سواقه عربيه اللادا 2107

[مودى بودى]

المشاركة الأصلية كتبت بواسطة hoba_m جديد ولسه بتعلم اسوق اللادا 2107 مو2006 وخت العيلة معايا وخدت مطبين حلوين بس عشان جديد فى السواقة ومعرفش حصل ايه ومش فاهم الحكة الجامدة تحت عملت ايه فى العربية ومش فاهم والحمد لله اى مش فاهم اغير زيت امتى فين اصلا النقصات والعفشة والبيض

اولا انك لسه جديد ولا يهمك المشاكل اللى لسه فى الاول دى عادية يعنى حتروح ان شاء الله مع الاستمرار فى انك تسوق العربية وتتعود عليها
ثانيا حكاية المطبات دى حاول على قدر الامكان انك تاخد بالك منها لانها ممكن تاذى العفشة بتاعة العربية والمساعدين واحتمال كمان الفتيس والحمد لله اولا واخيرا انك بخير
ثالثا حاول انك تتشوف ميكانيكى محترم كده وتكشف على العربية كل فترة وخليها كل شهر علشان المشاكل تكون قليلة معاك باذن الله والعفشة دى تحاول تشوفها برضه عند واحد بتاع عفشة كل شهرين علشان مشاكل البيض اللى فى العجل تتلافاها وخصوصا فى شوارع مصر وبالنسبة للزيت ده بيتوقف على الزيت اللى انت بتحطه فى العربية لانه انواع وبيتغير بعد عدد معين من الكيلو مترات يعنى فى 3000 او 5000 او 10000 كيلو متر
واتمنى اكون أفدتك

وأخيرا الف مبروك على العربية وربنا يديك خيرها ويكفيك شرها
واهلا بيك فى نادى اللادا ptmnlo123per154

[مهند سالم]

والله يا جماعة اللادا ما قصرت، بس بالنسبة للشخص إلا إمكانياته على قده، وعايز حاجة قوية وكويسة وترحمه من زحمة المواصلات، لكن عيوبها معروفة الخشونة ونشوفية العفشة وثقل الدركسيون، وعموما كل إنسان عارف إمكانياته واحتياجاته وإيه المناسب ليه، أنا والله ما عنديش أي مانع إني أشتري لادا، بس لو النصيب وداني ليها وكنت محتاجها هأجيبها بلا تردد، العربية عيوبها محتملة، وفيها برده مميزات. وشكرا.

[ابوشروق]

ptmnlo123per122حكاية اجمد سياره علىفكره والدى كان عنده سياره 124 لادا سبعينات وكانت اول يد ويعمل بها سائق تاكسى لاكن عمره مادانى حتا لفه او اركنها ومن حبه فيها مبيركبش زباين عشان بيخاف عليها اوى ولما دخلت احلال بمشروع التاكسى قعد يبكى عليها واستبدلها ب لادا 2107موديل 2010ومره واحده كان عندنا فرح والمكان ال هيركن فيه صغير معرفش يركن فسمحلى ان اركنها وقام هو بدور السايس وكانت اول واخر مره وبصراحه عجبتنى قوة العربيه والباور مع العلم انا عندى سياره نصر 125توتا توتا خلصت الحدوته ابوشروق

[hoba_m]

شكر لكل المحترمين اللى ردوا علية وجزاكم الله كل خير

[shadowmaster]

عربيات محترمة ووحش على الطريق وعلى قد فلوسها عايز راحة اكتر ادفع اكتر وهات حاجة راحة اكتر مزنوق زي حالاتي اللادة فل الفل وعن وعناب