PRIMERA مفاجاة أبو غالى للسوق المصرى

[AbOnOrA]

العربية موجودة حالياً (الدفعة التانية) فى المعارض

المعرض اللى اعرفة فى اخر شارع النزهة بجوار الجامعة العمالية

وممكن تشوفها فى التوكيل نفسة فى العبور

بالنسبة للتقسيط بصراحة مقدرش افيدك اذا كان فيه تقسيط مباشر من ابوغالى ولا لاء بس اكيد ممكن تتقسط مع البنوك عادى

وقريب جداً ان شاء الله هنعمل لها تست درايف كامل ونعرضة عليكم

[AbOnOrA]

المشاركة الأصلية كتبت بواسطة Galaxy شكراً ياباشا عالخبر بس ابو غالى مافلحش غير فى توكيل الوحش اليابانى سوبارو فقط لاغير وهو اللى شهر وعمل اسم لاابو غالى

ابوغالى كان ماسك هوندا
ومن اوائل الناس اللى خدمت الدايو فى مصر
ده غير بى ام دبليو
وحالياً عندة اكبر مركز لخدمة نيسان فى مصر ومؤهل لانة يكون الاول على الشرق الاوسط

بالعكس سوبارو من اقل العربيات اللى اخدت اهتمام من التوكيل

[SENY]

المشاركة الأصلية كتبت بواسطة AboNoRa العربية موجودة حالياً (الدفعة التانية) فى المعارض المعرض اللى اعرفة فى اخر شارع النزهة بجوار الجامعة العمالية وممكن تشوفها فى التوكيل نفسة فى العبور بالنسبة للتقسيط بصراحة مقدرش افيدك اذا كان فيه تقسيط مباشر من ابوغالى ولا لاء بس اكيد ممكن تتقسط مع البنوك عادى وقريب جداً ان شاء الله هنعمل لها تست درايف كامل ونعرضة عليكم

طب كويس اني اقدر اقسط من البنوك وتنصحني بفئة ايه فيهم

[SENY]

ياباشا ياريت ترد علي سؤالي

[AbOnOrA]

انا اسف يا استاذ SENY انا فعلاً رديت على حضرتك بس يظهر حصلت مشكلة لحظية او حاجة خلت الرد ميوصلش فكويس ان حضرتك رفعت الموضوع تانى

انا قولت ان العربية لم تجرب بشكل كافى فقط اطلعنا عليها ظاهرياً بدون اختبار قيادة وطلبنا من الوكيل توفير سيارة للاختبار لننقل لكم بشفافية وموضوعية حال ومستوى السيارة

علشان كده لحد ما نختبر العربية بشكل كامل او تنتشر العربية فى الاسواق مقدرش انصحك بشراء اى فئة يقيناً

لكن انصحك بتحديد متطلباتك وامكانياتك بدقة واستعراض كل الخيارات المتاحة فى حدود امكانياتك ومقارنتها بمتطلباتك وبناء علية تختار اقربهم لاتياجاتك وامكانياتك

اتمنى انى اكون افدتك