ياريت مساعدة ( اية هو ارخص موتوسيكل فى مصر مش صينى )؟؟؟؟

[nktis]

بس علي فكره الاسعار شدت شويه ....
واحد بيبيع واحده 400 فاير موديل 90 ومعاه بقالها 3 سنوات وعايز 21؟؟؟؟

[abdallah91]

يااااااااااااة انا كنت اتمنى يبقى فى رنج تانى خالص
ههههه
بص ومن غير ضحك بقى )
3 او اربع الاف جنية ممكن يجيبوا حاجة مش صينى واعطالها مش كتير وللا لاة ؟

[nktis]

المشاركة الأصلية كتبت بواسطة abdallah91 يااااااااااااة انا كنت اتمنى يبقى فى رنج تانى خالص ههههه بص ومن غير ضحك بقى ) 3 او اربع الاف جنية ممكن يجيبوا حاجة مش صينى واعطالها مش كتير وللا لاة ؟

للاسف لا...........

[h0pa]

معلش آسف لتدخلي في حاجة ما بافهمش فيها
زمان كان في مسابقة لكوكاكولا كانت الجايزة وقتها موتوسيكل رفيع كدة
مش فاكر اسمه لكني باشوفه في الشوارع كتير
عامل زي العجلة كدة و تحس انه ضعيف لكنه شغال و اصحابه ما بيشتكوش منه
ولما سألت عليه واحد راكب موتوسيكل صيني
قالي ده ممكن تلاقيه ب 200 جنيه كمان يعني ارخص من العجلة
سؤالي بقي
حد يعرف الموتوسيكل ده
لو حد يعرفه ياريت يقول اسمه او يقولنا عنه شوية تفاصيل
علشان انا بصراحة و من غير كدب ماليش في الموتوسيكلات و حاسس ان ليها دماغ لوحدها لكن انا بافكر لو فعلا في حاجة كدة رخيصة اجيبه و اهو ينفع الواحد في المشاوير بتاعة البيت و الطلبات
وممكن علي فكرة لو صاحب الموضوع شافه ممكن يعجبه لانه مش صيني تقريبا وخفيف ( من اللى فاكره من شكله انه تقريبا تقل العجلة او يمكن اتقل شوية ) لكن تقريبا مش بتاع مشاوير جارحة يعني مشوار لحد الفرن تجيب عيش الفطار مثلا
تجيب عليه كيلو فاكهة او تتمشي بيه في الشتا و الارضية الجميلة بتاعتنا في مصر اللى ما بيبقاش فيها مية ولا طين خالص
المهم طولت في الاستفسار
تحياتي وبالتوفيق للجميع

[nktis]

200جنيه ايه بس........؟؟؟