تعديل رائع لتحويل أي سيارة للعمل بالكهرباء مع البنزين

المشاركة الأصلية كتبت بواسطة linatrix كنت قدمت براءة اختراع بفكر مشابهه قوى للموضوع ده من حوالى 12 سنه كده بس كانت اكتر تطور بس تم رفض براءة الاختراع و كان ردهم عدم صلاحية الفكره للتطبيق فى الواقع

لآ حول ولا قوة الا بالله العلى العظيم !!!!!!! حسبنا الله ونعم الوكيل !!!
:sh wt:

[conwaydiver]

انشاء الله انا ناوي اعملها وانفذها لاني قبل ما اجي من امريكا شوفت موضوع تحويل ماتور العربية من بنزين لكهرباء والموضوع مش معقد ولا حاجة
بتشتري كل المجموعة اللي هي ماتور كهرباء بطاريات محول شاحن و شوية قطع تانية مش فاكرها
المهم بتفضي العربية من كل حاجة وبيتم تركيب الموتور بطريقه سهله جدا وبعض اجزاء التغذية
وطبعا قبل ما تشتري الموتور لازم تعرف وزن العربية كام بعد ماتفضيها عشان تجيب الموتور المناسب اللي يقدر يمشي العربية وقوة البطاريات لازم تكون مناسبة للوزن بتاع العربية وحجم الموتور الكهربائي
علي ما عرفت ان الموتور المتوسط والبطاريات المتوسطة تقدر تمشي بيها بسرعه مش هتزيد عن 100 كم في الساعة والشحن الكامل للبطريات يقدر يمشيك من 60 كيلو ل 200 كيلو وده طبعا حسب كام واحد راكب معاك ومشغل الكاسيت ولا لأ والتكيف والنور وسرعتك طبعا
اللي اقدر اقوله الفكرة ممتازة وتنفع داخل المدينة جدا لكن السفر منصحش بيه
الشواحن بتاعتها بتختلف من نوع للتاني
يعني في شاحن يشحن عربيتك في 5 ساعات وفي شاحن يشحنها في 3 ساعات وفي شاحن يشحنها في نص ساعة وبيختلف سعر الشاحن طبعا
الفكرة جميلة جدا والمكونات دي صفر جمارك زي ماقال مرسي اللي مطلع حسي

[eng/walaaeldeen]

المشاركة الأصلية كتبت بواسطة conwaydiver انشاء الله انا ناوي اعملها وانفذها لاني قبل ما اجي من امريكا شوفت موضوع تحويل ماتور العربية من بنزين لكهرباء والموضوع مش معقد ولا حاجة بتشتري كل المجموعة اللي هي ماتور كهرباء بطاريات محول شاحن و شوية قطع تانية مش فاكرها المهم بتفضي العربية من كل حاجة وبيتم تركيب الموتور بطريقه سهله جدا وبعض اجزاء التغذية وطبعا قبل ما تشتري الموتور لازم تعرف وزن العربية كام بعد ماتفضيها عشان تجيب الموتور المناسب اللي يقدر يمشي العربية وقوة البطاريات لازم تكون مناسبة للوزن بتاع العربية وحجم الموتور الكهربائي علي ما عرفت ان الموتور المتوسط والبطاريات المتوسطة تقدر تمشي بيها بسرعه مش هتزيد عن 100 كم في الساعة والشحن الكامل للبطريات يقدر يمشيك من 60 كيلو ل 200 كيلو وده طبعا حسب كام واحد راكب معاك ومشغل الكاسيت ولا لأ والتكيف والنور وسرعتك طبعا اللي اقدر اقوله الفكرة ممتازة وتنفع داخل المدينة جدا لكن السفر منصحش بيه الشواحن بتاعتها بتختلف من نوع للتاني يعني في شاحن يشحن عربيتك في 5 ساعات وفي شاحن يشحنها في 3 ساعات وفي شاحن يشحنها في نص ساعة وبيختلف سعر الشاحن طبعا الفكرة جميلة جدا والمكونات دي صفر جمارك زي ماقال مرسي اللي مطلع حسي

السلام عليكم
منتظرينك لتخبرنا عن التجربه
لكن نحن نريد شحن زاتي للبطاريات من العربيه عن طريق دوران العجل او تركيب مولدات من الهواء المحتك بجسم العربيه
والله المستعان

[conwaydiver]

الموضوع اللي بيتكلم عليه ميس ميل ده اسمه الهايبرد وده متنفذ من زمان بقاله سنين وفي عربيات هايبرد كتير اوي لكن اللي بتكلم عليه انا كهرباء بالكامل لكن كل اللي بشوفه متنفذ في عربيات موديل قديم مش عارف ليه الموديلات القديمة بس انا راجع انشاء الله شهر 6 وهبتدي البحث اول ما هوصل وهبلغ بالنتايج علي طول
والله الموفق

[broadband]

الموضوع جامد جدااا و لو فعلا يتنفذ يبقى اختراع حلو و مفيد
انا معاك لو احتجت مساعدة ميكانيكية

و مشكور على كل حال