عاوز حل لتيل الفرامل للبيرسونا

[Saif eldien]

روح لميكانيكى كويس وخلية ينضف حولين الطنبورة كويس ويعمل سنفرة لتيل وجرب وان شاء الله الصوت يروح

[علاء عزمي]

انا والله اتعقدت من الموضوع ده انا بقالي اكتر من 40 يوم مركب التيل ومشيت اكتر من 3000 كم والصوت زي ما هو وصوت مزعج بيقلقني جدا خاصة لما اكون لسة متجرك بالعربية في اول اليوم والاصلي بتاعها في التوكيل عامل 800 الامامي و 800 الخلفي طيب هو انا هدفع 1700 جنيه في تيل ممممممممممممممم

[tamer Osman]

التيل البديل الى موجود فى التوكيل فغلا بيدمر الطنابير و الحل ان حضرتك تركب التيل البوش الاصلى الى فى التوكيل ب 800 جنيه او تعمل الحل التالى :

التيل الامامى :
تروح محل محترم بيبيع قطع غيار فيات اصلية و تشترى تيل فيات بترا او برافا( هو نفسه التيل الامامى بتاع الجين 2) فيه بوش ايطالى ب 350 ممتاز و مايلى المانى ب 200 برضه ممتاز و فيه ناس كتير جربت الموضوع ده و شغال معاها تمام

بالنسبة للتيل الخلفى:
تيل توتوتا افنسز بس ياريت تفك التيل بتاع الجين الخلفى و تطابقهم مع بعض قبل الشراء

[علاء عزمي]

انا نزلت التوفيقية وجبت تيل فرامل امامي بتاع فيات بيترا وليس برافا نوعه تركي عامل 150 جنيه وبصراحة باين عليه كويس يعني مفيش الصفارة الفظيعة اللي كانت موجودة في التيل القديم ربنا يسهل ويبقي كويس والجديد اللي عرفته خناك ان التيل الامامي بتاع BYD بيركب عندي في البيرسونا بس كنت اشتريت التيل التاني بتاع الفيات البيترا ومتشكر جدا يا استاذ تامرعلي المعلومة دي