يا جماعة ساعدونى عربيتى اتسرقت :((((((

[samirayad]

حاجة تحير طيب مش المفروض المفاتيح بتاعة العربيات دى مزودة بخاصية الاممبولايزر الى بيها الماتور مستحيل يدور الا باستخدام المفتاح الاصلى ؟

وهى دى إللى مشككانى برضه

فى أحتمالية

وجود علاقه بين مكان البيع وسرقة السياره

ممكن فعلا

تكون معاهم نسخ

من مفاتيح مشفره لسيارات معينه

__________________

ما أحنا سمعنا عن معارض حراميه كتيرأوى

بيلموا العرابين من الزبائن

ويروحوا قافلين معارضهم

فممكن تكون دى وسيلة نصب جديده

[شريف اسامة]

بس اعتقد ده صعب اوى لانى اعرفهم كويس و ناس مستوى عالى و انا جبت منهم عربية قبل كده من سنتين و بعتها..انا بقت الناس كلها تكلمنى تواسينى و كان حد مات فى العيلة ( الحمدلله رب العالمين

[ياسرأبوعاصي]

بمشيئة الله هتلاقيها ..اصل مصر خلاص بقى تلت تربعها حرامية والربع الاخير بيندب حظه ...حسبي الله ونعم الوكيل ...والله حاجة تحسر ... مليار مرة حسبي الله ونعم الوكيل

[samirayad]

انا بقت الناس كلها تكلمنى تواسينى و كان حد مات فى العيلة

لا تأمن هذه الحركات

وكن دائما فى مثل تلك الأحوال

شكاك فى كل إللى حواليك

______________

زكى رستم فى رصيف نمره (5)

كان قمه فى التدين وعمال يطلع فلوس لله

وكلنا شوفناه فى حقيقة الأمر كان أيه

قاتل وتاجر مخدرات

_____________

الحج ناجى

فى فيلم ( كراكون فى الشارع )

باع لعادل أمام

كيس تمر فيه 15 حبايه

ب15 ألف جنيه

وكان مربى دقنه لحد رجليه

والمسبحه لا تغادر أيديه

[bassol200]

سيادتك حاول تستفسر من المرور بقي عن النمر الجديده اللى واجعين دماغنا بيها .. ماهو لو مالهاش فايده فى موقف زى ده .. هيبقي ليها فايده فى ايه .. و حاول برضه تشوف ليك سكه فى الدخليه هتساعدك اكيد .. ماهى مصر بلدنا .. كلها بالوسايط ماشيه .. ربنا يصبرك .. و تلاقيها انا عربية ابن خالتي اتسرقت قبل كده و هو بلغ و لاقوها مرميه على طريق فى ابو المطامير ماعرفش ازاى . احنا من اسكندريه .. و ماتستبعدش ان اللى اخدها اخدها عشان يعمل بيها مصيبه و الحمدلله انك بلغت ان شاء الله تلاقيها سليمه و مش ناقصه حاجه .. اكتر من المصيبه اللى اتعملت بيها دى و ربنا يعوض صبرك خير و يجعله فى ميزان حسناتك !!!