عايز راى اهل الخبره

[Tota El Masry]

المشاركة الأصلية كتبت بواسطة HaMaDa-ToUBaR انا شخصيا ارفض انك تجيب البومة وتدفع فيها المبلغ دة وخصوصها ان الموديل بتاعها انتهى ونزل موديل تانى جديد ... والشارك الجديدة بصراحة تحفة ووقتها هتحس انا راكب عربية جديد فعلا لكن متفق معاك انك تجيب عربية شكلها بقالة سنين وكمان جايبها زيرو وان شاء الله هتعد معاك كتير فاكيد مش هتبقى مرتاح نفسيا والشارك بصراحة تغلبها فى كل حاجة ومشكلتها الوحيدة شنطتها انها صغيرة بس وربنا يوفقك ان شاء الله ويوجهك للاختيار السليم

متفقة مع حضرتك جداً

[EZZ2006]

المشاركة الأصلية كتبت بواسطة 3bdo لا معلش بقى انا مختلف مع كل الناس اللى بتكلم على البومة و تقريبا محدش فيهم ركبها طب معلش ثوانى كده حضرتك عايز تروح تجيب عربية التيل القدامانى بتاعها ب 500 جنيه اللى هيا الشارك واللى يقول ان الكورى عربيات جامدة يبقى مركبش يابانى و الله البومة عربية ممتازة واعطالها قليلة جدا ولا حضرتك عايز تجيب السيراتو اللى مسروق منها اكتر من 3000 عربية فى مصر لحد دلوقتى ده غير توكيلها الزبالة ولا تجيب الانترا اللى عيوبها اكتر بكتير من مميزاتها وخش شوف فى قسم الانترا اللى يقولك السحب وحش واللى يقولك العفشة ناشفة واللى يقولك العربية بتعوم وعيوب تانية كتير كل ده غير التوكيل بتاعها واظن ده مش محتاج كلام وبعدين البومة نازالة من سنة 2003 والشارك من 2007 يعنى ال 4 سنين مش هيفرقوا كتير وفى شوية حاجات فو البومة اتغيروا عن الاول و اولهم الفتيس وبعدين حضرتك مش هتلاقى حاجة فى نفس الفئة دى واوتوماتيك وبنفس قوة البومة و جودتها والله لو الزمن رجع بيا تانى هشترى البومة اشتريها واتوكل على الله و وهتدعيلى

لعلمك البومة كوري
والموجودة الوقت تقفيل مصري ههههههههه

[EZZ2006]

حد يدفع مبلغ كبير في عربية موديلها فات من زمان!

رأيي الشخصي هات النترا 2012 وطبعاً تكون تقفيل برة

[3bdo]

المشاركة الأصلية كتبت بواسطة EZZ2006 لعلمك البومة كوري والموجودة الوقت تقفيل مصري ههههههههه

ههههههههه انا مش عارف المفروض مين الى يضحك البومة كورى يا نهار اسود يا جدعان لا والموجودة دلوقتى تقفيل مصرى حضرتك بتكلم بجد ولا بتهزر انا لما جبت العربية كان فيه ورقة محطوطة على الازاز مكتوب ان العربية made in jaban
و ازاى تقفيل مصرى امال البومة اللى بتبقى جاية فى سفن الميناء دى الصراحة يا باشا واضح انك متعرفش حاجة خالص عن البومة على العموم برضه دى صورة للورقة اللى كانت على ازاز العربية
http://www.masr1.com/?di=GT2E

[abdohtaby]

يا جماعه انتو فاهمين الكوري غلط ليه اي عربيه في الدنيا ليها مميزاتها وليها عيوبها وبصراحة العربيات الكوري تمام تمام اوي انا كان معايا كورولا 2007 وبصراحه حلوة مش وحشه والياباني برضو حلو مش وحش بس انتا لو عاوز رفاهيه ومواصفات خليك في الكوري لو عاوز حاجة تستحملك وتستحمل الهبد والمطبات بتاع مصر هات ياباني وانا كنت عاوز اسال الاستاذ شريف الدين سؤال انتا ايه رايك في الكيا سيراتو 2012 الجنط ال 16 ex ايه رايك فيها وهي احسن ولا البومه 2012ولا الكورولا 2007 علشان في ناس بتسالني ايه الاحسن قولي ايه الاحسن سيراتو 2012 ex الجنط 16 مش 17 ولا كورولا 2007 اتوماتيك مفيهاش خربوش ولا البومه 2012 اتوماتيك ايه الاحسن ضروووررررررررري ROSE4 U