 اوتو والحمدلله ربنا اكرمني فيها و حالتها فل الفل مع انها ماشيه 130000 كم بالكمال و التمام
طبعا (زي كل البنات )انا هايلة جدا جدا جدا في السواقة و كمان جديدة في الاوتو فهحتاج منكم شوية نصايح و مساعدات

اول سؤال و محدش يتريق
لية الازاز بتاع العربية بيقفل لوحدة ؟؟ و انا سايقة امبارح و منغير مدوس على اي حاجة و لا غيرت حاجة و لا فتحت تكييف لاقيت الاربع ازاز قفلو لوحدهم
الصراحة انا قلت دي دعوة من العربية اني اشغل التكييف و مهتمتش
بس باليل و انا راجعة من اكتوبر عملت نفس الحركة 5 او 6 مرات حتى لما بقفل اللوك بتاع الازاز برضه بتقفل لوحدها
ياترى انا بدوس على حاجة غصب عني مثلا و لا في سبب ليها تعمل كدة او عيب ولا فيها عفريت

تاني حاجة صوت الباركينج سينسور واطي جدا جدا و دا طبعا اهم حاجة عندي فمش عارفة دا بيعلى ازاي او عند مين

سوري طولت عليكم و ميرسي مبدايا

[porosski]

فيها عفريت
ان شاءالله حد يرد ﻭﻣﺒﺮﻭﻙ

[محمد رفعت دعبس]

ممكن تكون لسه مغسوله والمايه جت على لوحه المفاتيح اويكون فى لمس فى لوحه المفاتيح عموما خير
المهم انا كمان بدور على جين تو بقالى 20 يوم

[روبرت مجدي]

الف مبروك و ربنا يبارك لك فيها
ممكن اقولك على معلومة ان ممكن يكون عيب ف الكهربا بتاعتها و طبعا لازم اما التوكيل يحلها أو حد بيفهم فيها لأنها مش اي حد بيفهم ف النوع ده من العربيات

[nohaaz]

المشاركة الأصلية كتبت بواسطة محمد رفعت دعبس ممكن تكون لسه مغسوله والمايه جت على لوحه المفاتيح اويكون فى لمس فى لوحه المفاتيح عموما خير المهم انا كمان بدور على جين تو بقالى 20 يوم

ميرسي ربنا يوفقك و تلاقيها على طول مش تستنى 8 شهور بتدور زيي